മുള്ളൻ പന്നിയെ അടിച്ചുകൊന്ന കേസിൽ വെള്ളനാട് പഞ്ചായത്ത് പ്രസിഡന്റ് ശശിക്ക് ജാമ്യം. നെടുമങ്ങാട് മജിസ്ട്രേറ്റ് കോടതിയാണ് ജാമ്യം അനുവദിച്ചത്. കഴിഞ്ഞ ദിവസം പരുത്തിപ്പള്ളി ആർഎഫ്ഒയ്ക്ക് മുൻപിൽ വെള്ളനാട് ശശി കീഴടങ്ങുകയായിരുന്നു.
കഴിഞ്ഞ ഫെബ്രുവരി 28നാണ് പഞ്ചായത്തിലെ ഒരു വീട്ടില് കയറിയ സംരക്ഷിത ജീവി ഇനത്തില്പ്പെട്ട മുള്ളന് പന്നിയെ ഇരുമ്പ് ദണ്ഡ് ഉപയോഗിച്ച് അടിച്ചു കൊന്നത്. സംഭവത്തില് വനം വകുപ്പ് കേസെടുത്തിരുന്നു. എന്നാല് വെള്ളനാട് ശശിയെ അറസ്റ്റ് ചെയ്യുന്നില്ലെന്ന് ആക്ഷേപം ഉയര്ന്നിരുന്നു.
തിരുവനന്തപുരം അഡീഷണല് സെക്ഷന്സ് കോടതിയില് മുന്കൂര് ജാമ്യാപേക്ഷയുമായി വെള്ളനാട് ശശി സമീപിച്ചിരുന്നു. എന്നാല് ജാമ്യാപേക്ഷ തള്ളിയിരുന്നു. പിന്നാലെയാണ് വെള്ളനാട് ശശി കീഴടങ്ങിയത്. വന്യജീവി സംരക്ഷണ നിയമത്തിലെ ഷെഡ്യൂള് ഒന്നില് ഉള്പ്പെടുന്ന മുള്ളന്പന്നിയെ ആക്രമിക്കുകയോ കൊല്ലുകയോ ചെയ്താല് 3 മുതല് 7 വര്ഷം വരെ തടവും 25,000 രൂപ പിഴയുമാണ് ശിക്ഷ.
Read More
മുള്ളൻപന്നിയെ തല്ലിക്കൊന്ന കേസ്; വെള്ളനാട് ശശി ഒളിവിൽ തുടരുന്നു, അന്വേഷണം ഊർജിതമാക്കി വനം വകുപ്പ്
മുള്ളൻപ്പന്നിയെ അടിച്ചു കൊന്ന കേസ്; വെള്ളനാട് ശശിയുടെ മുൻകൂർ ജാമ്യാപേക്ഷ തള്ളി
പഞ്ചായത്ത് വാഹനത്തെ ചൊല്ലി തർക്കം; സെക്രട്ടറിയെ പ്രസിഡന്റ് റോഡിൽ തടഞ്ഞു
വയനാട് ജില്ലയിലെ ബ്ലോക്ക് – ഗ്രാമപഞ്ചായത്ത് പ്രസിഡണ്ടുമാരും വൈസ് പ്രസിഡണ്ടുമാരും
