Top News

തിരുവനന്തപുരം: സംസ്ഥാനത്ത് ആഗസ്ത് 9 മുതല്‍ 31 വരെ വാക്‌സിനേഷന്‍ യജ്ഞം നടത്തും. ഇതിന്റെ ഭാഗമായി പൊതുവില്‍ വാക്‌സിനേഷന്‍ വര്‍ധിപ്പിക്കും. അവസാന വര്‍ഷ ഡിഗ്രി, പിജി വിദ്യാര്‍ഥികള്‍ക്കും എല്‍പി, യുപി സ്‌കൂള്‍ അധ്യാപകര്‍ക്കും വാക്‌സിനേഷന്‍ പൂര്‍ത്തീകരിക്കുകയും ഈ യജ്ഞത്തിന്റെ ലക്ഷ്യമാണെന്ന് മുഖ്യമന്ത്രി പിണറായി വിജയന്‍ കൊവിഡ് അവലോകനയോഗത്തില്‍ പറഞ്ഞു. സംസ്ഥാന സര്‍ക്കാരിനു ലഭിക്കുന്ന വാക്‌സിനുകള്‍ക്ക് പുറമേ സ്വകാര്യമേഖലയ്ക്ക് കൂടുതല്‍ വാക്‌സിനുകള്‍ ലഭ്യമാക്കേണ്ടതുണ്ട്. ഇതിന്റെ ഭാഗമായി സംസ്ഥാന സര്‍ക്കാര്‍ 20 ലക്ഷം ഡോസ് വാക്‌സിനുകള്‍ വാങ്ങി സ്വകാര്യാശുപത്രികള്‍ക്ക് അതേ…

കോൺഗ്രസിൽ വീണ്ടും ഗ്രൂപ്പ് ചെളിവാരിയെറിലിന് തുടക്കമായി. സംസ്ഥാനത്തെ പ്രതിപക്ഷവും കോൺഗ്രസ് പാർട്ടി നേതൃത്വവും ദുർബലമാകുന്നുവെന്ന് ഹൈക്കമാൻഡിന് മുന്നിൽ പരാതിയെത്തി. സർക്കാരിനോട് മൃദുസമീപനമാണ് സ്വീകരിക്കുന്നതെന്നും നിർണായക വിഷയങ്ങൾ ഏറ്റെടുക്കുന്നില്ലെന്നും പരാതിയിൽ പറയുന്നു എ, ഐ ഗ്രൂപ്പുകളാണ് പരാതിക്ക് പിന്നിൽ. പാർട്ടിയിൽ കൂടിയാലോചനകൾ നടക്കുന്നില്ലെന്നും പരാതിയിൽ പറയുന്നു. പ്രതിപക്ഷ നേതാവിന്റെയും കെപിസിസി പ്രസിഡന്റിന്റെയും പ്രവർത്തനത്തെ വിമർശിച്ചാണ് പരാതി. വിഡി സതീശനെയാണ് ഗ്രൂപ്പുകൾ ടാർഗറ്റ് ചെയ്യുന്നത്. സതീശനെ പുകച്ചുചാടിക്കുകയെന്ന ലക്ഷ്യമിട്ടാണ് പരാതി ചെന്നതെന്ന് കരുതപ്പെടുന്നു. കെപിസിസി പുനഃസംഘടന വൈകുന്നതിലും പലർക്കും അതൃപ്തിയുണ്ട്.

  സംസ്ഥാനത്ത് സ്വർണവിലയിൽ വൻ ഇടിവ്. പവന് ഇന്ന് 600 രൂപയാണ് ഒറ്റയടിക്ക് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 35,080 രൂപയായി. ഗ്രാമിന് 75 രൂപ കുറഞ്ഞ് 4385 രൂപയായി. ആഗോളവിപണിയിലെ വിലയിടിവാണ് രാജ്യത്തെ വിപണിയിലും പ്രതിഫലിച്ചത്. അന്താരാഷ്ട്ര വിപണിയിൽ സ്‌പോട്ട് ഗോൾഡ് ഔൺസിന് 1762 ഡോളറായി ഇടിഞ്ഞു. ദേശീയ വിപണിയിൽ പത്ത് ഗ്രാം തനി തങ്കത്തിന് 46,616 രൂപയായി.

തിരുവനന്തപുരം: ഇന്നും, നാളെയും (ശനി, ഞായർ) സംസ്ഥാനത്ത് കൂടുതൽ സർവ്വീസുകൾ നടത്തുമെന്ന് കെഎസ്ആർടിസി. ഓഗസ്റ്റ് 7 ന് സംസ്ഥാനത്തിന്റെ വിവിധ ജില്ലകളിൽ വെച്ച് നടക്കുന്ന എസ്.സി ഡെവലപ്‌മെന്റ് ഓഫീസർ ഗ്രേഡ് 2, ജില്ലാ മാനേജർ എന്നീ പി.എസ്.സി പരീക്ഷയും ഓഗസ്റ്റ് 8 ഞായറാഴ്ച തിരുവനന്തപുരം, കൊച്ചി എന്നിവിടങ്ങിലെ 20 സെന്ററുകളിലായി നടക്കുന്ന സെൻട്രൽ ആർമിഡ് പോലീസ് ഫോഴ്‌സിലേക്കുള്ള പ്രവേശന പരീക്ഷയും നടക്കുന്ന സാഹചര്യത്തിലാണ് തീരുമാനം. പരീക്ഷ കേന്ദ്രങ്ങളിലേക്ക് ശനി, ഞായർ ദിവസങ്ങളിൽ കൂടുതൽ കെഎസ്ആർടിസി സർവ്വീസുകൾ സംസ്ഥാനത്തിന്റെ…

തമിഴ്‌നാട്ടിൽ ലോക്ക് ഡൗൺ രണ്ടാഴ്ചത്തേക്ക് കൂടി നീട്ടി. വെള്ളി, ശനി, ഞായർ ദിവസങ്ങളിൽ ആരാധനാലയങ്ങളിലേക്ക് പൊതുജനങ്ങൾക്ക് പ്രവേശനമുണ്ടാകില്ലെന്ന് സർക്കാർ അറിയിച്ചു. അതേസമയം അടുത്ത മാസം ഒന്ന് മുതൽ സ്‌കൂളുകൾ ഭാഗികമായി തുറക്കാനും തീരുമാനമായിട്ടുണ്ട് 9, 10, 11, 12 ക്ലാസുകളിൽ ഒന്നിടവിട്ട് 50 ശതമാനം വിദ്യാർഥികളെ വെച്ച് ക്ലാസുകൾ നടത്താനാണ് തീരുമാനം. ഈ മാസം 16 മുതൽ മെഡിക്കൽ, നഴ്‌സിംഗ് കോളജുകളിലെ ക്ലാസുകൾ തുടങ്ങാനും തീരുമാനമായി.