മുഖ്യമന്ത്രി പിണറായി വിജയൻ രാജിവെക്കണമെന്ന് ആവശ്യപ്പെട്ട് കട്ടപ്പനയിൽ യൂത്ത് കോൺഗ്രസ് പ്രവർത്തകരുടെ പ്രതിഷേധവുമായി ബന്ധപ്പെട്ട് നാല് പേരെ അറസ്റ്റ് ചെയ്തു. പ്രതിഷേധം സംഘർഷത്തിൽ കലാശിച്ചതോടെയാണ് നാല് പേരെ പോലീസ് അറസ്റ്റ് ചെയ്തത്. യൂത്ത് കോൺഗ്രസ് സംസ്ഥാന ജനറൽ സെക്രട്ടറി അരുൺ, കെ എസ് യു സംസ്ഥാന ജനറൽ സെക്രട്ടറി അരുൺ രാജേന്ദ്രൻ, ടിനു, ഫ്രാൻസിസ് എന്നിവരാണ് അറസ്റ്റിലായത്. പ്രതിഷേധത്തിൽ പങ്കെടുത്ത 70 പേർക്കെതിരെ കേസെടുത്തിട്ടുണ്ട്. ഡിവൈഎസ്പി ഓഫീസിലേക്ക് കഴിഞ്ഞ ദിവസം നടത്തിയ മാർച്ച് വലിയ സംഘർഷത്തിൽ കലാശിക്കുകയായിരുന്നു.

അഭയ കേസില്‍ തിരുവനന്തപുരം പ്രത്യേക സി.ബി.ഐ കോടതി ജീവപര്യന്തം ശിക്ഷ വിധിച്ചത് റദ്ദാക്കണമെന്ന് ആവശ്യപ്പെട്ട് പ്രതികളായ ഫാ.തോമസ് കോട്ടൂരും സിസ്റ്റര്‍ സെഫിയും ഇന്നോ, നാളെയോ ഹൈക്കോടതിയില്‍ അപ്പീല്‍ നല്‍കും. അപ്പീല്‍ സ്വീകരിക്കണം, ശിക്ഷാവിധി അടിയന്തരമായി റദ്ദാക്കണം, പ്രതികള്‍ക്ക് പുറത്തിറങ്ങാനുള്ള സാഹചര്യം ഒരുക്കണം, കീഴ്‌ക്കോടതി തെളിവുകള്‍ കാര്യമായി പരിഗണിച്ചില്ല തുടങ്ങിയ കാര്യങ്ങളാണ് അപ്പീലില്‍ ഉന്നയിക്കുന്നത്. ഇരുവര്‍ക്കും വേണ്ടി ഹൈക്കോടതിയിലെ പ്രമുഖ അഭിഭാഷകരാണ് ഹാജരാകുന്നത്. നാര്‍ക്കോ അനാലിസിസ് ടെസ്റ്റിന്റെ വീഡിയോ ടേപ്പ് മാത്രമാണ് വിധിക്ക് അടിസ്ഥാനം, മോഷണക്കേസില്‍ പ്രതിയായ ഒരാളുടെ…

എറണാകുളം ഇടപ്പള്ളി വട്ടേക്കുന്നത്ത് റോഡ് ഇടിഞ്ഞ് വാഹനങ്ങൾ മണ്ണിനടിയിലായി. വട്ടേക്കുന്നും പ്രാഥമികാരോഗ്യ കേന്ദ്രത്തിന് സമീപമാണ് റോഡ് ഇടിഞ്ഞത്. വഴിവക്കിൽ പാർക്ക് ചെയ്തിരന്ന മൂന്ന് വാഹനങ്ങൾ പതിനഞ്ചടി താഴ്ചയിലേക്ക് മറിയുകയായിരുന്നു. കല്ലറയ്ക്കൽ വർഗീസ് എന്നയാളുടെ വീട്ടുമുറ്റത്തേക്കാണ് വാഹനങ്ങൾ മറിഞ്ഞുവീണത്. ഇവരുടെ കിണറും മണ്ണ് വന്ന് മൂടി. അപകടസമയത്ത് വാഹനങ്ങളിൽ ആരുമില്ലാതിരുന്നത് വലിയ അപകടം ഒഴിവാക്കി. കനത്ത മഴയെ തുടർന്നാണ് റോഡ് ഇടിഞ്ഞത്. കൊച്ചിയുടെ പല ഭാഗങ്ങളിലും വെള്ളക്കെട്ട് രൂക്ഷമാണ്‌

  കേരളത്തിൽ ഇന്ന് 11,361 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 1550, കൊല്ലം 1422, എറണാകുളം 1315, മലപ്പുറം 1039, പാലക്കാട് 1020, തൃശൂർ 972, കോഴിക്കോട് 919, ആലപ്പുഴ 895, കോട്ടയം 505, കണ്ണൂർ 429, പത്തനംതിട്ട 405, കാസർഗോഡ് 373, ഇടുക്കി 311, വയനാട് 206 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,11,124 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.22 ആണ്. റുട്ടീൻ സാമ്പിൾ, സെന്റിനൽ…