ശബരിമല സ്വര്ണക്കൊള്ള: ഉന്നതരെ ചോദ്യം ചെയ്യും? പങ്കജില് നിന്ന് ലഭിച്ച വിവരങ്ങളില് കൂടുതല് അന്വേഷണം നടത്താന് എസ്ഐടി
ശബരിമല സ്വര്ണ്ണക്കൊള്ളയില് സ്മാര്ട്ട് ക്രിയേഷന്സിന്റെ ഇടപെടലുകളില് വിശദമായ അന്വേഷണം നടത്താന് പ്രത്യേക അന്വേഷണസംഘം. സിഇഒ പങ്കജ് ഭണ്ടാരിയുടെ അറസ്റ്റിന് പിന്നാലെ ലഭിച്ച വിവരങ്ങളുടെ അടിസ്ഥാനത്തിലാണ് അന്വേഷണ സംഘത്തിന്റെ നീക്കം. അറസ്റ്റിലായ പങ്കജ് ഭണ്ടാരിക്കും ജ്വല്ലറി ഉടമ ഗോവര്ദ്ധനും സ്വര്ണ്ണക്കൊള്ളയില് നിര്ണ്ണായക പങ്ക് ഉണ്ടെന്നാണ് വിലയിരുത്തല്. ശബരിമലയില് കൂടുതല് സ്വര്ണക്കൊളള നടന്നോ എന്നും അന്വേഷിക്കുന്നുണ്ട്. സ്മാര്ട്ട് ക്രിയേഷന്സ് ശബരിമലയില് എത്തുന്നത് 2009ലാണെന്ന് അവര് തന്നെ നല്കിയ വിവരങ്ങളുടെ അടിസ്ഥാനത്തില് ഉറപ്പിച്ചിരുന്നു. ശബരിമലയിലെ ഉപക്ഷേത്രങ്ങളില് സ്വര്ണം പൂശിയതായും അവകാശ വാദം…
