രാഹുല്‍ ഗാന്ധി ഉയര്‍ത്തിയ വോട്ട് കൊള്ള ആരോപണം ഏറ്റെടുക്കാത്തതില്‍ യൂത്ത് കോണ്‍ഗ്രസ് നേതൃത്വത്തില്‍ ഭിന്നത. ഇടതുപക്ഷവും യൂത്ത് ലീഗും നേട്ടം ഉണ്ടാക്കുമ്പോള്‍ കാഴ്ചക്കാരായി യൂത്ത് കോണ്‍ഗ്രസ് മാറിയെന്ന് ഒരു വിഭാഗം കുറ്റപ്പെടുത്തി.
രാഹുല്‍ ഗാന്ധി പുറത്തുകൊണ്ടുവന്ന വോട്ടര്‍ പട്ടിക വിവാദം യൂത്ത് കോണ്‍ഗ്രസിന് ഉപയോഗിക്കാന്‍ കഴിഞ്ഞില്ലെന്നാണ് വിമര്‍ശനം. കേരളത്തിലെ ബിജെപിയുടെ ഏക എംപിക്കെതിരെ പ്രതിഷേധത്തിന് അവസരം ലഭിച്ചിട്ടും നേതൃത്വത്തിന് ഒന്നും ചെയ്യാനായില്ല. ഇടതുപക്ഷം അവസരം ഉപയോഗിച്ചപ്പോള്‍ കാഴ്ചക്കാരായി യൂത്ത് കോണ്‍ഗ്രസ് മാറിയെന്നും സംസ്ഥാന നേതൃത്വത്തിന്റെ ഗ്രൂപ്പില്‍ വിമര്‍ശനം ഉയര്‍ന്നു. നാളെ യൂത്ത് ലീഗ് പ്രതിഷേധം നടത്തുമെങ്കിലും യൂത്ത് കോണ്‍ഗ്രസ് വിഷയം ചര്‍ച്ച പോലും ചെയ്തിട്ടില്ല എന്നത് ജനങ്ങളില്‍ തെറ്റിധാരണ ഉണ്ടാക്കുമെന്ന് സംസ്ഥാന ഉപാധ്യക്ഷന്‍ അബിന്‍ വര്‍ക്കി ഓര്‍മ്മപ്പെടുത്തി.
ഈമാസം 19 ന് തിരഞ്ഞെടുപ്പ് കമ്മിഷന്‍ ഓഫീസിലേയ്ക്ക് മാര്‍ച്ച് നടത്തണം എന്നാണ് ഒരു വിഭാഗത്തിന്റെ അഭിപ്രായം. നേതൃത്വത്തിനെതിരെ സംഘടനയിലും കോണ്‍ഗ്രസിലും ഭിന്നസ്വരങ്ങള്‍ ശക്തമാകുന്നതിനിടയിലാണ് വിമര്‍ശനങ്ങള്‍ അടങ്ങിയ വാട്ട്‌സ് ആപ്പ് ചാറ്റ് പുറത്ത് വരുന്നത്. അതേസമയം രൂക്ഷ വിമര്‍ശനം ഉയര്‍ന്നിട്ടും വിഷയത്തില്‍ പ്രതികരിക്കാന്‍ സംസ്ഥാന അധ്യക്ഷന്‍ തയ്യാറായിട്ടില്ല.
Read More
‘യൂത്ത് കോണ്‍ഗ്രസ് തിരഞ്ഞെടുപ്പില്‍ വ്യാജ ഐഡി ഉണ്ടാക്കിയവരാണ്, വ്യാജ തെളിവുണ്ടാക്കല്‍ അവര്‍ക്ക് നിസ്സാരം’; ഉടുമ്പന്‍ചോലയിലെ ഇരട്ട വോട്ട് ആരോപണം തള്ളി സിപിഐഎം
‘കോണ്‍ഗ്രസിന് മത സാമുദായിക സംഘടനകളോട് വിധേയത്വം’ ; യൂത്ത് കോണ്‍ഗ്രസ് രാഷ്ട്രീയ പ്രമേയത്തില്‍ കോണ്‍ഗ്രസ് നേതൃത്വത്തിന് രൂക്ഷ വിമര്‍ശനം
പൊലീസിന്റെ ഒരു പിടിച്ചു തള്ള് പോലും വാങ്ങാത്ത പി.ജെ കുര്യന്റെ പരാമര്‍ശം അംഗീകരിക്കില്ല’; രൂക്ഷ വിമര്‍ശനവുമായി യൂത്ത് കോണ്‍ഗ്രസ് നേതാക്കള്‍
‘കോണ്‍ഗ്രസ് അധികാരത്തില്‍ വന്നാല്‍ ആദ്യം ചെയ്യുന്നത് മോദി സര്‍ക്കാരിന്റെ കരിനിയമങ്ങള്‍ എടുത്തുകളയും’; രാഹുല്‍ ഗാന്ധി
