പാലക്കാട്: എപ്പോഴും ഒപ്പമുണ്ടെന്ന് മാത്രമാണ് മുഖ്യമന്ത്രി പിണറായി വിജയൻ പറയുന്നതെന്നും സർക്കാർ പറഞ്ഞ കാര്യങ്ങൾ ആദ്യം പ്രവർത്തിച്ചു കാണിക്കട്ടെയെന്നും വാളയാർ പെൺകുട്ടികളുടെ അമ്മ. മന്ത്രി എ കെ ബാലൻ സമരപ്പന്തലിലേക്ക് വരാത്തത് കുറ്റബോധം കൊണ്ടാണെന്നും സർക്കാർ വാക്കുപാലിച്ചാല്‍ മാത്രമേ സമരത്തിൽ നിന്ന് പിന്മാറുവെന്നും പ്രതികരിച്ചു. വാളയാർ പെണ്‍കുട്ടികള്‍ക്ക് നീതി തേടി രക്ഷിതാക്കൾ വീട്ടിൽ നടത്തുന്ന സത്യാഗ്രഹം ഇന്ന് മൂന്നാം ദിവസത്തിലേക്ക് കടന്നിരിക്കുകയാണ്. ‘വിധി ദിനം മുതല്‍ ചതി ദിനം വരെ’ എന്ന മുദ്രാവാക്യമുയര്‍ത്തിയാണ് മാതാപിതാക്കൾ സമരം നടത്തുന്നത്….

സംസ്ഥാന സർക്കാരിന്റെ കൊവിഡ് പ്രതിരോധം പാളിയെന്ന് പ്രതിപക്ഷ നേതാവ് രമേശ് ചെന്നിത്തല. വേണ്ടത്ര മുൻകരുതൽ എടുക്കാതെ പരസ്യ കോലാഹലങ്ങൾക്ക് ഇടം കൊടുത്ത സർക്കാർ പ്രതിസന്ധി ഘട്ടത്തിൽ ഒന്നും ചെയ്യാനാകാതെ നട്ടംതിരിയുന്ന കാഴ്ചയാണ് കാണുന്നതെന്ന് ചെന്നിത്തല കുറ്റപ്പെടുത്തി   രോഗത്തെ പോലും പരസ്യപ്രചാരണത്തിന് ഉപയോഗിച്ച പിണറായി വിജയൻ സർക്കാരിനെതിരെ നവംബർ ഒന്നിന് യുഡിഎഫ് വഞ്ചനാ ദിനം ആചരിക്കുമെന്ന് ചെന്നിത്തല പറഞ്ഞു    

    കോവിഡ് നിയന്ത്രണം നിലനിൽക്കുന്നതിനാൽ വിജയദശമിദിനത്തിൽ വിദ്യാരംഭച്ചടങ്ങ് കൂടുതലും നടന്നത് വീടുകളിൽ.    സംസ്ഥാനത്ത്  ക്ഷേത്രങ്ങളിൽ എഴുത്തിനിരുത്തിനുള്ള സൗകര്യം ഒരുക്കിയിരുന്നു. ക്ഷേത്രനടയിൽ രക്ഷിതാക്കൾ തന്നെ കുട്ടികൾക്ക് ഹരിശ്രീ കുറിച്ചു. മറ്റ് ക്ഷേത്രങ്ങളിൽ പതിവുപൂജകൾ മാത്രമാണ് നടന്നത്.    

മുന്നോക്ക വിഭാഗത്തിലെ സാമ്പത്തികമായി പിന്നാക്കം നിൽക്കുന്നവർക്ക് പത്ത് ശതമാനം സംവരണം അനുവദിച്ചതിനെതിരെ എ പി സുന്നി വിഭാഗം രംഗത്ത്. മുഖപത്രമായ സിറാജിലൂടെയാണ് മുന്നോക്ക സംവരണത്തിനെതിരെ വിമർശനം ഉന്നയിച്ചിരിക്കുന്നത്.   രാഷ്ട്രീയലക്ഷ്യത്തോടെയുള്ള വൻചതിയാണ് സർക്കാർ ചെയ്തതെന്ന് കാന്തപുരം വിഭാഗം വിമർശിക്കുന്നു. സാമ്പത്തിക അവശത ചൂണ്ടിക്കാട്ടി സംവരണത്തിന്റെ അടിസ്ഥാന തത്വം അട്ടിമറിച്ചാണ് സർക്കാർ സംവരണം നടപ്പാക്കിയതെന്നും മുന്നോക്ക സംവരണത്തിൽ നിലവിലെ സംവരണ വിഭാഗങ്ങൾക്ക് നഷ്ടം സംഭവിക്കുമെന്ന് കണക്കുകളിൽ വ്യക്തമാകുമെന്നും ഇവർ ചൂണ്ടിക്കാട്ടി ഇടതുപക്ഷത്തോട് അനുഭാവം കാണിക്കുന്നുവെന്ന് പറയപ്പെടുന്ന കാന്തപുരം വിഭാഗത്തിന്റെ…

കൊല്ലത്ത് ഇന്നലെ അഷ്ടമുടി കായലിൽ ചാടി ആത്മഹത്യ ചെയ്ത യുവതിയുടെ ഭർത്താവും ജീവനൊടുക്കി. കുണ്ടറ വെള്ളിമൺ സ്വദേശി സിജുവാണ് തൂങ്ങിമരിച്ചത്. സ്വകാര്യ ബസിലെ കണ്ടക്ടറായിരുന്നു സിജു. ഇന്നലെ വൈകുന്നേരാണ് സിജുവിന്റെ ഭാര്യ രാഖി, രണ്ട് വയസ്സുള്ള മകൻ എന്നിവർ കായലിൽ ചാടി മരിച്ചത്   നാല് വർഷം മുമ്പായിരുന്നു ഇവരുടെ വിവാഹം. ജോലി കഴിഞ്ഞ് മദ്യപിച്ചെത്തുന്ന സിജു രാഖിയെ മർദിക്കുന്നത് പതിവായിരുന്നു. ഇത് സഹിക്കാനാകാതെയാണ് രാഖി ഞായറാഴ്ച വൈകുന്നേരത്തോടെ കുടുംബവീട്ടിലേക്കെന്ന് പറഞ്ഞ് പുറത്തേക്ക് പോയത്. രാത്രി വൈകിയും…