തമിഴ്‌നാട്ടിലെ ചേരമ്പാടി വനമേഖലയില്‍ നിന്ന് മൃതദേഹം കണ്ടെത്തിയ കോഴിക്കോട് സ്വദേശി ഹേമചന്ദ്രന്റേത് കൊലപാതകമാണെന്ന് സ്ഥിരീകരണം. ഹേമചന്ദ്രന്റെ പോസ്റ്റുമോര്‍ട്ടം പൂര്‍ത്തിയായി. ഡിഎന്‍എ നടപടികള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടു നല്‍കും. ഊട്ടി മെഡിക്കല്‍ കോളജ് ആശുപത്രിയില്‍ വച്ചായിരുന്നു പോസ്റ്റുമോര്‍ട്ടം.
ചേരമ്പാടിക്ക് അടുത്തുള്ള വനത്തില്‍ ഹേമചന്ദ്രന്റെ മൃതദേഹം കുഴിച്ചിട്ടു എന്ന പ്രതികളുടെ മൊഴിക്ക് പിന്നാലെ തന്നെ കോഴിക്കോട് സിറ്റി പൊലീസ് കമ്മീഷണറുടെ ക്രൈം സ്‌ക്വാഡിന്റെ നിരീക്ഷണത്തില്‍ ആയിരുന്നു ഈ മേഖല . ഇന്നു രാവിലെ പ്രതി അജേഷുമായി തിരച്ചില്‍ തുടങ്ങി. എറണാകുളത്തു നിന്ന് എത്തിച്ച കെഡാവര്‍ ഡോഗുകളായ മായയും മര്‍ഫിയും തിരച്ചിലിന്റെ ഭാഗമായി. ഒടുവില്‍ അജേഷ് ചൂണ്ടിക്കാണിച്ചിടത്തുനിന്ന് ഉച്ചയോടെയാണ് മൃതദേഹം ലഭിച്ചത്.
നാലടി താഴ്ചയില്‍ മുഖം പൂഴ്ത്തി കിടക്കുന്ന നിലയിലാണ് മൃതദേഹം. പിറകില്‍ കുത്തേറ്റ നിലയിലാണ്. മൃതദേഹം അഴുകാത്തതിന് കാരണം സദാസമയം ഉറവയുള്ള പ്രദേശമാണ് ഇത് എന്നതുകൊണ്ടാണ്. ചതുപ്പ് നിലത്ത് ആയിരുന്നു മൃതദേഹം ഉണ്ടായിരുന്നത്. ബത്തേരി സ്വദേശിയായ ഹേമചന്ദ്രന്‍ 20 വര്‍ഷം മുമ്പാണ് കോഴിക്കോട് മെഡിക്കല്‍ കോളജ് പരിസരത്തേക്ക് താമസം മാറിയത്.
Read More
ആന ചവിട്ടിയത് നെഞ്ചില്‍; കാട്ടാനയുടെ ആക്രമണത്തില്‍ കൊല്ലപ്പെട്ട ഷഹാനയുടെ പോസ്റ്റുമോര്‍ട്ടം പൂര്‍ത്തിയായി
ഷാനിന്റെ ശരീരത്തില്‍ നാല്‍പതിലേറെ വെട്ടുകള്‍; പോസ്റ്റ്‌മോര്‍ട്ടം പൂര്‍ത്തിയായി
വാരിയെല്ലിനും, നട്ടെല്ലിനും പൊട്ടൽ; മരണകാരണം ആന്തരിക രക്തസ്രാവം; കാട്ടാനയാക്രമണത്തിൽ കൊല്ലപ്പെട്ട കുമാരന്റെ പോസ്റ്റ്മോർട്ടം പൂർത്തിയായി
ഹേമചന്ദ്രന്റെ മൃതദേഹം കിടന്നത് ചതുപ്പ് നിലത്തിൽ, അഴുകിയിട്ടില്ല; മൃതദേഹം പുറത്തേക്ക് എത്തിച്ചു
