മുംബൈ ∙ ബോളിവുഡ് താരം ടൈഗർ ഷ്റോഫ് സഞ്ചരിച്ച കാറിനു നേരെ വെടിവച്ചതിന്റെ ദൃശ്യങ്ങൾ പുറത്ത്. ഇന്നലെ രാത്രി ഫുട്ബോൾ ഗ്രൗണ്ടിൽനിന്ന് കാറിൽ മടങ്ങുകയായിരുന്ന ടൈഗർ ഷ്റോഫിനുനേരെ 2 പേർ 5 തവണയാണ് വെടിവച്ചത്. കാറിന്റെ മുൻവശത്തെയും വശങ്ങളിലെയും ചില്ലുകൾക്ക് നേരെ വെടിയുതിർക്കുന്നതാണ് വിഡിയോയിലുള്ളത്. ഒരാൾക്ക് വെടിയുതിർക്കാൻ കഴിഞ്ഞില്ല. ആറാം തവണ വെടിയുതിർക്കാൻ ശ്രമിക്കുന്നതിനിടയിൽ തോക്ക് കേടായി. സംഭവത്തിൽ നടന് പരുക്കേറ്റിട്ടില്ല. ഡ്രൈവറിനു പരുക്കേറ്റു.മൂന്നാമതൊരാൾ ബൈക്കുമായി എത്തി അക്രമികളുമായി മടങ്ങി. അന്വേഷണത്തിനായി 15 സംഘങ്ങളെ നിയോഗിച്ചു. മഹാരാഷ്ട്ര ഉപ മുഖ്യമന്ത്രി ഏക്നാഥ് ഷിൻഡെ ടൈഗർ ഷ്റോഫിനെ സന്ദർശിച്ചു. അക്രമികൾ ബൈക്ക് റെയിൽവേ സ്റ്റേഷനിൽ ഉപേക്ഷിച്ചതായി അന്വേഷണത്തിൽ വ്യക്തമായി.ജുഹുവിലെ റോഡിൽവച്ചാണു ബൈക്കിലെത്തിയ മൂന്നംഗസംഘം വെടിവച്ചത്. നടൻ പരുക്കേൽക്കാതെ രക്ഷപ്പെട്ടെങ്കിലും ഡ്രൈവറുടെ ഇടതുകൈക്കു പരുക്കേറ്റു. ഈ സമയം റോഡിലൂടെ പോയ ഓട്ടോറിക്ഷയുടെ ഡ്രൈവർക്കും പരുക്കേറ്റു. അധോലോക ഗുണ്ടാത്തലവൻ ലോറൻസ് ബിഷ്ണോയ് സംഘാംഗങ്ങളായ അനിൽ പണ്ഡിറ്റും ഹർമൽ സന്ധുവും ആക്രമണത്തിന്റെ ഉത്തരവാദിത്തം ഏറ്റെടുത്തു. നടൻ സൽമാൻ ഖാനുമായി സഹകരിച്ചു പ്രവർത്തിച്ചതാണു പ്രകോപനമെന്നു കരുതുന്നു.
Read More
കിരീടമില്ലാതെ ‘രാജാവ്’ വിശ്വവേദിയിൽനിന്നു പടിയിറങ്ങുന്നു, പൊട്ടിക്കരഞ്ഞ് റൊണാൾഡോ; വീ വിൽ മിസ് യു, സിആർ7!
ഇന്ത്യൻ ഫുട്ബോൾ ടീം മുഖ്യ പരിശീലകനാകാൻ ഹബാസ്‌; AIFF ന് അപേക്ഷ സമർപ്പിച്ചു
മുംബൈ ഇന്ത്യന്‍സില്‍ നിന്ന് അര്‍ജുന്‍ തെണ്ടുല്‍ക്കർ ഔട്ട്
‘ഒട്ടും അർഹിച്ച കളിയായിരുന്നില്ല തങ്ങളുടേതെന്ന് മറ്റാരേക്കാളും മെസി തിരിച്ചറിഞ്ഞു, ഇനി 10 -ാം നമ്പർ കുപ്പായം അണിയാനിടയില്ലെന്ന് ഓർത്തായിരിക്കും കവിളുകൾ കണ്ണീരിൽ കുതിർന്നത്’; എം ബി രാജേഷ്
