ആളുകളെ ഇരുട്ടിലാക്കണമെന്ന വിചിത്ര നോട്ടീസുമായി വനം വകുപ്പ്. ഇടുക്കി കാഞ്ചിയാര് അഞ്ചുരുളി ഉന്നതിക്ക് സമീപമുള്ള കെട്ടിടങ്ങളിലെ വൈദ്യുതി വിച്ഛേദിക്കണമെന്നാണ് വനം വകുപ്പ് കെഎസ്ഇബിയോട് ആവശ്യപ്പെട്ടത്. വനംവകുപ്പിന്റെ നടപടിയില് പ്രതിഷേധം ശക്തമായിരിക്കുകയാണ്. (forest department gives notice to kseb to cut electricity in Kanchiyar)
കൈവശ ഭൂമിയില് വീട് വെച്ച് താമസിക്കുന്ന കുടുംബങ്ങള്ക്ക് 10 വര്ഷത്തിലധികമായി വൈദ്യുതി കണക്ഷന് ഉണ്ട്. എന്നാല് ഇവിടെ താല്ക്കാലിക ഷെഡ്ഡുകള്ക്ക് വൈദ്യുതി കണക്ഷന് നല്കിയത് വനംവകുപ്പിന്റെ അനുമതിയില്ലാതെ എന്നാണ് വാദം. കണക്ഷന് വിച്ഛേദിച്ചില്ലെങ്കില് നിയമനടപടി സ്വീകരിക്കുമെന്നാണ് വനംവകുപ്പ് നല്കിയ നോട്ടീസില് പറയുന്നത്. വൈദ്യുതി കണക്ഷന് വിച്ഛേദിക്കേണ്ട ആളുകളുടെ പട്ടികയും കത്തിനൊപ്പമുണ്ട്.അനുമതിയില്ലാതെ 11 പോസ്റ്റുകള് സ്ഥാപിച്ച് കണക്ഷനെടുത്തതായി വനംവകുപ്പ് കണ്ടെത്തിയിട്ടുണ്ട്.ഒരാളുടെ ബന്ധുക്കളുടെ പേരില് 11 കണക്ഷനുളുള്ളതായും വനംവകുപ്പ് കണ്ടെത്തിയിട്ടുണ്ട്. വനം വകുപ്പിന്റെ നടപടിക്കെതിരെ പ്രതിഷേധം ശക്തമാണ്.
Read More
മുട്ടില് മരംമുറി കേസ്; വനം വകുപ്പ് പിടിച്ചെടുത്ത 15 കോടി രൂപ വില നിശ്ചയിച്ച തടികള് മഴയേറ്റ് നശിക്കുന്നു
വൈദ്യുതി അപകടങ്ങള് ഒഴിവാക്കാന് സംസ്ഥാന, ജില്ലാതല കമ്മിറ്റികള്; തീരുമാനം വൈദ്യുതി വകുപ്പ് മന്ത്രിയുടെ അധ്യക്ഷതയില് ചേര്ന്ന യോഗത്തില്
മനുഷ്യജീവനു ഭീഷണിയായി പനമരം ചീരവയലിലെ വൈദ്യുതി ലൈനുകള്
പ്രഭാത വാർത്തകൾ
