മൂന്നാറിൽ വിദ്യാർഥികളെ തെരുവ് നായ ആക്രമിച്ചു

മൂന്നാറിൽ വിദ്യാർഥികൾക്ക് നേരെ തെരുവ് നായയുടെ ആക്രമണം. ദേവികുളം തമിഴ് ഹയർ സെക്കൻഡറി സ്കൂളിലെ ആറ് വിദ്യാർഥികളെയാണ് ആക്രമിച്ചത്. എട്ടാം ക്ലാസിൽ പഠിക്കുന്ന കുട്ടിയെ സ്കൂൾ കോമ്പൗണ്ടിൽ വെച്ച് ഇന്നലെ വൈകീട്ടാണ് തെരുവുനായ ആക്രമിച്ചത്. പിന്നീട് പ്ലസ് വൺ, പ്ലസ് ടു ക്ലാസുകളിൽ പഠിക്കുന്ന അഞ്ചു കുട്ടികളെ ഇന്ന് രാവിലെ സ്കൂളിലേക്ക് വരുന്ന വഴിയും തെരുവ് നായ ആക്രമിച്ചു. ആറു കുട്ടികളും ആരോഗ്യകേന്ദ്രത്തിൽ നിന്ന് ചികിത്സ തേടി വാക്സിൻ സ്വീകരിച്ചു.

ദേവികുളം മേഖലയിൽ തെരുവ് നായയുടെ ശല്യം അതീവ രൂക്ഷമാണ്. രണ്ടാഴ്ച മുൻപാണ് വിനോദ സഞ്ചാരികളടക്കം 16 പേരെ തെരുവ് നായ ആക്രമിച്ചത്. അതിന് പിന്നാലെയാണിപ്പോൾ വിദ്യാർഥികൾക്ക് നേരെയുള്ള ആക്രമണം. വലിയ ആശങ്കയാണ് സ്ഥലത്ത് നിലനിൽക്കുന്നത്. തെരുവ് നായ ശല്യം തടയുന്നതിനായി ഒരു തരത്തിലുള്ള നടപടികളും പഞ്ചായത്തിന്റെ ഭാഗത്ത് നിന്ന് ഉണ്ടായിട്ടില്ല. നിരവധി തെരുവ് നായകൾ മൂന്നാർ, ദേവികുളം മേഖലകളിൽ ഉണ്ട്. സംഭവത്തിൽ അടിയന്തരമായ നടപടി വേണമെന്നാണ് വിദ്യാർഥികളും നാട്ടുകാരും പറയുന്നത്.

Read More

അതിർത്തിയിൽ മലയാളി വിദ്യാർഥികളെ യുക്രൈൻ സൈന്യം കാറിടിച്ച് വീഴ്ത്തി, തോക്കൂചൂണ്ടി ഭീഷണിയും അധ്യാപികയുടെ കാർ ഇടിച്ച് വിദ്യാർഥിക്ക് ​ഗുരുതര പരുക്ക്; മലപ്പുറത്ത് സ്കൂളിൽ വിദ്യാർഥി പ്രതിഷേധം രാജ്യത്തെ സർവകലാശാലകൾ പരീക്ഷകൾ റദ്ദാക്കണമെന്നും വിദ്യാർഥികളെ അവരുടെ മുൻ പ്രകടനങ്ങളുടെ അടിസ്ഥാനത്തിൽ പാസ്സാക്കണമെന്നും രാഹുൽ ഗാന്ധി സുമിയിൽ നിന്ന് ഒഴിപ്പിച്ച വിദ്യാർഥികളെ ലിവിവിലേക്ക്‌ മാറ്റുന്നു; പോളണ്ട് വഴി ഇന്ത്യയിലേക്ക് എത്തിക്കും