‘ഇതൊരു കുറ്റകൃത്യമല്ലേ?’; ബസിൽവച്ച് എംഎൽഎ യുവതിയെ മോശമായി സ്പർശിച്ചെന്ന് ആരോപണം: വിഡിയോയുമായി ബിആർഎസ്
ഹൈദരാബാദ്∙ തെലങ്കാനയിലെ കോൺഗ്രസ് എംഎൽഎ മാൽറെഡ്ഡി രംഗ റെഡ്ഡി ബസിൽവച്ച് യുവതിയോട് അപമര്യാദയായി പെരുമാറിയെന്ന് ആരോപണം. ഓടുന്ന ബസിൽവച്ച് എംഎൽഎ യുവതിയെ മോശമായി സ്പർശിച്ചെന്നാരോപിച്ച് പ്രതിപക്ഷമായ ബിആർഎസ് രംഗത്തെത്തി. ഇതിന്റെ വിഡിയോയും അവർ പങ്കുവച്ചു. ഇബ്രാഹിംപട്ടണത്തെ എംഎൽഎയാണ് മാൽറെഡ്ഡി. വിഡിയോയിൽ റെഡ്ഡി കോൺഗ്രസ് സർക്കാരിന്റെ സ്ത്രീകൾക്കായുള്ള ‘മഹാലക്ഷ്മി’ സൗജന്യ ബസ് പദ്ധതിയെക്കുറിച്ച് വിദ്യാർഥിനികളുമായി സംസാരിക്കുന്നത് കാണാം. ഒരു പെൺകുട്ടിയുടെ കൈ പിടിച്ചാണ് എംഎൽഎ സംസാരിക്കുന്നത്. ഒരു വർഷമായി സൗജന്യ ബസ്സിലാണ് യാത്ര ചെയ്യുന്നതെന്നും അതുവഴി പ്രതിവർഷം ഏകദേശം…
