സംസ്ഥാനത്ത് വൈദ്യുതി നിരക്ക് വർധിപ്പിച്ചേക്കും. വൈദ്യുതി ബോർഡിന്റെ സാമ്പത്തിക ബാധ്യത നികത്തണമെന്നും നിരക്ക് കൂട്ടേണ്ടി വരുമെന്നും മന്ത്രി കെ കൃഷ്ണൻകുട്ടി പറഞ്ഞു. റഗുലേറ്ററി കമ്മീഷനോട് നിരക്ക് വർധന ആവശ്യപ്പെടും. എത്ര രൂപ വർധിപ്പിക്കണമെന്ന് ബോർഡ് തീരുമാനിക്കും. നയപരമായ തീരുമാനം മുഖ്യമന്ത്രിയുമായി ആലോചിച്ച് സ്വീകരിക്കുമെന്നും മന്ത്രി പറഞ്ഞു. പത്ത് ശതമാനം വരെ വർധന ബോർഡ് ആവശ്യപ്പെട്ടേക്കുമെന്നാണ് സൂചന നിരക്ക് വർധന എത്ര വേണമെന്ന് വ്യക്തമാക്കിയുള്ള താരിഫ് പെറ്റീഷൻ ഡിസംബർ 31ന് മുമ്പ് നൽകാൻ ബോർഡിന് നിർദേശം കിട്ടിയിട്ടുണ്ട്….

  കോഴിക്കോട് മദ്യലഹരിയിൽ ഓട്ടോ ഡ്രൈവറെ മർദിച്ച കേസിൽ ആരോഗ്യവകുപ്പ് ഉദ്യോഗസ്ഥർ കസ്റ്റഡിയിൽ. ബീച്ച് ആശുപത്രിയിലെ സെക്രട്ടറി അഗസ്റ്റിൻ, ക്ലർക്ക് അരുൺ എന്നിവർക്കെതിരെ ഓട്ടോ ഡ്രൈവർ നൽകിയ പരാതിയിലാണ് നടപടി. പോലീസാണെന്ന് പറഞ്ഞാണ് ഇവർ തല്ലിയതെന്ന് പരാതിക്കാരൻ പറയുന്നു കോട്ടപറമ്പ ആശുപത്രിക്ക് മുന്നിൽ ബുധനാഴ്ച രാത്രിയാണ് സംഭവം. അജ്മൽ നാസിയുടെ ഓട്ടോയിൽ കയറിയ ഇരുവരും യാത്രക്കിടെ അസഭ്യം പറയുകയും വഴിയിലിട്ട് മർദിക്കുകയുമായിരുന്നു. നാട്ടുകാരാണ് ആരോഗ്യ വകുപ്പ് ഉദ്യോഗസ്ഥരെ തടഞ്ഞുവെച്ച് പോലീസിൽ ഏൽപ്പിച്ചത്.

  അനുപമയുടെ കുഞ്ഞിനെ അഞ്ച് ദിവസത്തിനുള്ളിൽ തിരിച്ചെത്തിക്കണമെന്ന് ഡിബ്ല്യുസി ശിശുക്ഷേമ വകുപ്പിന് നിർദേശം നൽകി. ഇന്നലെ രാത്രിയാണ് ഉത്തരവ് പുറത്തുവന്നത്. ആന്ധ്രയിലെ ദമ്പതിമാർക്കൊപ്പമാണ് കുട്ടിയുള്ളത്. കേസ് അടുത്ത ദിവസം കുടുംബ കോടതി പരിഗണിക്കുന്നുണ്ട്. ഇന്ന് 11 മണിക്ക് ചൈൽഡ് വെൽഫെയർ കമ്മിറ്റിക്ക് മുന്നിലെത്താൻ അനുപമക്ക് നിർദേശം നൽകിയിട്ടുണ്ട്. കുട്ടിയെ തിരികെ കിട്ടണമെന്നാവശ്യപ്പെട്ട് അനുപമ നടത്തുന്ന സത്യാഗ്രഹം ഏഴാം ദിവസത്തിലേക്ക് കടക്കുകയാണ്.

  മുല്ലപ്പെരിയാർ ബേബി ഡാമിലെ വിവാദ മരം മുറി ഉത്തരവിന്റെ പശ്ചാത്തലത്തിൽ വനം മന്ത്രി എ കെ ശശീന്ദ്രൻ ഐഎഫ്എസ് ഉദ്യോഗസ്ഥരുടെ യോഗം വിളിച്ചു. വ്യാഴാഴ്ച ഉച്ചയ്ക്ക് രണ്ട് മണിക്കാണ് യോഗം. സിസിഎഫ് മുതൽ മുകളിലുള്ള ഉന്നതോദ്യോഗസ്ഥരുടെ യോഗമാണ് വിളിച്ചു ചേർത്തത്. അണ്ടർ സെക്രട്ടറി മുതലുള്ള ഉദ്യോഗസ്ഥർ യോഗത്തിൽ പങ്കെടുക്കും സസ്‌പെൻഷനിലായ ചീഫ് ലൈഫ് വാർഡൻ ബെന്നിച്ചൻ തോമസിനെതിരായ നടപടി പിൻവലിക്കണമെന്നാവശ്യപ്പെട്ട് ഐ എഫ് എസ് ഉദ്യോഗസ്ഥർ ചീഫ് സെക്രട്ടറിയെ കണ്ടിരുന്നു. അസോസിയേഷൻ ഭാരവാഹികളും ഇതേ ആവശ്യമുന്നയിച്ച്…

  മുല്ലപ്പെരിയാർ ഡാമിലെ ജലനിരപ്പ് വീണ്ടുമുയർന്നു. നിലവിൽ 141 അടിയാണ് ജലനിരപ്പ്. രാവിലെ അഞ്ചരയോടെയാണ് ജലനിരപ്പ് 141 അടിയിലേക്ക് എത്തിയത്. ഇതോടെ ഷട്ടർ തുറക്കാൻ തമിഴ്‌നാട് തീരുമാനിച്ചു. ഷട്ടർ തുറന്ന് അധിക ജലം പുറത്തേക്ക് ഉയർന്നതിനാൽ പെരിയാർ നദിയുടെ ഇരുകരകളിലും താമസിക്കുന്നവർ അതീവ ജാഗ്രത പാലിക്കണം ഇടുക്കി ഡാമിന്റെ ഷട്ടറുകളും തുറന്നേക്കും. വൃഷ്ടിപ്രദേശത്ത് ശക്തമായ മഴ തുടരുകയാണ്. ജലനിരപ്പ് അപ്പർ റൂൾ ലെവലായ 2400.03 അടിക്ക് മുകളിലെത്തുന്നതിന് സാധ്യതയുള്ളതിനാൽ അധിക ജലം ക്രമീകരിക്കുന്നതിനായാണ് ഷട്ടറുകൾ തുറക്കുന്നത്. പത്ത്…

  സംസ്ഥാനത്ത് ഇന്ന് കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ കേന്ദ്രത്തിന്റെ മുന്നറിയിപ്പ്. ഒമ്പത് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. പത്തനംതിട്ട, കോട്ടയം, തൃശ്ശൂർ, ഇടുക്കി, എറണാകുളം, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലർട്ട്. അതേസമയം മലയോര മേഖലകളിൽ ഓറഞ്ച് അലർട്ടിന് സമാനമായ ജാഗ്രത പാലിക്കണമെന്നും നിർദേശമുണ്ട്. ഇടുക്കിയിലെ മലയോര മേഖലകളിൽ ഇന്നലെ രാത്രി പെയ്ത കനത്ത മഴയിൽ കുമളി ടൗണിലും കട്ടപ്പന പാറക്കടവിലും കടകളിൽ വെള്ളം കയറി. നെടുങ്കണ്ടം കല്ലാർ അണക്കെട്ട്…

കോഴിക്കോട്: കരിപ്പൂര്‍ വിമാനത്താവളത്തില്‍ മൂന്നു മിനിറ്റില്‍ കൂടുതല്‍ വാഹനം പാര്‍ക്ക് ചെയ്താല്‍ 500 രൂപ പിഴ. എയര്‍പോര്‍ട്ട് അതോറിറ്റി ഓഫ് ഇന്ത്യയുടെ കീഴിലുള്ള എല്ലാ വിമാനത്താവളങ്ങളിലും വാഹന പാര്‍ക്കിങ് സംബന്ധിച്ച് നടപ്പാക്കിയ പരിഷ്‌കാരത്തിന്റെ ഭാഗമായാണ് ഈ നടപടി. ടെര്‍മിനലിന് മുന്‍വശം ‘നോ പാര്‍ക്കിങ്’ ഭാഗമാണ്. യാത്രക്കാരെ കയറ്റുക, ഇറക്കുക എന്നീ ആവശ്യത്തിന് മാത്രമാണ് ഇവിടെ അനുമതിയുള്ളത്.