തിരുവനന്തപുരം കോർപറേഷനിലെ ഒപ്പ് വിവാദത്തിൽ കൂടുതൽ നടപടികളിലേക്ക് പൊലീസ്. കോർപറേഷനിലെ സിസിടിവി ക്യാമറകൾ പരിശോധിക്കും. പരിശോധനക്ക് അനുമതി തേടി അന്വേഷണസംഘം സെക്രട്ടറിക്ക് കത്ത് നൽകി. കൗൺസിൽ ഹാളിലെ സിസിടിവികൾ പരിശോധിക്കാനാണ് പോലീസ് കത്ത് നൽകിയത്. എന്നാൽ കൗൺസിൽ ഹാളിലെയും കവാടത്തിലെയും സിസിടിവികൾ പ്രവർത്തിക്കുന്നില്ലന്ന് കോർപറേഷൻ.
സിസിടിവി പരിശോധനയ്ക്ക് പിന്നാലെ മേയറുടെയും നഗരസഭാ സെക്രട്ടറിയുടെയും ആർ സുഗതന്റെയും മൊഴിയും പൊലീസ് രേഖപ്പെടുത്തും. ഫെബ്രുവരി 26, മാർച്ച് 11, ഏപ്രിൽ 27 തീയതികൾ നടന്ന കൗൺസിൽ യോഗത്തിലെ രജിസ്റ്ററിൽ സുഗതന്റേത് ആയിട്ടുള്ള ഒപ്പ് വന്നത് ഗൂഢാലോചനയുടെ ഫലമാണെന്നാണ് എഫ്ഐആറിലെ പരാമർശം. ഒന്നാം പ്രതിയായ മേയറും രണ്ടാം പ്രതിയായ നഗരസഭാ സെക്രട്ടറിയും മൂന്നാം പ്രതിയായ സുഗതനും പരസ്പരം കുറ്റകൃത്യത്തിന് കൂട്ടുനിന്നുവെന്നും എഫ്ഐആറിലുണ്ട്.
സിപിഐഎം നേതാവ് എസ്പി ദീപക് നൽകിയ പരാതിയിലാണ് മ്യൂസിയം പൊലീസ് കേസ് രജിസ്റ്റർ ചെയ്ത് പ്രാഥമിക അന്വേഷണം ആരംഭിച്ചത്. സംഭവത്തിൽ വിശദമായ അന്വേഷണം നടത്തേണ്ടതുണ്ടെന്ന് കന്റോൺമെന്റ് അസിസ്റ്റന്റ് കമ്മീഷണർ സമർപ്പിച്ച പ്രാഥമിക റിപ്പോർട്ടിന്റെ അടിസ്ഥാനത്തിലാണ് കമ്മീഷണർ കേസെടുക്കാൻ നിർദ്ദേശം നൽകിയത്.
Read More
യാത്രക്കാരുടെ സുരക്ഷ; രാജ്യത്തെ ട്രെയിനുകളിൽ CCTV ക്യാമറകൾ സ്ഥാപിക്കാൻ തീരുമാനം
കസ്റ്റഡി മരണങ്ങളിൽ ഇടപെട്ട് സുപ്രിംകോടതി; CCTV പ്രവർത്തനരഹിതമായ സംഭവങ്ങളിൽ സ്വമേധയ കേസെടുത്തു
‘ഇവൻ നാടിന് അപമാനം’; കുന്നംകുളത്തെ മൂന്നാംമുറയിൽ സിപിഒ സജീവന്റെ വീട്ടിലേക്ക് പ്രതിഷേധവുമായി യൂത്ത് കോൺഗ്രസ് പ്രവർത്തകർ
ടോക്യോ ഒളിമ്പിക്‌സ്: ബോക്‌സിംഗിൽ മേരി കോം പ്രീക്വാർട്ടറിൽ
