Top News

കോവിഡ് വ്യാപനം വര്‍ധിച്ചു വരുന്ന സാഹചര്യത്തില്‍ കേരളം കൂടുതല്‍ നിയന്ത്രണങ്ങളിലേയ്ക്ക്. കടുത്ത നടപടികള്‍ വേണ്ടിവരുമെന്ന് കേന്ദ്രസര്‍ക്കാര്‍ മുന്നറിയിപ്പു നല്‍കിയിട്ടുണ്ട്. രാജ്യമൊട്ടാകെയുള്ള ജനതാ കര്‍ഫ്യൂവിനെ കുറിച്ച് ആലോചിക്കുന്നില്ലെന്നും സംസ്ഥാനങ്ങളില്‍ ലോക്ക് ഡൗണ്‍ ഏര്‍പ്പെടുത്താനുള്ള അധികാരം അതതു സര്‍ക്കാരുകള്‍ക്കുണ്ടെന്നും കേന്ദ്രം വ്യക്തമാക്കിയിട്ടുണ്ട്. കേരളത്തിലെ സ്ഥിതി ആശങ്കാജനമാണന്ന് തെരഞ്ഞെടുപ്പു പ്രചരണത്തിടയിലും മുഖ്യമന്ത്രി ഓര്‍മ്മിച്ചിരുന്നത് സ്ഥിതി കൂടുതല്‍ ഗൗരവതരമാണെന്നതിന്റെ സൂചനയാണ്. ലോക്ഡൗണിന്റെ കാര്യങ്ങള്‍ ഇപ്പോള്‍ തീരുമാനമായിട്ടില്ലെങ്കിലും കടുത്ത നിയന്ത്രണങ്ങള്‍ നടപ്പില്‍ വരുത്തും. കോവിഡ് പടരുന്ന സാഹചര്യത്തിന്റെ ഗൗരവം കണക്കിലെടുത്താണ് തെരഞ്ഞെടുപ്പിലെ കൊട്ടിക്കലാശം ഒഴിവാക്കാന്‍…

ലോകമെമ്പാടുമുള്ള ക്രൈസ്തവ വിശ്വാസികൾ ഇന്ന് ക്രിസ്തുവിന്റെ ഉയിർപ്പ് തിരുനാളായ ഈസ്റ്റർ ആഘോഷിക്കന്നു. പീഡാനുഭവങ്ങൾക്കും കുരിശ് മരണത്തിനും ശേഷം ക്രിസ്തു ഉയർത്തെഴുന്നേറ്റതിന്റെ സന്തോഷത്തിലാണ് ഞായറാഴ്ച ഈസ്റ്റർ ആഘോഷിക്കുന്നത്. ദേവാലയങ്ങളിൽ പ്രത്യേക പ്രാർഥനകളോടെയാണ് ഈസ്റ്റർ ആഘോഷത്തിന് തുടക്കമായത്. ഉപവാസത്തിനും വിശുദ്ധവാരാചരണത്തിനും ഇതോടെ സമാപനമായി. കൊവിഡ് ആഘാതത്തിൽപ്പെട്ട് ഉഴലുന്നവർക്ക് ക്രിസ്തുവിന്റെ ഉത്ഥാനം പ്രത്യാശ നൽകുന്നതായി കർദിനാൾ മാർ ജോർജ് ആലഞ്ചേരി പറഞ്ഞു. പ്രതീക്ഷയുടെയും പ്രത്യാശയുടെയും വലിയ അനുഭവമാണ് ഈസ്റ്റർ നൽകുന്നതെന്ന് യാക്കോബായ തലവൻ ബസേലിയത് തോമസ് പ്രഥമൻ കാതോലിക്ക ബാവ പറഞ്ഞു.

രാഹുൽ ഗാന്ധി ഞായറാഴ്ച വൈകുന്നേരം നേമത്ത് എത്തും. തെരഞ്ഞെടുപ്പ് പരസ്യപ്രചാരണത്തിനായി അനുവദിച്ച സമയത്തിന് മുമ്പായി രാഹുൽ നേമത്ത് കെ മുരളീധരനായി എത്തും. നേരത്തെ കെ മുരളീധരനായി പ്രചാരണത്തിന് എത്താമെന്ന് തീരുമാനിച്ച പ്രിയങ്ക ഗാന്ധി കൊവിഡ് ക്വാറന്റൈനിൽ പ്രവേശിച്ചതോടെയാണ് രാഹുൽ വരുന്നത് ഇന്ന് രാഹുലിന് കോഴിക്കോടും കണ്ണൂരുമാണ് പ്രചാരണ പരിപാടികൾ. ഞായറാഴ്ച വൈകുന്നേരത്തോടെ രാഹുൽ തിരുവനന്തപുരത്ത് എത്തും. അഞ്ച് മണിക്ക് പൂജപ്പുരയിൽ നടക്കുന്ന പ്രചാരണ യോഗത്തിലാകും രാഹുൽ പങ്കെടുക്കുക ഭർത്താവ് റോബർട്ട് വദ്രക്ക് കൊവിഡ് സ്ഥിരീകരിച്ചതോടെയാണ് പ്രിയങ്ക ക്വാറന്റൈനിൽ…

ബംഗളുരുവില്‍ കോവിഡ് അതിശക്തമായ പടര്‍ന്നു പിടിക്കുന്ന സ്ഥിതിയിലാണ്. ഈ മാസത്തിന്റെ ആരംഭം മുതല്‍ ഇതുവരെ ബംഗളുരുവില്‍ 10 വയസ്സിന് താഴെയുള്ള 470 ലധികം കുട്ടികള്‍ക്ക് കോവിഡ് 19 സ്ഥിരീകരിച്ചിട്ടുണ്ടെന്ന് റിപ്പോര്‍ട്ട്. മാര്‍ച്ച് 1 മുതല്‍ 26 വരെയുള്ള കോവിഡ് ബാധിതരുടെ കണക്കുകളുടെ അടിസ്ഥാനത്തിലാണ് ഇത്രയധികം കുട്ടികള്‍ രോഗബാധിതരായി എന്ന കണ്ടെത്തിയിരിക്കുന്നത്. കണക്കുകള്‍ പ്രകാരം 244 ആണ്‍കുട്ടികളും 228 പെണ്‍കുട്ടികളും രോഗം ബാധിച്ചതായി ഔദ്യോഗിക റിപ്പോര്‍ട്ട്. ഈ മാസത്തിന്റെ ആദ്യ ദിവസങ്ങളില്‍ കുട്ടികള്‍ക്കിടയിലെ കേസുകള്‍ ദിവസേന എട്ട് മുതല്‍…

സൂയസ് കനാലിൽ കുടുങ്ങിയ എവർഗിവൺ ചരക്കുകപ്പലിനെ മാറ്റാനുള്ള പ്രവൃത്തി തുടരുന്നു. മണലും ചെളിയും നീക്കി കപ്പലിനെ മാറ്റാനാണ് നീക്കം. കപ്പലിന്റെ ഭാരം കുറച്ച് ടഗ് കപ്പൽ ഉപയോഗിച്ച് വലിച്ചു നീക്കാനും ശ്രമം നടക്കുന്നുണ്ട്. എവർഗിവൺ കുടുങ്ങിയതോടെ മൂന്നൂറിലേറെ കപ്പലുകളാണ് സൂയസ് കനാലിൽ കുടുങ്ങിയത്. നിലവിലെ സ്ഥിതി അനുസരിച്ച് അഞ്ച് ദിവസത്തോളം നീണ്ടുനിൽക്കുന്ന ശ്രമകരമായ ദൗത്യത്തിലൂടെ കപ്പലിനെ മാറ്റാനാകൂ. മറ്റൊരു വഴി കപ്പലിലെ ചരക്കുകൾ എയർ ലിഫ്റ്റിംഗ് വഴി മാറ്റുകയെന്നതാണ്. ഇതുവഴി ഭാരം കുറച്ച് കപ്പലിനെ വലിച്ചു നീക്കാനാകും…

വയനാട്ടിൽ നാളെ വൈദ്യുതി മുടങ്ങുന്ന സ്ഥലങ്ങൾ കല്‍പ്പറ്റ സെക്ഷനിലെ* എടഗുനി, പുഴമുടി, അപ്പണവയല്‍, വാവാടി ഹെല്‍ത്ത് സെന്റര്‍ എന്നിവിടങ്ങളില്‍ നാളെ (ശനി) രാവിലെ 8 മുതല്‍ 6 വരെ വൈദ്യുതി മുടങ്ങും. കമ്പളക്കാട് സെക്ഷനിലെ* പച്ചിലക്കാട്, ജീവന ഭാഗങ്ങളില്‍ നാളെ (ശനി) രാവിലെ 9 മുതല്‍ 6 വരെ പൂര്‍ണ്ണമായോ, ഭാഗികമായോ വൈദ്യുതി മുടങ്ങും. പുൽപ്പള്ളി ഇലക്ട്രിക്കൽ സെക്ഷനിലെ ചെറ്റപ്പാലം, കൂനൻ തേങ്ക്, ബാങ്ക് കവല, വിമലാമേരി, കുളത്തൂർ, സെന്റ് ജോർജ്, ചില്ലിങ്ങ് പ്ലാന്റ്, ആനപ്പാറ എന്നിവിടങ്ങളിൽ നാളെ…