സംസ്ഥാന പൊലീസ് മേധാവിക്ക് രൂക്ഷ വിമര്‍ശനവുമായി ഡിജിപി യോഗേഷ് ഗുപ്ത. പൊലീസ് ആസ്ഥാനത്തെ പ്രവര്‍ത്തനം താഴോട്ടേക്കെന്നാണ് ഫയര്‍ഫോഴ്‌സ് മേധാവി കൂടിയായ് യോഗേഷ് ഗുപ്തയുടെ വിമര്‍ശനം. സംസ്ഥാന പൊലീസ് മേധാവി റവാഡ ചന്ദ്രശേഖറിന് യോഗേഷ് ഗുപ്ത കത്ത് നല്‍കി. തന്റെ വിജിലന്‍സ് ക്ലിയറന്‍സ് അപേക്ഷ പരിഗണിക്കാത്തതിനാലാണ് വിമര്‍ശനം. വിവരാവകാശ നിയമ പ്രകാരം ആവശ്യപ്പെട്ടിട്ടും ലഭിക്കാത്തതിനാലാണ്കത്തില്‍ വിമര്‍ശനം അറിയിച്ചത്.
പൊലീസ് സംവിധാനങ്ങള്‍ അപ്പാടെ തകര്‍ന്നുവെന്ന് പ്രതിപക്ഷം വിമര്‍ശനമുന്നയിക്കുന്ന സാഹചര്യത്തിലാണ് ഡിജിപി റാങ്കിലുള്ള ഒരു ഉദ്യോഗസ്ഥന്‍ സംസ്ഥാന പൊലീസ് മേധാവിക്ക് പൊലീസ് ആസ്ഥാനത്തെ പ്രവര്‍ത്തനത്തെ കുറിച്ച് വിമര്‍ശനം ഉന്നയിച്ചുകൊണ്ട് കത്ത് നല്‍കിയത്.
വിജിലന്‍സ് ക്ലിയറന്‍സിനായി സര്‍ക്കാരിനെ സമീപിച്ചിരുന്നെങ്കിലും യോഗേഷ് ഗുപ്തയ്ക്ക് അത് ലഭിച്ചിരുന്നില്ല. പിന്നീട് വിവരാവകാശ നിയമപ്രകാരവും ശ്രമിച്ചു. പക്ഷേ, അപ്പോഴും നല്‍കാന്‍ കഴിയില്ലെന്ന മറുപടിയാണ് പൊലീസ് മേധാവിയുടെ ഭാഗത്ത് നിന്ന് ലഭിച്ചത്. രഹസ്യ സ്വഭാവത്തില്‍ വരുന്ന കാര്യമാണെന്ന് വ്യക്തമാക്കിക്കൊണ്ടാണ് നിരാകരിച്ചത്. ഇതിന് പിന്നാലെയാണ് വിമര്‍ശനം.
Read More
‘സംസ്ഥാന സര്‍ക്കാരിന്റെ പ്രവര്‍ത്തനം പ്രതീക്ഷയ്‌ക്കൊത്ത് ഉയര്‍ന്നില്ല; മുഖ്യമന്ത്രിയുടെ സ്തുതിപാടകരായി മന്ത്രിമാര്‍ മാറി’ ; CPI കൊല്ലം ജില്ലാ സമ്മേളനത്തില്‍ വിമര്‍ശനം
സംസ്ഥാനത്തിന്റെ പുതിയ പൊലീസ് മേധാവിയെ ഇന്ന് അറിയാം; റവാഡ ചന്ദ്രശേഖറിന് മുൻതൂക്കം
‘നിരോധനത്തിന് ശേഷം പോപ്പുലര്‍ഫ്രണ്ട് പ്രവര്‍ത്തനം SDPIയിലേക്ക് മാറി’; DGP റവാഡ ചന്ദ്രശേഖർ
കോണ്‍ഗ്രസ് പ്രവര്‍ത്തകരെ വിമര്‍ശിച്ച് ചെന്നിത്തല; കിറ്റ് കൊടുത്തിട്ടല്ല എല്‍ഡിഎഫ് ജയിച്ചത്
