തിരുവനന്തപുരം: പിഎസ്സി പരീക്ഷ ക്രമക്കേടില്‍ ക്രൈംബ്രാഞ്ചിന്റെ അന്വേഷണം പുരോഗമിക്കുന്നതിനിടയില്‍ നിര്‍ണായക പിഎസ്സി യോഗം ഇന്ന്. യോഗത്തിന്റെ സീറോ ഓവറില്‍ ചെയര്മാന് എം ആര്‍ ബൈജുവിനെതിരെ ഒരു വിഭാഗം പിഎസ്സി അംഗങ്ങള്‍ രൂക്ഷ വിമര്‍ശനം ഉയര്‍ത്തും. നേരത്തെ ചെയര്‍മാനെതിരെ എസ്‌ഐടിക്ക് മുന്നില്‍ ചോദ്യം ചെയ്യലിന് ഹാജരായ അംഗങ്ങള്‍ മൊഴി നല്‍കിയിരുന്നു.
അതേസമയം, അന്വേഷണവുമായി ബന്ധപ്പെട്ട തുടര്‍നടപടികളും ചര്‍ച്ചയാകും. പിഎസ്സി സെക്രട്ടറി സാജു ജോര്‍ജിനെ ഇന്ന് വീണ്ടും അന്വേഷണസംഘം ചോദ്യം ചെയ്യും. കഴിഞ്ഞദിവസം നാലുമണിക്കൂര്‍ അദ്ദേഹത്തെ ചോദ്യം ചെയ്തിരുന്നു. തുടര്‍ന്ന് ഇന്ന് ഹാജരാകാന്‍ നോട്ടീസ് നല്‍കുകയായിരുന്നു. മുന്‍ പരീക്ഷാ കണ്‍ട്രോളര്‍ കൂടിയായ സെക്രട്ടറിയോട് പരീക്ഷയുടെയും മൂല്യനിര്‍ണയങ്ങളുടെ നടപടിക്രമങ്ങളുമാണ് എസ്‌ഐടി കഴിഞ്ഞദിവസം ചോദിച്ചറിഞ്ഞത്. മുഴുവന്‍ പിഎസ്സി അംഗങ്ങളെയും വരുംദിവസങ്ങളില്‍ ചോദ്യംചെയ്യാനായി ക്രൈംബ്രാഞ്ച് വിളിച്ചുവരുത്തും.
ഇന്നുമുതല്‍ പിഎസ്സി അംഗങ്ങള്‍ക്കും കൂടുതല്‍ ഉദ്യോഗസ്ഥര്‍ക്കും എസ്‌ഐടി നോട്ടീസ് നല്‍കും. പിഎസ്സി ചെയര്മാന് എം ആര്‍ ബൈജുവിനെ ഉടന്‍ വീണ്ടും ചോദ്യം ചെയ്യും.ചെയര്‍മാനെ പ്രതിചേര്‍ക്കുന്ന കാര്യത്തിലും ഉടന്‍ തീരുമാനം ഉണ്ടാകും.
അതേസമയം, പിഎസ്സി പരീക്ഷ ക്രമക്കേടില്‍ കേസ് റദ്ദ്് ചെയ്യണമെന്ന് ആവശ്യപ്പെട്ട് പിഎസ്സി നല്‍കിയ ഹര്‍ജി ഹൈകോടതി ഇന്ന് വീണ്ടും പരിഗണിക്കും. കേസില്‍ ഉദ്യോഗാര്‍ത്ഥിയായിരുന്ന വി എസ് ജയലാലിനെ കക്ഷി ചേര്‍ത്തിരുന്നു. ഇന്ന് സത്യവാങ്മൂലം സമര്‍പ്പിക്കും. കേസില്‍ ഇതുവരെ സ്വീകരിച്ച നടപടികള്‍, അന്വേഷണം പുരോഗതി എന്നിവ സര്‍ക്കാര്‍ കോടതിയെ അറിയിക്കും. എത്ര മൂടിവെച്ചാലും സത്യം പുറത്ത് വരുമെന്ന് കഴിഞ്ഞ തവണ കോടതി പറഞ്ഞിരുന്നു. ജസ്റ്റിസ് എ ബധറുദീന്റെ ബെഞ്ചാണ് ഹര്‍ജി പരിഗണിക്കുന്നത്.
Read More
പരീക്ഷാ ക്രമക്കേട്: മൂന്ന് പിഎസ് സി അംഗങ്ങള്‍ അന്വേഷണ സംഘത്തിന് മുന്നില്‍, ചെയര്മാന് ബുധനാഴ്ച ഹാജരാകാന്‍ നോട്ടീസ്
‘എനിക്കില്ലാത്ത എന്തോ അത്ഭുതസിദ്ധി സച്ചിദാനന്ദന്‍ മാഷിനുണ്ടെന്ന തോന്നലുളവാക്കുന്നു, അദ്ദേഹത്തിന്റെ സ്ഥാനത്തിന് ഇളക്കമുണ്ടായിട്ടില്ല’; വിമര്‍ശനവുമായി പ്രേം കുമാര്‍
പിരിച്ചുവിടല്‍ ശിപാര്‍ശ നിയമവിരുദ്ധവും അധികാര ദുര്‍വിനിയോഗവും; ഇത്തരം നിലപാടുകളെ യുഡിഎഫ് സര്‍ക്കാര്‍ പിന്തുണയ്ക്കുന്നുണ്ടോ? പിണറായി വിജയന്‍
പിഎസ്സി പരീക്ഷാ ക്രമക്കേട്: നടപടികളുമായി സര്‍ക്കാരിന് മുന്നോട്ടുപോകാം; സ്റ്റേ അനുവദിച്ചിട്ടില്ലെന്ന് ഹൈക്കോടതി
