തിരുവനന്തപുരം: മാസപ്പടി ഇടപാടില് ഇ ഡിക്ക് മൊഴി നല്കിയവരില് നിന്ന് എസ്ഐടി വൈകാതെ വിശദാംശങ്ങള് തേടും. സിഎംആര്എല് മുന് സിഎഫ്ഒ പി സുരേഷ് കുമാര് ഉള്പ്പെടെയുള്ളവരില് നിന്നാണ് വിവരം തേടുക. സിഎംആര്എല് എംഡി എസ്എന് ശശിധരന് കര്ത്തയുടെ ഡയറിക്കുറിപ്പിലെ യുഡിഎഫ് നേതാക്കളുടെ പേരും പുറത്തുവന്നതോടെ സര്ക്കാര് പ്രതിരോധത്തിലായി.
പി എ മുഹമ്മദ് റിയാസിന്റെ സുഹൃത്തുക്കളെയും എസ്ഐടി വിളിപ്പിക്കും. കൂടുതല് രേഖകളും ഇഡിയില് നിന്ന് എസ്ഐടി ആവശ്യപ്പെട്ടേക്കും. ഇതിനു ശേഷമാകും പ്രതിപക്ഷ നേതാവ് പിണറായി വിജയന്, മകള് വീണ ടി, മുഹമ്മദ് റിയാസ് എന്നിവരുടെ മൊഴി രേഖപ്പെടുത്തുക. ഇടപാടുമായി ബന്ധപ്പെട്ട് പ്രാഥമിക അന്വേഷണമാണ് എസ്ഐടി നടത്തുന്നത്. ക്രമക്കേട് കണ്ടെത്തിയാല് അഴിമതി നിരോധന നിയമപ്രകാരമുള്ള തുടര്നടപടിയിലേക്ക് കടക്കാനാണ് തീരുമാനം.
അതേസമയം, പ്രതിപക്ഷനേതാവ് പിണറായി വിജയനെതിരെ നടക്കുന്ന പ്രാഥമിക അന്വേഷണത്തില് പ്രതികരിക്കേണ്ടെന്നാണ് നിലവില് സിപിഐ തീരുമാനം. അന്വേഷണത്തില് വ്യക്തത വരികയും കേസ് എടുക്കുകയും ചെയ്യുന്ന ഘട്ടത്തില് മാത്രം പ്രതികരിച്ചാല് മതിയെന്നാണ് സിപിഐ സംസ്ഥാന സെക്രട്ടേറിയേറ്റിലെ ധാരണ. എന്നാല്, പ്രാഥമികാന്വേഷണം പ്രഖ്യാപിച്ചതിന് എതിരെ ശക്തമായ പ്രചാരണം നടത്താനാണ് സിപിഐഎം തീരുമാനം. അന്വേഷണം പ്രഖ്യാപിച്ചതിന് പിന്നാലെ ശശിധരന് കര്ത്തയുടെ ഡയറിയിലെ വിവരങ്ങള് പുറത്തുവന്നതിലും സിപിഎമ്മിന് സംശയങ്ങളുണ്ട്.
Read More
സിഎംആര്എല്-എക്സാലോജിക് ഇടപാട് കേസ്: വീണ ടി EDക്ക് മുന്നില്
‘ED പരിശോധന കൊണ്ട് ചിലര്ക്ക് വലിയ മനസംതൃപ്തിയുണ്ടാകും, പ്രത്യേകിച്ച് രാഹുല് ഗാന്ധിക്ക്’: പിണറായി വിജയന്
സിഎംആര്എല്ലിന് താത്ക്കാലിക ആശ്വാസം; വെള്ളിയാഴ്ച വരെ തുടര്നടപടി എടുക്കരുതെന്ന് ഇ ഡിക്ക് നിര്ദേശം നല്കി ഹൈക്കോടതി
സിഎംആര്എല്-എക്സാലോജിക് സാമ്പത്തിക ഇടപാട്: ചോദ്യമുനയില് ശരണ് എസ് കര്ത്തയും ജയ എസ് കര്ത്തയും
