തിരുവനന്തപുരം: പത്മജ വേണുഗോപാലിന്റെ പാർട്ടി മാറ്റത്തിൽ കോൺഗ്രസിലും ബിജെപിയിലും കലഹം. കോൺഗ്രസിലേക്കുള്ള പ്രവേശനം പത്മജാ വേണുഗോപാലിന് അത്ര എളുപ്പമല്ല ബിജെപിയെ തള്ളിപ്പറയാതെ പത്മജയെ സ്വീകരിക്കരുതെന്ന് ആവർത്തിച്ച് കോൺഗ്രസിലെ ഒരു വിഭാഗം ആവർത്തിക്കുന്നു. ഉപാധികളോടെ പാർട്ടി അംഗത്വം നൽകേണ്ടെന്ന നിലപാടിലാണ് മുതിർന്ന നേതാക്കൾ. പാർട്ടിയിലേക്ക് പ്രവേശനം നൽകിയാലും സ്ഥാനമാനങ്ങളോ ഉത്തരവാദിത്തങ്ങളോ നൽകേണ്ടതില്ലെന്നും തീരുമാനം.
അതേസമയം തെറ്റ് തിരുത്തി വരുന്നവർക്ക് അവസരം നൽകണമെന്ന് ചാണ്ടി ഉമ്മൻ എംഎൽഎ പറഞ്ഞു. പത്മജ വേണുഗോപാലിന്റെ കോൺഗ്രസ് പ്രവേശത്തിൽ അന്തിമ തീരുമാനം എടുക്കേണ്ടത് മുഖ്യമന്ത്രിയും കെപിസിസി അധ്യക്ഷനുമെന്ന് മന്ത്രി കെ മുരളീധരന്റെ പ്രതികരണം. ഹുൽ ഗാന്ധിയെ തള്ളിയതും മോദിയെ പ്രകീർത്തിച്ചതുമുൾപ്പടെയുള്ള ഓരോ വിമർശനങ്ങളും തിരുത്തി, പത്മജ അണികളെയും നേതാക്കളെയും ബോധ്യപ്പെടുത്തണമെന്ന് ഒരു വിഭാഗം നേതാക്കൾ ആവശ്യപ്പെടുന്നത്. പത്മജയ്ക്കെതിരെ സൈബർ തലത്തിൽ അധിക്ഷേപം രൂക്ഷം.
അതേസമയം ബിജെപിയിലെ കൊഴിഞ്ഞുപോക്കിൽ സംസ്ഥാന അധ്യക്ഷൻ രാജിവ് ചന്ദ്രശേഖറിനെ പഴിചാരുകയാണ് ഒരു വിഭാഗം. വന്നുകയറിയവർ പാർട്ടി വിട്ടത് സംസ്ഥാന അധ്യക്ഷന്റെ പിടിപ്പുകേടെന്നാണ് വിമർശനം. നേതാക്കളുടെ കൊഴിഞ്ഞു പോക്കിനേക്കാൾ വിഷയത്തിൽ പാർട്ടിക്കുള്ളിലുണ്ടായ രണ്ടു ചേരിയാണ് ബിജെപിയിലെ ആശങ്ക.









