യക്കോബായ സുറിയാനി സഭയ്ക്ക് തിരുവനന്തപുരം കേന്ദ്രമാക്കി പുതിയ മേഖല രൂപീകരിക്കാന് സഭയുടെ എപ്പിസ്കോപ്പല് സുന്നഹദോസ് തിരുമാനിച്ചു. വൈദീക സെമിനാരി റസിഡന്റ് മെത്രാപ്പൊലീത്തായും യൂറോപ്പ് ഭദ്രാസനാധിപനും സഭയുടെ മീഡിയ സെല് ചെയര്മാനുമായ ഡോ. കുര്യാക്കോസ് മോര് തെയോഫിലോസ് 15ന് മേഖലയുടെ ചുമതലയേല്ക്കും.
സ്ഥാനാരോഹണ ശുശ്രൂഷ (സുന്ത്രോണീസോ) 15 ന് വൈകിട്ട് 5 മണിക്ക് സെക്രട്ടേറിയറ്റിനു സമീപമുള്ള പുന്നന് റോഡ് സെന്റ്. പീറ്റേഴ്സ് യാക്കോബായ സുറിയാനി ഓര്ത്തഡോക്സ് സിംഹാസന കത്തീഡ്രലില് നടക്കും. യാക്കോബായ സഭയുടെ ശ്രേഷ്ഠ കാതോലിക്കാ ബസേലിയോസ് ജോസഫ് ബാവാ നേതൃത്വം നല്കും. മറ്റു മെത്രാപ്പൊലീത്തമാര് സന്നിഹിതരായിരിക്കും.
മുഖ്യമന്ത്രി, മന്ത്രിമാര്, സ്പീക്കര്, വിവിധ സഭകളുടെ മേലദ്ധ്യക്ഷന്മാര്,രാഷ്ട്രീയ സാമൂഹിക സാംസ്കാരിക രംഗങ്ങളിലെ പ്രമുഖര് തുടങ്ങിയവര് പങ്കെടുക്കുമെന്ന് ജനറല് കണ്വീനര് ഫാ. അലക്സാണ്ടര് തോമസ്, പബ്ലിസിറ്റി കോ ഓര്ഡിനേറ്റര് ഫാ. അലന് കുര്യന് സാബു, കണ്വീനര് ഡോ. കോശി എം. ജോര്ജ് എന്നിവര് അറിയിച്ചു.വൈകുന്നേരം അഞ്ചിനു സ്ഥാനാരോഹണ ചടങ്ങും ആറിന് സ്വീകരണവും ആണ് ക്രമീകരിച്ചിരിക്കുന്നത്.
