തിരുവനന്തപുരത്ത് എട്ടാം ക്ലാസുകാരിക്ക് നേരെ ലൈംഗികാതിക്രമം. സ്‌കൂള്‍ വാന്‍ ഡ്രൈവര്‍ പിടിയില്‍. ചാക്ക സ്വദേശി വേലപ്പനാണ് പിടിയിലായത്.
പേട്ട പൊലീസ് ആണ് പ്രതിയെ പിടികൂടിയത്. മാസങ്ങളോളമായി ഇയാള്‍ പെണ്‍കുട്ടിയോട് മോശമായി പെരുമാറി. പലതവണ പറഞ്ഞു വിലക്കിയിട്ടും ലൈംഗിക ചൂഷണം തുടര്‍ന്നു. നിവര്‍ത്തികെട്ട് അധ്യാപികയോട് കുട്ടി വിവരം അറിയിക്കുകയായിരുന്നു. അധ്യാപിക രക്ഷിതാക്കളെ വിവരമറിയിച്ചു. പിന്നീട് പൊലീസിലും അറിയിച്ചു.
ഇന്ന് വൈകുന്നേരമാണ് പ്രതിയെ കസ്റ്റഡിയില്‍ എടുത്തത്. ഇയാള്‍ നിരവധി കുട്ടികളെ ഇത്തരത്തില്‍ ഉപദ്രവിച്ചിരുന്നതായി പൊലീസിന് വിവരം ലഭിച്ചിട്ടുണ്ട്. പ്രതിയെ വിശദമായി ചോദ്യം ചെയ്തുവരികയാണ്.
