നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാൻ ഗൂഢാലോചന നടത്തിയെന്ന കേസിൽ ദിലീപിനും കൂട്ടുപ്രതികൾക്കും ഹൈക്കോടതിയുടെ സിംഗിൾ ബഞ്ച് മുൻകൂർ ജാമ്യം അനുവദിച്ചു. ഉപാധികളോടെയാണ് ജാമ്യം. ഒരു മാസത്തോളം നീണ്ടുനിന്ന വാദത്തിനൊടുവിലാണ് ദിലീപിന് അനുകൂലമായി ഹൈക്കോടതിയിൽ നിന്നുംവിധി വരുന്നത് പ്രതിയെ കസ്റ്റഡിയിൽ വിട്ടുകിട്ടണമെന്ന് അന്വേഷണ സംഘത്തിന് ആവശ്യമെങ്കിൽ തുടർ നടപടികൾ സ്വീകരിക്കാമെന്നും ഹൈക്കോടതി വിധിയിൽ പറയുന്നു. കേസിലെ വാദം വെള്ളിയാഴ്ച പൂർത്തിയായിരുന്നു. തുടർന്നാണ് കോടതി വിധി പറയാൻ മാറ്റിയത്. സാക്ഷി എന്ന നിലയിൽ ബാലചന്ദ്രകുമാറിന്റെ വിശ്വാസ്യതയിൽ…

  കുപ്രസിദ്ധ ഗുണ്ട പല്ലൻ ഷൈജു പിടിയിൽ. കാപ്പ നിയമം ചുമത്തി തൃശ്ശൂർ ജില്ലയിൽ നിന്നും ഇയാളെ പുറത്താക്കിയിരുന്നു. പിന്നാലെ സമൂഹ മാധ്യമങ്ങളിലൂടെ പോലീസിനെ ഭീഷണിപ്പെടുത്തിയ ശേഷം മുങ്ങുകയായിരുന്നു. വയനാട്ടിലെ റിസോർട്ടിൽ നിന്നാണ് ഷൈജുവിനെ പിടികൂടിയത്. ഒട്ടേറെ കൊലപാതക, ഹൈവേ കവർച്ചാ കേസുകളിലെ പ്രതിയാണ് ഇയാൾ. കോടാലി ശ്രീധരന്റെ കൂട്ടാളിയായിരുന്നു. പോലീസിനെ വെല്ലുവിളിച്ച സംഭവത്തിൽ ഷൈജുവിനായി വ്യാപക തെരച്ചിൽ നടത്തിയിരുന്നു. ഇതിനിടെയാണ് ഇയാൾ വയനാട്ടിലേക്ക് കടന്നത്.

  വിവാഹ ദിവസം പ്രതിശ്രുത വധുവിനെ തൂങ്ങിമരിച്ച നിലയിൽ കണ്ടെത്തി. കോഴിക്കോട് സ്വകാര്യ ആശുപത്രിയിലെ നഴ്‌സിംഗ് വിദ്യാർഥിനിയായ മേഘയാണ് മരിച്ചത്. 30 വയസ്സായിരുന്നു. കാളാണ്ടിത്താഴം നങ്ങോലത്ത് സുരേഷ്ബാബുവിന്റെ മകളാണ്. മേഘ പഠിക്കുന്ന ആശുപത്രിയിലെ സ്റ്റാഫ് നഴ്‌സുമായാണ് വിവാഹം ഉറപ്പിച്ചിരുന്നത് വിവാഹത്തിന്റെ ചടങ്ങുകൾ നടക്കുന്നതിനിടെയാണ് മേഘയെ മരിച്ച നിലയിൽ കാണുന്നത്. രാവിലെ ബ്യൂട്ടീഷൻ വന്നതോടെ കുളിച്ചുവരാമെന്ന് പറഞ്ഞ് കുളിമുറിയിൽ കയറിയ മേഘ തൂങ്ങിമരിക്കുകയായിരുന്നു. ഏറെ നേരം കഴിഞ്ഞും പുറത്തുവരാത്തതിനെ തുടർന്ന് വെന്റിലേഷൻ തകർത്ത് നോക്കിയപ്പോഴാണ് തൂങ്ങിയ നിലയിൽ കണ്ടത്….

  പാമ്പുകടിയേറ്റ് കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന വാവ സുരേഷിനെ ഇന്ന് ഡിസ്ചാർജ് ചെയ്യും. വാവ സുരേഷിന്റെ ആരോഗ്യനില പഴയരീതിയിലേക്ക് തിരികെ എത്തിയതായി ഡോക്ടർമാർ അറിയിച്ചു. അണുബാധക്ക് സാധ്യതയുള്ളതിനാൽ വീട്ടിലെത്തിയാലും സൂക്ഷിക്കണമെന്നും സന്ദർശകരെ ഒഴിവാക്കണമെന്നും നിർദേശം നൽകിയിട്ടുണ്ട് പാമ്പുകടിയേറ്റ സ്ഥലത്തെ മുറിവ് ഉണങ്ങിവരുന്നുണ്ട്. കഴിഞ്ഞ തിങ്കളാഴ്ചയാണ് കോട്ടയം കുറിച്ചിയിൽ വെച്ച് മൂർഖന്റെ കടിയേൽക്കുന്നത്. ഗുരുതരാവസ്ഥയിലായ വാവ സുരേഷിനെ ആദ്യം കോട്ടയത്തെ സ്വകാര്യ ആശുപത്രിയിലും പിന്നീട് മെഡിക്കൽ കോളജ് ആശുപത്രിയിലേക്കും മാറ്റുകയായിരുന്നു.

  സംസ്ഥാനത്ത് 10, 11, 12 ക്ലാസുകളും കോളജുകളും ഇന്ന് വീണ്ടും തുറക്കും. 10, പ്ലസ് വൺ, പ്ലസ് ടു ക്ലാസുകൾ ഇന്ന് മുതൽ വൈകുന്നേരം വരെയുണ്ടാകും. ഇതുവരെ ഷിഫ്റ്റ് അടിസ്ഥാനത്തിലാണ് ക്ലാസുകൾ പോയിരുന്നത്. എന്നാൽ പരീക്ഷ അടുത്ത സാഹചര്യത്തിലാണ് പാഠഭാഗങ്ങൾ തീർക്കുന്നതിനായി സമയം വർധിപ്പിച്ചത്. ഒന്ന് മുതൽ 9 വരെയുള്ള ക്ലാസുകൾ ഈ മാസം 14 മുതൽ പുനരാരംഭിക്കും. ഇവർക്ക് വൈകുന്നേരം വരെ ക്ലാസുകൾ വേണമോയെന്ന കാര്യത്തിൽ ഇന്ന് ചേരുന്ന വിദ്യാഭ്യാസ വകുപ്പിന്റെ ഉന്നതതല യോഗം…

വിദേശയാത്ര കഴിഞ്ഞ് തിരിച്ചെത്തിയ മുഖ്യമന്ത്രി പിണറായി വിജയൻ ഗവർണർ ആരിഫ് മുഹമ്മദ് ഖാനുമായി കൂടിക്കാഴ്ച നടത്തി. ലോകായുക്ത ഭേദഗതി ഓർഡിനൻസിന്റെ പശ്ചാത്തലത്തിലായിരുന്നു രാജ്ഭവനിലെത്തി ഗവർണറെ കണ്ടത്. കൂടിക്കാഴ്ച ഒരു മണിക്കൂറോളം നേരം നീണ്ടു. ഓർഡിനൻസ് ഭരണഘടന അനുസരിച്ചാണെന്ന് മുഖ്യമന്ത്രി ഗവർണറെ അറിയിച്ചു ഓർഡിനൻസ് കൊണ്ടുവരാനിടയായ സാഹചര്യം മുഖ്യമന്ത്രി വിശദീകരിച്ചു. നിലവിലെ നിയമത്തിൽ ഭരണഘടനാവിരുദ്ധമായ വകുപ്പുണ്ടെന്നും അതുകൊണ്ടാണ് നിയമഭേദഗതി വന്നതെന്നും മുഖ്യമന്ത്രി വിശദീകരിച്ചു. ഇക്കാര്യത്തിൽ നിയമോപദേശം ലഭിച്ചതായും മുഖ്യമന്ത്രി പറഞ്ഞു. സർവകലാശാലകളിൽ രാഷ്ട്രീയ ഇടപെടലിന് സർക്കാർ ആഗ്രഹിക്കുന്നില്ലെന്നും മുഖ്യമന്ത്രി…