തൃക്കാക്കര നഗരസഭ പണക്കിഴി വിവാദം: വിജിലൻസ് റിപ്പോർട്ടിന് ശേഷം തുടർ നടപടിയെന്ന് റവന്യു മന്ത്രി

തൃക്കാക്കര നഗരസഭയിലെ പണക്കിഴി വിവാദത്തിൽ വിജിലൻസ് അന്വേഷണം നടക്കുന്നുണ്ടെന്ന് റവന്യു മന്ത്രി കെ രാജൻ. സംഭവത്തിലെ നിജസ്ഥിതിപുറത്തുവരാനാണ് വിജിലൻസ് അന്വേഷണം. റിപ്പോർട്ട് വന്നതിന് ശേഷം തുടർ നടപടികളുണ്ടാകുമെന്നും മന്ത്രി അറിയിച്ചു.

തൃക്കാക്കരയിൽ നടന്നത് അപമാനകരമായ കാര്യമാണ്. ഈ രീതി പ്രോത്സാഹിപ്പിക്കാൻ കഴിയില്ല. കുറ്റക്കാർ ശിക്ഷിക്കപ്പെടണം. പണാധിപത്യം ജനാധിപത്യത്തിന് മുന്നിൽ കീഴടങ്ങാൻ പാടില്ലെന്നും മന്ത്രി പറഞ്ഞു. തൃക്കാക്കരനഗരസഭ ചെയർപേഴ്‌സണായ അജിത തങ്കപ്പൻ കൗൺസിലർമാർക്ക് ഓണക്കോടിക്കൊപ്പം പതിനായിരം രൂപ കവറിലിട്ട് നൽകിയതാണ് വിവാദത്തിന് കാരണമായത്.  സംഭവത്തിൽ എറണാകുളം ഡിസിസിയും അന്വേഷണം നടത്തുന്നുണ്ട്.

Read More

വിവാദ ഓണ സമ്മാനം: തൃക്കാക്കര നഗരസഭാ അധ്യക്ഷയോട് പ്രതിപക്ഷ നേതാവ് വിശദീകരണം തേടി ദേശീയപാത ടാറിംഗ് വിവാദം: വിജിലൻസ് അന്വേഷണം ആവശ്യമില്ല, ആരിഫിനെ തള്ളി മന്ത്രി സജി ചെറിയാൻ മരം മുറിക്കൽ വിവാദം: റവന്യു മന്ത്രി കെ രാജനെയും ഇ ചന്ദ്രശേഖരനെയും കാനം വിളിച്ചുവരുത്തി കെ എം ഷാജി വിജിലൻസ് നോട്ടീസ് കൈപ്പറ്റി; ചോദ്യം ചെയ്യലിന് നാളെ ഹാജരാകും