സ്വർണക്കടത്ത് കേസിൽ സ്വപ്‌ന സുരേഷിന്റെ വെളിപ്പെടുത്തലുകൾക്ക് പിന്നാലെ പ്രതികരണവുമായി കെ ടി ജലീൽ. കുറച്ച് കാലം വൈകുമെങ്കിലും സത്യത്തിന് പുറത്ത് വരാതിരിക്കാൻ കഴിയില്ല. എന്റെ രക്തത്തിനായി ഓടി നടന്നവർക്ക് ദൈവം മാപ്പ് കൊടുക്കട്ടെയെന്നും കെ ടി ജലീൽ ഫേസ്ബുക്ക് പോസ്റ്റിൽ പ്രതികരിച്ചു. സത്യമെപ്പോഴും തെളിച്ചത്തോടെ നിൽക്കും. എന്തൊക്കെയായിരുന്നു പുകിൽ? എന്റെ രക്തത്തിനായി ഓടിനടന്നവർക്ക് ദൈവം മാപ്പ് കൊടുക്കട്ടെ. സത്യസന്ധമായി മാത്രമേ പ്രവർത്തിച്ചിട്ടുള്ളൂ. അത്‌കൊണ്ട് തന്നെ ഭയപ്പാട് ലവലേശമില്ല. കാലം കുറച്ച് വൈകുമെങ്കിലും സത്യത്തിന് പുറത്ത് വരാതിരിക്കാൻ…

  തിരുവനന്തപുരം വെഞ്ഞറമ്മൂട്ടിൽ നിയന്ത്രണം വിട്ട കാർ മരത്തിലിടിച്ച് കന്യാസ്ത്രീ മരിച്ചു. ഡോക്ടേഴ്‌സ് ഓഫ് മേരി സഭയിലെ സിസ്റ്റർ ഗ്രേസ് മാത്യൂ(55)ആണ് മരിച്ചത്. അപകടത്തിൽ നാല് പേർക്ക് പരുക്കേറ്റു. പുലർച്ചെ നാല് മണിയോടെയാണ് അപകടമുണ്ടായത്. തൃശ്ശൂരിൽ നിന്ന് നെടുമങ്ങാടേക്ക് പോകുന്നതിനിടെയാണ് കാറിന്റെ നിയന്ത്രണം നഷ്ടമായത്.

  കൊല്ലം കൊട്ടാരക്കരയിൽ 12 വയസ്സുള്ള പെൺകുട്ടിയെ പീഡിപ്പിച്ച് ഗർഭിണിയാക്കിയ യുവാവ് പിടിയിൽ. പെൺകുട്ടിയുടെ ബന്ധു തന്നെയാണ് പ്രതി. കൊട്ടാരക്കര താലൂക്ക് ആശുപത്രിയിൽ ചികിത്സക്കെത്തിയപ്പോഴാണ് പെൺകുട്ടി ഗർഭിണിയാണെന്ന വിവരം അറിഞ്ഞത് ആരോഗ്യപ്രശ്‌നങ്ങളെ തുടർന്നാണ് പെൺകുട്ടിയെ ചികിത്സക്ക് എത്തിച്ചത്. സംശയം തോന്നിയ ഡോക്ടർ കുട്ടിയെ പരിശോധിക്കുകയായിരുന്നു. പിന്നീട് കൗൺസിലിംഗിന് വിധേയമാക്കിയപ്പോഴാണ് ബന്ധു പീഡിപ്പിച്ചതായി കുട്ടി പറഞ്ഞത് പെൺകുട്ടിയുടെ അടുത്ത ബന്ധു കൂടിയാണ് 23കാരനായ യുവാവ്. ഇയാളെ പോലീസ് കസ്റ്റഡിയിലെടുത്തു.

  സ്വർണക്കടത്ത് കേസിൽ താൻ പ്രതിസ്ഥാനത്ത് വന്നതോടെ മൂന്ന് പുരുഷൻമാരും അവരുടെ കുടുംബാംഗങ്ങളുമാണ് തന്നെ നിരന്തരം അധിക്ഷേപിക്കുന്നതെന്ന് സ്വപ്‌ന സുരേഷ്. തന്റെ ഭർത്താവ്, സരിത്ത്, എം ശിവശങ്കർ എന്നിവർക്കെതിരെയാണ് സ്വപ്‌നയുടെ ആരോപണം. വിവാദം വന്നതോടെ ഭർത്താവ് തന്നെ ഉപേക്ഷിച്ച് പോയി. ഭർത്താവും സരിത്തിന്റെ കുടുംബവും ശിവശങ്കരും ചേർന്ന് തനിക്കെതിരെ ഒരുപാട് കാര്യങ്ങൾ പറയുകയാണ്. യുഎഇ കോൺസുലേറ്റിലെ ബന്ധം വെച്ചാണ് ശിവശങ്കറെ പരിചയപ്പെട്ടത്. പിന്നെ കുടുംബത്തിന്റെ ഭാഗമായി. തന്റെ ജീവിതത്തിൽ ശിവശങ്കർ അറിയാതെ ഒന്നും നടന്നിട്ടില്ല ഭർത്താവ് തന്നെ…

  ചങ്ങനാശ്ശേരി എം സി റോഡിൽ എസ് ബി കോളജിന് സമീപം ബൈക്കുകൾ കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിച്ചു. ചങ്ങനാശ്ശേരി പുഴവാത് ഹിദായത്തുനഗറിൽ പള്ളിവീട്ടിൽ അജ്മൽ(27), മാർക്കറ്റ് ഉള്ളാഹയിൽ അലക്‌സ്(26), വാഴപ്പള്ളി മതുമൂല കണിയാംപറമ്പിൽ രുദ്രാക്ഷ്(20) എന്നിവരാണ് മരിച്ചത്. ഇവർക്കൊപ്പമുണ്ടായിരുന്ന ഷിന്റോ എന്ന യുവാവിന് പരുക്കേറ്റു വെള്ളിയാഴ്ച രാത്രി പത്ത് മണിയോടെയാണ് അപകടം. എതിർ ദിശയിൽ വന്ന ബൈക്കുകൾ തമ്മിൽ  കൂട്ടിയിടിക്കുകയായിരുന്നു. ഇവരെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല