സംസ്ഥാനത്തെ സ്വര്ണവിലയില് ഇന്നും വര്ധനവ്. ഇന്ന് ഗ്രാമിന് 70 രൂപയുടെ നേരിയ വര്ധനവാണ് സ്വര്ണത്തിന് രേഖപ്പെടുത്തിയിരിക്കുന്നത്. ഒരു പവന് സ്വര്ണത്തിന് 560 രൂപയും കൂടി. (gold rate hiked kerala july 21)
ഇതോടെ സംസ്ഥാനത്ത് ഒരു ഗ്രാം സ്വര്ണത്തിന് 13,220 രൂപയായി. ഒരു പവന് സ്വര്ണത്തിന് ഇന്ന് 1,05,760 രൂപയും നല്കേണ്ടി വരും. ഇന്നലെയും സംസ്ഥാനത്ത് സ്വര്ണവില ഉയര്ന്നിരുന്നു. പവന് 120 രൂപയുടെ വര്ധനയാണ് ഇന്നലെ രേഖപ്പെടുത്തിയത്. പശ്ചിമേഷ്യന് സംഘര്ഷം അയവില്ലാതെ തുടരുന്നത് സ്വര്ണവിലയെ വലിയ രീതിയില് സ്വാധീനിക്കുന്നുണ്ട്.ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അന്താരാഷ്ട്ര വിപണിയിലുണ്ടാകുന്ന ചലനങ്ങള് കേരളത്തിലും പ്രതിഫലിക്കും. എന്നിരിക്കിലും ആഗോള വിപണിയില് വില കൂടിയാല് കേരളത്തിലും കൂടണമെന്നില്ല.
