പെട്രോളിന്റെയും ഡീസലിന്റെയും മൂല്യവർധിത നികുതി പുതുച്ചേരിയിൽ കുറച്ചതോടെ മാഹിയിലെയും കേരളത്തിലെയും ഇന്ധനവിലയിൽ വലിയ മാറ്റം. പെട്രോളിന് മാഹിയിൽ 1.19 രൂപയും ഡീസലിന് 1.26 രൂപയുമാണ് കുറഞ്ഞത്. ഇതോടെ കണ്ണൂരിലെ പെട്രോൾ വിലയേക്കാൾ 4.35 രൂപയുടെ കുറവാണ് മാഹിയിൽ ഡീസലിന് 3.58 രൂപയുടെ കുറവുണ്ട്. ഇതോടെ മാഹിയിലെ പമ്പുകളിൽ സമീപപ്രദേശങ്ങളിൽ നിന്ന് എണ്ണയടിക്കാനെത്തുന്നവരുടെ എണ്ണം കൂടുകയും ചെയ്തു. വലിയ തിരക്കാണ് പമ്പുകളിൽ അനുഭവപ്പെടുന്നത്. കണ്ണൂരിൽ പെട്രോൾ വില 91.60 രൂപയാണ്. മാഹിയിൽ ഇത് 87.25 രൂപയും. ഡീസൽ കണ്ണൂരിൽ…

പാലാരിവട്ടം പാലം അഴിമതി കേസിൽ വിജിലൻസ് നിയമസഭാ തെരഞ്ഞെടുപ്പിന് മുമ്പായി കുറ്റപത്രം സമർപ്പിച്ചേക്കും. അന്വേഷണം പൂർത്തിയാക്കി റിപ്പോർട്ട് വിജിലൻസ് ഡയറക്ടർക്ക് കൈമാറിയിട്ടുണ്ട്. കോടതി മേൽനോട്ടത്തിൽ അന്വേഷണം നടത്തണമെന്നാവശ്യപ്പെട്ട് നൽകിയ ഹർജിയിൽ വിജിലൻസ് നിലപാട് അറിയിച്ചിട്ടുണ്ട്. അന്വേഷണം പൂർത്തിയായെന്നും വസ്തുതവിവര റിപ്പോർട്ട് പരിശോധനക്കായി ഡയറക്ടർക്ക് കൈമാറിയതായും വിജിലൻസ് കടോതിയെ അറിയിച്ചു കേസുമായി യാതൊരു ബന്ധവുമില്ലാത്ത ആളുകളുടെ ഇത്തരം ഹർജി സുഗമമായ അന്വേഷണത്തെ തടസ്സപ്പെടുത്തുമെന്നും വിജിലൻസ് പറഞ്ഞു. തുടർന്ന് കോടതി ഹർജി തീർപ്പാക്കുകയായിരുന്നു. കേസിൽ ആർഡിഎസ് കമ്പനി ഉടമ സുമിതി…

നിയമസഭാ തെരഞ്ഞെടുപ്പിനുള്ള സ്ഥാനാർഥി നിർണയ ചർച്ച സിപിഎം നാളെ മുതൽ ആരംഭിക്കും. ജില്ലാടിസ്ഥാനത്തിലാകും സ്ഥാനാർഥികളെ പരിഗണിച്ച് സംസ്ഥാന നേതൃത്വത്തിന് കൈമാറുക. ഇതിനായി ജില്ലാ സെക്രട്ടേറിയറ്റ് യോഗങ്ങൾ മാർച്ച് ഒന്ന് മുതൽ മൂന്ന് വരെയുള്ള ദിവസങ്ങളിൽ ചേരും സ്ഥാനാർഥി നിർണയ ചർച്ചകൾക്ക് ശനിയാഴ്ച ചേർന്ന സംസ്ഥാന സെക്രട്ടേറിയറ്റ് യോഗം തുടക്കം കുറിച്ചിരുന്നു. ജില്ലാ സെക്രട്ടേറിയറ്റുകൾ ചേർന്ന് തീരുമാനിക്കുന്ന സ്ഥാനാർഥി പട്ടിക നാല്, അഞ്ച് തീയതികളിൽ ചേരുന്ന സംസ്ഥാന കമ്മിറ്റി യോഗം വിലയിരുത്തും. തുടർന്ന് സംസ്ഥാന സെക്രട്ടേറിയറ്റ് അന്തിമ പട്ടികക്ക്…

രാജ്യത്ത് കൊവിഡ് വാക്‌സിന്റെ രണ്ടാംഘട്ടം നാളെ മുതൽ ആരംഭിക്കും. 60 വയസ്സിന് മുകളിൽ പ്രായമുള്ളവർക്കും 45 വയസ്സിന് മുകളിലുള്ള രോഗബാധിതർക്കുമാണ് കുത്തിവെപ്പ്. സ്വകാര്യ ആശുപത്രികളിലും വാക്‌സിൻ കുത്തിവെപ്പുണ്ടാകും. ഡോസിന് 250 രൂപയാണ് വില നിശ്ചയിച്ചിരിക്കുന്നത്. ആശുപത്രികളിലെ സേവനനിരക്കായ 100 രൂപയടക്കമാണ് ഇത്. സർക്കാർ കേന്ദ്രങ്ങളിൽ കുത്തിവെപ്പ് സൗജന്യമായിരിക്കും. രജിസ്‌ട്രേഷനുള്ള മാർഗരേഖ കേന്ദ്രം പുറത്തിറക്കിയിട്ടുണ്ട്. മൂന്ന് തരത്തിൽ കുത്തിവെപ്പിനായി രജിസ്റ്റർ ചെയ്യാം. കൊ വിൻ ആപ്പ്, ആരോഗ്യ സേതു ആപ്പ് എന്നിവയിലൂടെ സ്വന്തമായി രജിസ്റ്റർ ചെയ്യാനാകും. താത്പര്യം അനുസരിച്ച്…

സമരം ചെയ്യുന്ന പി എസ് സി ഉദ്യോഗാർഥികളുമായി മന്ത്രി എ കെ ബാലൻ ഇന്ന് ചർച്ച നടത്തും. രാവിലെ പതിനൊന്ന് മണിക്ക് മന്ത്രിയുടെ ചേംബറിലാണ് ചർച്ച. തെരഞ്ഞെടുപ്പ് പെരുമാറ്റച്ചട്ടം നിലനിൽക്കുന്നതിനാൽ ചർച്ചയിൽ എന്ത് ഫലമുണ്ടാകുമെന്ന ആശയക്കുഴപ്പം സമരക്കാർക്കുണ്ട് ഉദ്യോഗസ്ഥതലത്തിലടക്കം നേരത്തെ നടന്ന ചർച്ചകളിൽ ഉദ്യോഗാർഥികൾ തൃപ്തരല്ല. വാച്ച്മാൻമാരുടെ ജോലിസമയം ക്രമീകരിച്ച് കൂടുതൽ അവസരം സൃഷ്ടിക്കുമെന്നാണ് എൽജിഎസുകാരുടെ പ്രതീക്ഷ. ചർച്ചക്ക് വിൡച്ചിട്ടുണ്ടെങ്കിലും സിപിഒ ഉദ്യോഗാർഥികളുടെ കാര്യത്തിൽ ഒന്നും ചെയ്യാനില്ലെന്ന നിലപാടിലാണ് സർക്കാർ അതേസമയം സമരത്തെ പ്രതിരോധിക്കാനായി ഡിവൈഎഫ്‌ഐയുടെ രാഷ്ട്രീയ…

താമരശ്ശേരി ചുരത്തിൽ കാർ കൊക്കയിലേക്ക് മറിഞ്ഞു. യാത്രക്കാരൻ അത്ഭുതകരമായി രക്ഷപ്പെട്ടു. ചുരം രണ്ടാം വളവിനും ചിപ്പിലിതോടിനും ഇടയിൽ ഐഷാന ഗാർഡന് സമീപം വൈകുന്നേരം 5. 30 ഓടെയാണ് സംഭവം. കൽപ്പറ്റ മണിയങ്കോട് സ്വദേശി വിമൽകുമാർ സഞ്ചരിച്ച വാഹനമാണ് അപകടത്തിൽപ്പെട്ടത്.ഏകദേശം 60 അടി താഴ്ചയിലേക്കാണ് കാർ മറിഞ്ഞത്

കോഴിക്കോട്: ലോക അപൂര്‍വ്വരോഗ വാരം 2021 (വേള്‍ഡ് റെയര്‍ ഡിസീസസ് വീക്ക് 2021) ന്റെ ഭാഗമായി നട്ടെല്ലിന് ബാധിക്കുന്ന അപൂര്‍വ്വരോഗമായ സ്‌പൈനല്‍ മസ്‌കുലാര്‍ അട്രോഫി (എസ് എം എ) ബാധിതരായവരുടെ സംഗമം നടത്തി. ലോക വ്യാപകമായി നടക്കുന്ന പുതിയ പരീക്ഷണങ്ങളിലൂടെയും മരുന്നുകളിലൂടെയും പ്രതീക്ഷാനിര്‍ഭരമായ മാറ്റങ്ങള്‍ സമീപ ഭാവിയില്‍ തന്നെ യാഥാര്‍ത്ഥ്യമാകുമെന്ന പ്രതീക്ഷ സംഗമം പങ്കുവെച്ചു. ‘കളേഴ്‌സ് ഓഫ് ഹോപ്’ എന്ന പേരിലാണ് സംഗമം സംഘടിപ്പിച്ചത്. 3 വയസ്സിനും 18 വയസ്സിനും ഇടയിലുള്ളവര്‍, 18 വയസ്സിന് മുകളിലുള്ളവര്‍ എന്നിങ്ങനെ…