ആറ്റിങ്ങല്‍: നിലയ്ക്കാമുക്കില്‍ യുവതിയെയും മകളെയും കിണറ്റിനുള്ളില്‍ മരിച്ച നിലയില്‍ കണ്ടെത്തി. ഭര്‍ത്താവ് രണ്ട് മാസം മുന്‍പ് ഇതേ കിണറ്റില്‍ ചാടി ആത്മഹത്യ ചെയ്തിരുന്നു. കടയ്ക്കാവൂര്‍ നിലയ്ക്കാമുക്ക് വാണിയന്‍ വിളാകം വീട്ടില്‍ ബിന്ദു(35), ദേവയാനി(8) എന്നിവരാണ് മരിച്ചത്. ബിന്ദുവിന്റെ ഭര്‍ത്താവ് പ്രവീണാണ് രണ്ട് മാസം മുന്‍പ് ഇതേ കിണറ്റില്‍ ചാടി ആത്മഹത്യ ചെയ്തത്.
പെരുമാതുറയിൽ വള്ളം മറിഞ്ഞ് കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. അഞ്ചുതെങ്ങ് സ്വദേശി ഷാജുവിന്റെ മൃതദേഹമാണ് ലഭിച്ചത്. മുതലപ്പൊഴിയിൽ നിന്നുപോയ മത്സ്യത്തൊഴിലാളികളാണ് ഷാജുവിന്റെ മൃതദേഹം പൂത്തുറക്ക് സമീപം കടലിൽ കണ്ടെത്തിയത്. കഴിഞ്ഞ ദിവസം രാവിലെ മുതലപ്പൊഴിയിൽ നിന്ന് മത്സ്യബന്ധനത്തിന് പോകുന്നതിനിടെയാണ് വള്ളം മറിഞ്ഞത്. ഷാജുവിനായുള്ള തെരച്ചിൽ വൈകുന്നുവെന്ന് ആരോപിച്ച് ബന്ധുക്കളും നാട്ടുകാരും പോലീസ് സ്‌റ്റേഷൻ ഉപരോധിച്ചിരുന്നു.
ലക്ഷദ്വീപിലെ ഭരണപരിഷ്‌കാരങ്ങൾക്കെതിരായ ഹർജിയിൽ കേന്ദ്രസർക്കാരിന്റെ നിലപാട് ചോദിച്ച് ഹൈക്കോടതി. രണ്ടാഴ്ചക്കുള്ളിൽ കേന്ദ്രസർക്കാർ മറുപടി ഫയൽ ചെയ്യാനാണ് ഹൈക്കോടതി നിർദേശിച്ചത്. അതുവരെ തുടർ നടപടികൾ സ്വീകരിക്കരുതെന്ന നിർദേശം നൽകണമെന്ന ഹർജിക്കാരുടെ ആവശ്യം കോടതി തള്ളി കെപിസിസി സെക്രട്ടറി കെ പി നൗഷാദലി, കവരത്തി സ്വദേശി മുഹമ്മദ് സാദിഖ് എന്നിവരാണ് ഹർജി നൽകിയത്. അഡ്മിനിസ്‌ട്രേറ്ററുടെ ഭരണപരിഷ്‌കാരങ്ങളാണ് ഹർജിയിൽ ചോദ്യം ചെയ്യുന്നത്. ഇവ പലതും ദ്വീപിന്റെ പാരമ്പര്യ, സാംസ്‌കാരിക തനിമക്ക് കോട്ടം വരുത്തുന്നതാണെന്ന് ഹർജിക്കാർ ആരോപിക്കുന്നു.
ഇന്ന് ചേരുന്ന യുഡിഎഫ് യോഗത്തിൽ പങ്കെടുക്കില്ലെന്ന് കെപിസിസി പ്രസിഡന്റ് സ്ഥാനത്തിരിക്കുന്ന കോൺഗ്രസ് നേതാവ് മുല്ലപ്പള്ളി രാമചന്ദ്രൻ. പ്രസിഡന്റ് കസേരയിൽ നിന്നിറങ്ങാൻ സന്നദ്ധത അറിയിച്ചതിനെ തുടർന്നാണ് യോഗത്തിൽ പങ്കെടുക്കാത്തത്. കെപിസിസി പ്രസിഡന്റ് എന്ന നിലയിലായിരുന്നു രാമചന്ദ്രൻ യോഗത്തിൽ പങ്കെടുക്കേണ്ടിയിരുന്നത്. രാജിസന്നദ്ധത അറിയിച്ചതിനാൽ യോഗത്തിൽ നിന്ന് വിട്ടുനിൽക്കുകയാണ് യോഗത്തിൽ പങ്കെടുക്കുന്നില്ലെന്ന് രമേശ് ചെന്നിത്തലയെയും രാമചന്ദ്രൻ അറിയിച്ചിട്ടുണ്ട്. നിയമസഭാ തെരഞ്ഞെടുപ്പിലെ നാണംകെട്ട തോൽവിക്ക് പിന്നാലെ രാമചന്ദ്രനെതിരെ പാർട്ടിക്കുള്ളിൽ രൂക്ഷവിമർശനം ഉയർന്നിരുന്നു. എന്നിട്ടും രാജിവെക്കില്ലെന്ന നിലപാടിലായിരുന്നു രാമചന്ദ്രൻ. ഒടുവിൽ വിമർശനങ്ങൾ ശക്തമായതോടെയാണ് വേണമെങ്കിൽ…
രാജ്യത്ത് കഴിഞ്ഞ 24 മണിക്കൂറിനിടെ 1,86,364 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ 44 ദിവസത്തിനിടെയുണ്ടായ ഏറ്റവും കുറഞ്ഞ പ്രതിദിന വർധനവാണിത്. കഴിഞ്ഞ മൂന്ന് ദിവസങ്ങൾക്കിടെ രണ്ടാം തവണയാണ് പ്രതിദിന വർധനവ് രണ്ട് ലക്ഷത്തിൽ താഴെയാകുന്നത്. 3660 പേർ കഴിഞ്ഞ ഒരു ദിവസത്തിനിടെ കൊവിഡ് ബാധിച്ച് മരിച്ചു. രാജ്യത്തെ ആകെ കൊവിഡ് ബാധിതരുടെ എണ്ണം 2,75,55,457 ആയി ഉയർന്നു. 3,18,895 പേർ കൊവിഡ് ബാധിച്ച് രാജ്യത്ത് മരിച്ചു. നിലവിൽ 23,43,152 പേരാണ് രാജ്യത്ത് ചികിത്സയിൽ കഴിയുന്നത്. അതേസമയം…
നയപ്രഖ്യാപനം;എല്ലാവർക്കും സൗജന്യ വാക്സിൻ,പാവപ്പെട്ടവർക്ക് സൗജന്യ ചികിത്സ, കൃഷി പ്രോത്സാഹിപ്പിക്കാൻ നടപടികൾ ഉയർന്ന വളർച്ച നിരക്കുള്ള സംസ്ഥാനമായി കേരളം മാറുമെന്ന് നയപ്രഖ്യാപന പ്രസംഗത്തിൽ ഗവർണർ. സാമ്പത്തിക പ്രതിസന്ധിയിലും കേരളം ശമ്പള പരിഷ്ക്കരണം നടപ്പാക്കിയെന്നും ഗവർണർ ഓർമിപ്പിച്ചു. സംസ്ഥാനത്ത് തൊഴിൽ അവസരങ്ങൾ വർധിപ്പിക്കുമെന്ന് ഗവർണർ പറഞ്ഞു. അഞ്ച് വർഷം കൊണ്ട് 20 ലക്ഷം പേർക്ക് തൊഴിൽ നൽകൽ ആണ് സർക്കാർ ലക്ഷ്യം. സ്റ്റാർട്ടപ്പുകൾ പ്രോത്സാഹിപ്പിക്കാൻ നടപടി ആരംഭിക്കും. സാമ്പത്തിക വളർച്ച കൂടി ലക്ഷ്യമിട്ടുള്ള നടപടികളാണ് വിഭാവനം ചെയ്യുന്നത്. വായ്പാ…
സംസ്ഥാനത്ത് സ്വർണവില വീണ്ടുംതാഴ്ന്നു. പവന്റെ വില 160 രൂപ കുറഞ്ഞ് 36,560 രൂപയായി. ഗ്രാമിന്റെ വില 20 രൂപ കുറഞ്ഞ് 4570 രൂപയുമായി. 36,720 രൂപയായിരുന്നു കഴിഞ്ഞദിവസം പന്റെ വില. ആഗോള വിപണിയിൽ സ്വർണവിലയിൽ കാര്യമായമാറ്റമില്ല. സ്പോട് ഗോൾഡ് വില 1,896 ഡോളർ നിലവാരത്തിലാണ്. ആഗോള സമ്പദ്ഘടന മുന്നേറ്റംപ്രകടിപ്പിച്ചുതടങ്ങിയതും ഡോളർ മുന്നേറിയതുമാണ് സ്വർണവിലയെ പിടിച്ചുനിർത്തിയത്.
സമൂഹമാധ്യമങ്ങളിൽ വളരെ സജീവമല്ലെങ്കിലും ഇടയ്ക്കിടയ്ക്ക് സ്വന്തം വിശേഷങ്ങൾ പങ്കുവയ്ക്കുന്ന താരമാണ് മമ്മൂട്ടി. മമ്മൂട്ടി പങ്കുവയ്ക്കുന്ന ചിത്രങ്ങൾ വലിയ പ്രേക്ഷകശ്രദ്ധയും നേടാറുണ്ട്. ഇപ്പോഴിതാ ഇന്‍സ്റ്റഗ്രാമില്‍ തന്റെ ഒരു പുതിയ ചിത്രം പങ്കുവച്ചിരിക്കുകയാണ് മമ്മൂട്ടി. ‘വീട്ടില്‍ കഴിയുക, സുരക്ഷിതരായിരിക്കുക’ എന്ന ക്യാപ്ഷന്‍ നൽകിക്കൊണ്ടാണ് ചിത്രം പങ്കുവച്ചിരിക്കുന്നത് നീലയിൽ വെള്ള വരകളുള്ള ഷർട്ട് ധരിച്ച് സോഫയിലിരിക്കുന്നതാണ് ചിത്രം. നീട്ടി വളർത്തിയിരിക്കുന്ന മുടിയും താടിയുമാണ് ഈ തവണ ചിത്രത്തിന്റെ ഹൈലൈറ്റ്. ചിത്രം എപ്പോഴത്തെയും പോലെ ആരാധകർ ഏറ്റെടുത്തു കഴിഞ്ഞു. സമൂഹ മാധ്യമങ്ങളിലെല്ലാം…
സത്യപ്രതിജ്ഞാ ദിനത്തിൽ ടിപി ചന്ദ്രശേഖരന്റെ ചിത്രമടങ്ങിയ ബാഡ്ജ് ധരിച്ചതിനെതിരെയുള്ള പരാതി രാഷ്ട്രീയപ്രേരിതമെന്ന് വടകര എംഎൽഎ കെ കെ രമ. എ കെ ജി സെന്ററിൽ നിന്നുള്ള നിർദേശപ്രകാരം നൽകിയ പരാതി ആയിരിക്കാമെന്ന് രമ പരിഹസിച്ചു. ചന്ദ്രശേഖരന്റെ ചിത്രമടങ്ങിയ ബാഡ്ജ് ധരിച്ചായിരുന്നു രമയുടെ സത്യപ്രതിജ്ഞ. ജനതാദൾ എസ് തിരുവനന്തപുരം ജില്ലാ സെക്രട്ടറി ടി പി പ്രേംകുമാറാണ് സ്പീക്കർക്ക് പരാതി നൽകിയത്. രമയുടെ നടപടി സഭയിലെ അംഗങ്ങളുടെ പെരുമാറ്റച്ചട്ടത്തിന് എതിരാണെന്നായിരുന്നു പരാതി.
കൊച്ചി: ആയിരം രൂപയ്ക്ക് മുകളിലുള്ള വൈദ്യുതി ബില്‍ ഓണ്‍ലൈന്‍ വഴി മാത്രം അടയ്ക്കാന്‍ സാധിക്കുന്ന വിധത്തിലേക്ക് മാറാന്‍ വൈദ്യുതി ബോര്‍ഡ്. 1000 രൂപയ്ക്ക് മുകളിലുള്ള ബില്‍ ഓണ്‍ലൈന്‍ വഴി അടക്കുന്ന സംവിധാനം കര്‍ശനമായി നടപ്പാക്കാന്‍ വൈദ്യുതി ബോര്‍ഡ് യോഗം തീരുമാനിച്ചു. ആദ്യ ഒന്നുരണ്ടുതവണ ബില്‍ അടയ്ക്കാന്‍ അനുവദിക്കും. എന്നാല്‍ ഈ തീരുമാനം പൂര്‍ണമായും നടപ്പാക്കുന്നതിന്റെ ഭാഗമായി ആയിരത്തിന് മുകളിലുള്ള തുക കാഷ് കൗണ്ടര്‍ വഴി സ്വീകരിക്കാന്‍ കഴിയാത്തവിധത്തില്‍ സോഫ്റ്റ്‌വേറില്‍ മാറ്റം വരുത്താനാണ് വൈദ്യുതി വകുപ്പിന്റെ നീക്കം. ഇതിലൂടെ…