ബഫർ സോൺ പ്രഖ്യാപനം: കേന്ദ്ര കേരള സർക്കാരുകൾ വയനാടൻ ജനതയെ വഞ്ചിച്ചു: പി.കെ. ജയലക്ഷ്മി

മാനന്തവാടി: പരിസ്ഥിതി ലോല പ്രദേശങ്ങളുടെ ചുറ്റും ബഫർ സോൺ പ്രഖ്യാപനം നടത്തിയതോടെ കേന്ദ്ര – കേരള സർക്കാരുകൾ വയനാട്ടിലെ ജനങ്ങളെ വഞ്ചിച്ചിരിക്കുകയാണന്ന് മുൻ മന്ത്രിയും എ.ഐ. സി.സി. അംഗവുമായ പി.കെ. ജയലക്ഷ്മി ആരോപിച്ചു. ബഫർ സോൺ ആശയം ഉയർന്ന വന്നത് മുതൽ വലിയ രീതിയിലുള്ള പ്രതിഷേധവും ആശങ്കയും ഉയർന്നു വന്നിരുന്നു. താഴെ തട്ടു മുതൽ ഇതിനെതിരെയുള്ള എതിർപ്പ് സർക്കാരുകളെ അറിയിക്കുകയും ചെയ്തതാണ്.

രൂക്ഷമായ വന്യമൃഗ ശല്യം നേരിടുന്ന പ്രദേശമാണ് വയനാട് .ഇതിന് പരിഹാരം കാണാൻ ശ്രമിക്കുന്നതിന് പകരം സംസ്ഥാന സർക്കാർ ജനവിരുദ്ധ തീരുമാനങ്ങൾ അടിച്ചേൽപ്പിക്കാനാണ് ശ്രമിക്കുന്നത്.

പ്രാദേശിക ഭരണകൂടങ്ങൾ മുതൽ ജനപ്രതിനിധികൾ വരെയുള്ളവരുമായി ചർച്ച ചെയ്ത ശേഷമെ ബഫർ സോൺ നടപ്പാക്കാവൂ എന്ന് പ്രഖ്യാപിച്ചവർ പറഞ്ഞ വാക്ക് മറന്ന് കൊണ്ടാണ് നടപടി സ്വീകരിച്ചതെന്നും ഇപ്പോഴത്തെ ബഫർ സോൺ പ്രഖ്യാപനം ഉടൻ പിൻവലിക്കണമെന്നും ജയലക്ഷ്മി ആവശ്യപ്പെട്ടു.

Read More

സർക്കാരുകൾ വയനാടൻ ജനതയെ കുരുതി കൊടുക്കുന്നു; ജനസംരക്ഷണ സമിതി. വയനാട് മെഡിക്കൽ കോളേജ് താൽകാലികമായി ജില്ലാ ആശുപത്രിയിൽ ആരംഭിക്കണം: പി.കെ. ജയലക്ഷ്മി കേണിച്ചിറയിൽ തേനീച്ചയുടെ കുത്തേറ്റ് മരിച്ച കർഷകൻ്റെ കുടുംബത്തിന് സർക്കാർ അടിയന്തരമായി ധനസഹായം നൽകണമെന്ന് മുൻ പട്ടികവർഗ ക്ഷേമ വകുപ്പ് മന്ത്രിയും കെ.പി.സി.സി ജനറൽ സെക്രട്ടറിയുമായ പി .കെ ജയലക്ഷ്മി ആവശ്യപ്പെട്ടു മെഡിക്കൽ കോളേജ്: ഇടതു സർക്കാർ വയനാടൻ ജനതയെ നിരന്തരം വഞ്ചിക്കുകയാണെന്ന് യൂത്ത് ലീഗ്