സംസ്ഥാനത്ത് 48 പേർക്ക് കൂടി ഒമിക്രോൺ സ്ഥിരീകരിച്ചു. കോഴിക്കോട് 12, എറണാകുളം 9, തൃശൂർ 7, തിരുവനന്തപുരം 6, കോട്ടയം 4, മലപ്പുറം 2, കൊല്ലം, ഇടുക്കി, ആലപ്പുഴ, പാലക്കാട്, വയനാട് ഒന്ന് വീതം എന്നിങ്ങനെയാണ് ഒമിക്രോൺ സ്ഥിരീകരിച്ചത്. ഇതുകൂടാതെ യുഎഇയിൽ നിന്നും വന്ന 3 തമിഴ്നാട് സ്വദേശികൾക്കും ഒമിക്രോൺ ബാധിച്ചു. 33 പേർ ലോ റിസ്‌ക് രാജ്യങ്ങളിൽ നിന്നും 2 പേർ ഹൈ റിസ്‌ക് രാജ്യങ്ങളിൽ നിന്നും വന്നതാണ്. 9 പേർക്ക് സമ്പർക്കത്തിലൂടെയാണ് ഒമിക്രോൺ ബാധിച്ചത്….

കന്യാസ്ത്രീയെ ബലാത്സംഗം ചെയ്‌തെന്ന കേസിൽ ബിഷപ് ഫ്രാങ്കോ മുളയ്ക്കലിനെ കുറ്റവിമുക്തനാക്കിയ വിധിക്കെതിരെ അപ്പീൽ സാധ്യത തേടി പോലീസ്. കോട്ടയം ജില്ലാ പോലീസ് മേധാവി ഡി ശിൽപ ഇതുസംബന്ധിച്ച് സ്‌പെഷ്യൽ പബ്ലിക് പ്രോസിക്യൂട്ടറോട് നിയമോപദേശം തേടി. നിയമോപദേശം ലഭിച്ചാൽ ഡിജിപി മുഖേന സർക്കാരിന് കത്ത് നൽകുമെന്നും എസ് പി വ്യക്തമാക്കി ഇന്നലെയാണ് കോട്ടയം അഡീഷണൽ സെഷൻസ് കോടതി ജഡ്ജി ജി ഗോപകുമാർ ഫ്രാങ്കോയെ വെറുതെവിട്ടു കൊണ്ടുള്ള വിധിന്യായം പുറപ്പെടുവിച്ചത്. അമ്പരപ്പുണ്ടാക്കുന്ന വിധിയെന്നായിരുന്നു കോട്ടയം മുൻ എസ് പിയായിരുന്ന ഹരിശങ്കർ…

മക്കളെ ഉപേക്ഷിച്ച് ഒളിച്ചോടിയ യുവതികളും ഇവരുടെ കാമുകൻമാരും പിടിയിൽ. പള്ളിക്കൽ കെ കെ കോണം ഹിബാ മൻസിലിൽ ജീമ(29), ചെറുവക്കൽ വെള്ളാവൂർ നാസിയ മൻസിലിൽ നാസിയ(28) എന്നീ യുവതികളും വർക്കല സ്വദേശി ഷൈൻ(38), കരുനാഗപ്പള്ളി സ്വദേശി റിയാസ്(34) എന്നിവരുമാണ് പിടിയിലായത് ഡിസംബർ 26ന് രാത്രിയാണ് യുവതികൾ കാമുകൻമാർക്കൊപ്പം ഒളിച്ചോടിയത്. ജീമക്ക് ഒന്നര, നാല്, 12 വയസ്സുള്ള കുട്ടികളുണ്ട്. നാസിയക്ക് അഞ്ച് വയസ്സുള്ള കുട്ടിയുണ്ട്. ഇരുവരുടെയും ഭർത്താക്കാൻമാർ വിദേശത്താണ്. ഭർത്താക്കൻമാർ നാട്ടിൽ ഇല്ലാത്ത സ്ത്രീകളെ വശീകരിക്കുന്ന സംഘമാണ് ഷൈനും…

മുൻ ദേവികുളം എംഎൽഎ എസ്.രാജേന്ദ്രനെതിരെ റവന്യൂ വകുപ്പ്. മുൻ എംഎൽഎ അനധികൃതമായി കൈവശപ്പെടുത്തിയ ഭൂമി ഒഴിയണമെന്ന് റവന്യൂ വകുപ്പ് നിർദേശിച്ചു. ഭൂമിയിൽ ഇപ്പോൾ നടക്കുന്ന നിർമാണ പ്രവർത്തികൾ നിർത്തിവെക്കാൻ റവന്യൂ വകുപ്പ് നിർദേശം നൽകിയിട്ടുണ്ട്. മൂന്നാർ ഇക്കാ നഗറിലുള്ള എട്ട് സെന്റ് ഭൂമിയിലെ നിർമാണ പ്രവർത്തനങ്ങൾ നിർത്തിവെക്കണമെന്നാവശ്യപ്പെട്ടാണ് കത്ത് നൽകിയിരിക്കുന്നത്. കത്തിലെ നിർദേശങ്ങൾ ലംഘിച്ചാൽ നിയമ നടപടി നേരിടേണ്ടി വരും. ദേവികുളം സബ് കളക്ടറുടെ നിർദേശാനുസരണം മൂന്നാർ വില്ലേജ് ഓഫീസറാണ് കത്ത് നൽകിയത്. അതേസമയം ഉദ്യോ?ഗസ്ഥരുടെ പ്രവൃത്തി…

സിപിഎം തിരുവനന്തപുരം ജില്ലാ സമ്മേളനത്തിൽ സംസ്ഥാന സർക്കാരിനെതിരെ വിമർശനം. രണ്ടാം പിണറായി സർക്കാർ പ്രതീക്ഷക്കൊത്ത് ഉയർന്നില്ലെന്ന് വിമർശനമുയർന്നു. ആഭ്യന്തരം, ആരോഗ്യം തുടങ്ങിയ വകുപ്പുകളിൽ സർക്കാരിന് വീഴ്ച സംഭവിച്ചു. മന്ത്രിമാരുമായി ബന്ധപ്പെടാൻ പോലുമാകുന്നില്ല. മുഖ്യമന്ത്രിയുടെ ഓഫീസും പരാജയമാണ് ജനങ്ങളുടെ ആവശ്യങ്ങളുമായി എത്തുന്ന പാർട്ടി പ്രവർത്തകർക്ക് വേണ്ടത്ര പരിഗണന കിട്ടുന്നില്ല. സംസ്ഥാനത്തെ ആശുപത്രികളിൽ സേവനം മെച്ചപ്പെടണം. കെ റെയിൽ മുഖ്യമന്ത്രിക്കും മരുമകനും പണം തട്ടാനാണെന്ന് എതിരാളികൾ പ്രചരിപ്പിക്കുന്നു. ഇത്തരം പ്രചാരണങ്ങളും നേരിടണമെന്നും സമ്മേളന പ്രതിനിധികൾ ചൂണ്ടിക്കാട്ടി

  സംസ്ഥാനത്തെ എസ് എസ് എൽ സി, ഹയർസെക്കൻഡറി പരീക്ഷകൾ നിശ്ചയിച്ച പ്രകാരം നടത്തുമെന്ന് വിദ്യാഭ്യാസ വകുപ്പ് മന്ത്രി വി ശിവൻകുട്ടി. എസ് എസ് എൽ സി പരീക്ഷകൾക്ക് ഫോക്കസ് ഏരിയ നിശ്ചയിച്ചതായി മന്ത്രി അറിയിച്ചു. ഒന്നുമുതൽ ഒൻപത് വരെയുള്ള ക്ലാസുകൾ രണ്ടാഴ്ചത്തേക്ക് ഓൺലൈനായി നടത്തും. നിയന്ത്രണം അൺ എയ്ഡഡ് സ്കൂളുകൾക്കും സി ബി എസ് സി സ്കൂളുകൾക്കും ബാധകം. പരീക്ഷകൾ മുൻ നിശ്ചയിച്ച തീയതികളിൽ തന്നെ നടത്താനാണ് നിലവിലെ തീരുമാനമെന്നും 10,11,12 ക്ലാസുകൾ സ്കൂളുകളിൽ തന്നെ…

  പത്തനംതിട്ട ളാഹയിൽ ശബരിമല തീർഥാടകർ സഞ്ചരിച്ച ബസ് നിയന്ത്രണം വിട്ടുമറിഞ്ഞ് പത്ത് പേർക്ക് പരുക്കേറ്റു. തമിഴ്‌നാട്ടിൽ നിന്നുള്ള തീർഥാടകരാണ് ബസിലുണ്ടായിരുന്നത്. ഇന്ന് പുലർച്ചെ മൂന്നരയോടെയാണ് അകടം നടന്നത്. 15 പേർ വാഹനത്തിലുണ്ടായിരുന്നു. ഇതിൽ 10 പേർക്കാണ് പരുക്കേറ്റത്. മൂന്ന് പേരെ കോട്ടയം മെഡിക്കൽ കോളജ് ആശുപത്രിയിലും ഏഴ് പേരെ പത്തനംതിട്ട ജനറൽ ആശുപത്രിയിലും പ്രവേശിപ്പിച്ചു. ആരുടെയും നില ഗുരുതരമല്ല.

  തിരുവനന്തപുരം വിഴിഞ്ഞത്ത് അയൽവാസിയായ വയോധികയെ തലയ്ക്കടിച്ച് കൊലപ്പെടുത്തിയ ശേഷം മൃതദേഹം വീടിന്റെ മച്ചിൽ ഒളിപ്പിച്ച് മുങ്ങിയ പ്രതികൾ പിടിയിൽ. മുല്ലൂർ പനവിള ആലുംമൂട് വീട്ടിൽ ശാന്തകുമാരിയാണ് കൊല്ലപ്പെട്ടത്. കേസിൽ അയൽവാസികളായ റഫീഖ ബീവി(50), മകൻ ഷഫീഖ്(23), സുഹൃത്ത് അൽ അമീൻ(26) എന്നിവരാണ് പിടിയിലായത് വെള്ളിയാഴ്ച വൈകുന്നേരമാണ് സംഭവം. പ്രതികൾ വാടകക്കാണ് താമസിച്ചിരുന്നത്. വെള്ളിയാഴ്ച വീട് മാറുകയാണെന്ന് ഇവർ വീട്ടുടമയെ അറിയിച്ചിരുന്നു. വെള്ളിയാഴ്ച വൈകുന്നേരം വീട്ടുടമയുടെ മകൻ ഇവരുടെ വീട്ടിലെത്തിയപ്പോൾ വീട് പൂട്ടി താക്കോൽ പുറത്ത് വെച്ച…

  കാസർകോട് പരപ്പയിൽ എലിവിഷം കഴിച്ച് ആത്മഹത്യക്ക് ശ്രമിച്ച 17കാരി പെൺകുട്ടി ചികിത്സയിലിരിക്കെ മരിച്ചു. സംഭവത്തിൽ പോക്‌സോ വകുപ്പുകൾ പ്രകാരം 17കാരനെതിരെ വെള്ളരിക്കുണ്ട് പോലീസ് കേസെടുത്തു. ഇരുവരും തമ്മിൽ അടുപ്പത്തിലായിരുന്നു. പെൺകുട്ടിയുടെ മൊഴിയുടെ അടിസ്ഥാനത്തിലാണ് അറസ്റ്റ് രണ്ട് ദിവസം മുമ്പാണ് പെൺകുട്ടി എലിവിഷം കഴിച്ച് ആത്മഹത്യക്ക് ശ്രമിച്ചത്. പ്രദേശവാസിയായ യുവാവുമായി പെൺകുട്ടി അടുപ്പത്തിലായിരുന്നു. ആത്മഹത്യാശ്രമം നടന്ന ദിവസം 17കാരൻ പെൺകുട്ടിയുടെ വീട്ടിലെത്തി മൊബൈലിൽ നിന്ന് സിം കാർഡ് എടുത്ത് നശിപ്പിച്ചിരുന്നു. ഇരുവരും തമ്മിൽ വാക്കുതർക്കമുണ്ടാകുകയും ചെയ്തു. തുടർന്നാണ്…