യാനം: അര്‍ണബ് ചുഴലിക്കാറ്റ് തീരം തൊട്ടു. പുലര്‍ച്ചെ 1.20ന് പുതുച്ചേരിയിലെ യാനത്തിന് സമീപം കരതൊട്ടുവെന്ന് കാലാവസ്ഥാ കേന്ദ്രം വ്യക്തമാക്കി. ശക്തമായ കാറ്റിനെത്തുടര്‍ന്ന് മരങ്ങള്‍ കടപുഴകി വീണ് ഗതാഗതം തടസപ്പെട്ടു. തീരദേശ ദേശീയ പാതയില്‍ ഗതാഗത തടസവുമുണ്ടായി. തെക്ക് കിഴക്കന്‍ സംസ്ഥാനങ്ങളില്‍ അതിശക്തമായ മഴയും കാറ്റുമുണ്ട്.
ആന്ധ്രാപ്രദേശ് തീരത്ത് താഴ്ന്ന പ്രദേശങ്ങളില്‍ വെള്ളം കയറി. നിരവധപ്പേരെ മാറ്റിപ്പാർപ്പിച്ചു. ആന്ധ്രയില്‍ 10 ജില്ലകളിലും ഒഡീഷയില്‍ ആറ് ജില്ലകളിലും വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. ചുഴലിക്കാറ്റിന്റെ സ്വാധീനത്തിൽ അനകപ്പള്ളി, വിശാഖപട്ടണം, കാക്കിനട, കൊനസീമ ജില്ലകളിലെ പല സ്ഥലങ്ങളിലും കനത്ത മഴ പെയ്തു.
കൊടുങ്കാറ്റിന്റെ ആഘാതത്തിൽ പലയിടത്തും മരങ്ങൾ കടപുഴകി വീണതായി ഉദ്യോഗസ്ഥർ പറഞ്ഞു. പശ്ചിമ ബംഗാളിലെ പുർബ മേദിനിപൂരിലെ ദിഘ ബീച്ചിൽ അർണബ് ചുഴലിക്കാറ്റ് ആഞ്ഞടിച്ചതോടെ കടൽക്ഷോഭവും ശക്തമായ കാറ്റും അനുഭവപ്പെട്ടു. ദിഗയിലും പശ്ചിമ ബംഗാളിന്റെ മറ്റ് പല ഭാഗങ്ങളിലും കനത്ത മഴയും കാറ്റുമുണ്ട്. നിരവധി ട്രെയിന്‍ സര്‍വീസുകള്‍ പൂര്‍ണമായും റദ്ദാക്കി. ചില ട്രെയിനുകള്‍ റീഷെഡ്യൂള്‍ ചെയ്തു. നിരവധി വിമാന സര്‍വീസുകളും റദ്ദാക്കിയിട്ടുണ്ട്.
Read More
അതിതീവ്ര ചുഴലിക്കാറ്റായി മാറി ‘അര്‍ണബ്’; ആന്ധ്രയിലും ഒഡീഷയിലും ജാഗ്രത, 53 ട്രെയിനുകള്‍ റദ്ദാക്കി
റിപ്പബ്ലിക് ടി.വിയുടെ എല്ലാ തീരുമാനങ്ങളും തന്റെ അറിവോടെയല്ലെന്ന് അര്‍ണബ്; ചാനലിന് കീഴില്‍ 1100 ഓളം ജീവനക്കാരുണ്ട്
‘മോൻത’ കരതൊട്ടു; ആന്ധ്രയിലും തമിഴ്നാട്ടിലും അതീവ ജാഗ്രത
ഡിറ്റ്‌വ ചുഴലിക്കാറ്റ് തമിഴ്നാട് തീരത്തേക്ക്: നാളെ പുലർച്ചെ തീരം തൊടും; ശ്രീലങ്കയിൽ മരണം 130 കടന്നു
