ശ്വേതാ മേനോന് എതിരെ നടി മാല പാർവതി. സംഘടനയെ രക്ഷിച്ച് കൊണ്ടിരിക്കുന്ന ശ്വേത മേനോന് ഹേമ കമ്മറ്റിയിലെ കുറ്റാരോപിതർ കുറ്റാരോപിതര് ആരൊക്കെയാണെന്ന് വെളിപ്പെടുത്തണം. അത് പൊതുസമൂഹത്തോടും സംഘടനയിലെ അംഗങ്ങളോടും വിശദീകരിക്കാനുള്ള ബാധ്യത ശ്വേതക്കുണ്ട്. പേരുകൾ ശ്വേത വ്യക്തമാക്കണം. അല്ലെങ്കിൽ അത് അനാവശ്യ സംശയങ്ങൾക്കും തെറ്റിദ്ധാരണകൾക്കും കാരണമാകുമെന്നും മാല പാര്വതി ഫേസ്ബുക്കിൽ കുറിച്ചു. ഇന്ന് രാവിലെ പുറത്ത് വന്ന ശ്വേത മേനോന്റെ ഫേസ്ബുക്ക് പോസ്റ്റിന് പിന്നലെയാണ് മാല പാര്വതിയുടെ പ്രതികരണം.
ശ്രീമതി ശ്വേത മേനോന് അമ്മ സംഘടനയെ രക്ഷിക്കുകയാണ്, രക്ഷിച്ചുകൊണ്ടിരിക്കുകയാണ്, രക്ഷിച്ചിരിക്കും എന്ന അവകാശവാദമുള്ള കുറിപ്പ് വായിച്ചു. അതില് പറയുന്നത്, ഹേമ കമ്മിറ്റി റിപ്പോര്ട്ടില് പേരുള്ള കുറ്റാരോപിതര് അമ്മയുടെ തലപ്പത്തേക്ക് വരാതിരിക്കാന് അവര് ശക്തമായി പോരാടുകയാണെന്നാണ്. നല്ല കാര്യം തന്നെ. എന്നാല് എന്റെ സംശയം മറ്റൊന്നാണ്.
അമ്മയുടെ പ്രസിഡന്റായ ശ്വേത മേനോന് വ്യക്തമാക്കേണ്ട ഒരു കാര്യമുണ്ട്. ഹേമ കമ്മിറ്റി റിപ്പോര്ട്ടില് പരാമര്ശിക്കപ്പെട്ടതും, അതേസമയം അമ്മ സംഘടനയിലെ തലപ്പത്ത് വരാന് ശ്രമിക്കുന്നതുമായ ആ ‘കുറ്റാരോപിതര്’ ആരൊക്കെയാണ്? എന്റെ അറിവില് പൊതുവായി ചര്ച്ച ചെയ്യപ്പെടുന്ന സിദ്ദിഖ്, ബാബുരാജ്, ഇടവേള ബാബു എന്നിവര്ക്കെതിരായ ആരോപണങ്ങള് ഹേമ കമ്മിറ്റി റിപ്പോര്ട്ടില് പരാമര്ശിക്കപ്പെട്ടവയല്ല. മാത്രമല്ല, അവര് സംഘടനയുടെ തലപ്പത്തേക്ക് വരില്ലെന്ന് നേരത്തേ തന്നെ വ്യക്തമാക്കിയിട്ടുണ്ട്. ജനറല് ബോഡി നിയോഗിച്ച സമിതിയിലും അവര് അംഗങ്ങളല്ല,’ മാല പാര്വതി കുറിച്ചു.
Read More
‘അൻസിബ പറഞ്ഞത് സത്യസന്ധമായ കാര്യങ്ങൾ, അമ്മ നേതൃത്വം ഗ്രൂപ്പുകളായി മാറി’; വിവാദങ്ങളിൽ പ്രതികരിച്ച് മാല പാർവതി
ഹേമ കമ്മിറ്റി റിപ്പോര്ട്ടില് ഗുരുതര ആരോപണം നേരിടുന്നവര് ഒരിക്കലും അമ്മയുടെ തലപ്പത്ത് വരില്ല, അതിനായി ഏതറ്റം വരെയും പോകും: ശ്വേത മേനോന്
‘അമ്മ’യെ അഡ്ഹോക്ക് കമ്മിറ്റി നയിക്കും; രമേഷ് പിഷാരടി കൺവീനർ
അഡ്ഹോക് കമ്മിറ്റിയുടെ നിയമനത്തിനെതിരെ കോടതിയെ സമീപിക്കാന് അമ്മ മുന് ഭാരവാഹികള്; സൂം മീറ്റിംഗ് കൂടി
