ഇടുക്കി തൊടുപുഴയിൽ പ്രായപൂർത്തിയാകാത്ത അന്ധവിദ്യാർഥിനിയെ പീഡിപ്പിക്കുകയും പണം നൽകി കേസ് ഒതുക്കി തീർക്കാൻ ശ്രമിക്കുകയും ചെയ്ത കേസിൽ അന്ധവിദ്യാലയം വാച്ചർ അറസ്റ്റിൽ. ഒരു വർഷത്തിന് ശേഷമാണ് സ്ഥാപനത്തിലെ വാച്ചറായ രാജേഷ് അറസ്റ്റിലായത്. പീഡനത്തിന് ശേഷം ഇയാൾ കുട്ടിയുടെ ബന്ധുക്കളെയും സാക്ഷികളെയും വരുതിയിലാക്കി കേസ് ഒതുക്കി തീർക്കാൻ ശ്രമിച്ചിരുന്നു. തെളിവുകൾ നശിപ്പിക്കണമെന്ന് പെൺകുട്ടിയുടെ സഹോദരനോട് രാജേഷ് ആവശ്യപ്പെടുന്ന ശബ്ദരേഖയും പുറത്തുവന്നിരുന്നു. സംഭവമറിഞ്ഞിട്ടും സ്‌കൂൾ ജീവനക്കാരനെതിരെ നടപടിയെടുക്കാതെ സംരക്ഷിക്കാനായിരുന്നു മാനേജ്‌മെന്റിന്റെ ശ്രമം. ഒരു വർഷം മുമ്പായിരുന്നു പീഡനം. വിവരം…

  കൊല്ലം ചടയമംഗലത്ത് 20കാരി തൂങ്ങിമരിച്ച നിലയിൽ. അക്കോണം സ്വദേശി ബിസ്മിയെയാണ് വീട്ടുമുറിയിൽ തൂങ്ങിമരിച്ച നിലയിൽ കണ്ടെത്തിയത്. ഒരു വർഷം മുമ്പാണ് ബിസ്മിയുടെ വിവാഹം കഴിഞ്ഞത്. ഭർത്താവ് ആലിഫ് ഖാനും ബിസ്മിയുടെ വീട്ടിലായിരുന്നു താമസം പേരടത്ത് ഹോട്ടൽ നടത്തുകയാണ് ആലിഫ് ഖാൻ. ആത്മഹത്യയെന്നാണ് പ്രാഥമിക നിഗമനം. ആത്മഹത്യക്ക് പിന്നിലെ കാരണം വ്യക്തമല്ല. മൃതദേഹം പാരിപ്പള്ളി മെഡിക്കൽ കോളജിൽ പോസ്റ്റുമോർട്ടം ചെയ്തു. ചടയമംഗലം പോലീസ് അസ്വാഭാവിക മരണത്തിന് കേസെടുത്തു.

  സംസ്ഥാനത്തെ ഒമ്പത് ജില്ലകളിൽ ഇന്ന് മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. തെക്കുപടിഞ്ഞാറൻ ബംഗൾ ഉൾക്കടലിൽ ന്യൂനമർദം നിലനിൽക്കുന്നതിനാലാണ് മഴ സാധ്യത. മധ്യ തെക്കൻ കേരളത്തിലാണ് ഒറ്റപ്പെട്ട മഴക്ക് സാധ്യതയുള്ത്തി രുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, മലപ്പുറം ജില്ലകളിലാണ് മഴയ്ക്ക് സാധ്യതയുണ്ടെന്ന് പ്രവചനമുള്ളത്. ഇതിൽ ഇടുക്കി, പത്തനംതിട്ട ജില്ലകളിൽ കൂടുതൽ മഴ ലഭിക്കും.  

  പത്തനംതിട്ട കൂടലിൽ പോക്‌സോ കേസിൽ വൈദികൻ അറസ്റ്റിൽ. കൂടൽ ഓർത്തഡോക്‌സ് പള്ളി വികാരി പോണ്ട്‌സൺ ജോൺ ആണ് പിടിയിലായത്. കൗൺസിലിംഗിന് എത്തിയ പതിനേഴുകാരിക്ക് നേരെ ലൈംഗികാതിക്രമം നടത്തിയതിനാണ് അറസ്റ്റ് പെൺകുട്ടിയുടെ അധ്യാപികയുടെ പരാതിയുടെ അടിസ്ഥാനത്തിലാണ് വൈദികനെതിരെ കേസ് എടുത്തത്. ഇന്ന് പുലർച്ചെ വൈദികനെ വീട്ടിൽ നിന്നുമാണ് പിടികൂടിയത്.

  ആലപ്പുഴ നൂറനാട് പ്രഭാത സവാരിക്കിറങ്ങിയ രണ്ട് പേർ ലോറിയിടിച്ച് മരിച്ചു. എരുമക്കുഴി സ്വദേശി രാജു മാത്യു, വിക്രമൻ നായർ എന്നിവരാണ് മരിച്ചത്. രാവിലെ ആറ് മണിയോടെയാണ് സംഭവം ഇടിച്ച വാഹനം നിർത്താതെ പോയി. ടോറസ് ലോറിയാണ് നാല് പേരെ ഇടിച്ചത്. ഇതിൽ രണ്ട് പേർക്ക് ഗുരുതരമായി പരുക്കേറ്റ് ചികിത്സയിലാണ്. സംഭവത്തിൽ ലോറി കണ്ടെത്താനായി പോലീസ് അന്വേഷണം തുടരുകയാണ്.

  ദിലീപിന്റെ ഫോൺ രേഖകൾ നശിപ്പിച്ച സൈബർ വിദഗ്ധൻ സായ് ശങ്കറിനെ ക്രൈംബ്രാഞ്ച് സംഘം ഉടൻ ചോദ്യം ചെയ്യും. സായ് ശങ്കറിന്റെ കോഴിക്കോട്ടെ വീട്ടിൽ സൈബർ വിദഗ്ധർ പരിശോധന നടത്തുകയാണ്. അഭിഭാഷകന്റെ ഓഫീസിൽ വെച്ച് രേഖകൾ നശിപ്പിച്ചത് സായ് ശങ്കറാണെന്ന് അന്വേഷണ സംഘം കണ്ടെത്തിയിരുന്നു ദിലീപ് കോടതിക്ക് കൈമാറാത്ത ഫോണിലെ വിവരങ്ങൾ ഇയാളുടെ പക്കലുണ്ടെന്നാണ് സൂചന. ദിലീപ് അറിയാതെയാണ് ഇയാൾ വിവരങ്ങൾ കൈവശപ്പെടുത്തിയത്. ഫോണിലെ ചില വിവരങ്ങൾ അന്വേഷണ സംഘം കണ്ടെത്തിയെന്നാണ് സൂചന. നാളെ ക്രൈംബ്രാഞ്ച് ഓഫീസിൽ…