വാഷിങ്ടണ്‍: ലോകത്തില്‍ ഇന്ന് ഏറ്റവും കൂടുതല്‍ ആളുകള്‍ ഉപയോഗിക്കുന്ന ഒന്നാണ് വാട്സ് ആപ്പ്. അതുകൊണ്ട് ഫേസ്ബുക്കിന്റെ ഉടമസ്ഥതയിലുള്ള വാട്സ് ആപ്പില്‍ ഇടയ്ക്കിടെ പുതിയ ഫീച്ചറുകളും പ്രത്യക്ഷപെടാറുണ്ട്. ഇത്തരത്തില്‍ വാട്‌സ്ആപ്പില്‍ പുതുതായി അവതരിപ്പിച്ച ഒരു ഫീച്ചര്‍ ആണ് കാര്‍ട്ട് ഫീച്ചര്‍.
വാട്സ് ആപ്പ് ബിസിനസ് ആപ്പ് ഉപയോഗിക്കുന്ന കമ്പനികള്‍ക്ക് ഉപയോക്താക്കളുമായി ഫലപ്രദമായ രീതിയില്‍ സംവദിക്കാനും ഓര്‍ഡറുകള്‍ സ്വീകരിക്കാനുമായി മികച്ച പരിഷ്‌കാരങ്ങളാണ് കഴിഞ്ഞ കുറച്ചു മാസങ്ങളായി വാട്സ് ആപ്പ് അവതരിപ്പിച്ചുകൊണ്ടിരിക്കുന്നത്. വാട്സ് ആപ്പിലൂടെ ഷോപ്പ് ചെയ്യുന്നവര്‍ക്ക് കാര്യങ്ങള്‍ എളുപ്പമാക്കാനായി പുതിയ ഷോപ്പിങ് ബട്ടണ്‍ ആപ്പില്‍ അവതരിപ്പിച്ചിരുന്നു.
ഷോപ്പിങ് ബട്ടണില്‍ ക്ലിക്ക് ചെയ്താല്‍ ഉപയോക്താക്കള്‍ക്ക് ഉത്പന്നങ്ങളുടെ നീണ്ട ലിസ്റ്റ് കാണാന്‍ സാധിക്കുകയും കാര്‍ട്ട് എന്ന പുതിയ ഫീച്ചറിലൂടെ അവ ഓരോന്നായി ഉപയോക്താക്കളുടെ കാര്‍ട്ടിലേക്ക് ചേര്‍ക്കാനും ശേഷം പര്‍ച്ചേസ് ചെയ്യാനും സാധിക്കും. വാട്സ് ആപ്പ് ബിസിനസ് ചെയ്യുന്ന കമ്പനികളുടെ ചാറ്റ് വിന്‍ഡോയിലുള്ള ഷോപ്പിങ് ബട്ടണില്‍ ക്ലിക്ക് ചെയ്ത് എന്തൊക്കെയാണ് ഓരോ ഉല്‍പന്നങ്ങള്‍ക്കുള്ള ഓഫര്‍ എന്ന് യൂസര്‍മാര്‍ക്ക് മനസിലാക്കാം. അതില്‍ ആവശ്യമുള്ള ഉല്‍പന്നങ്ങള്‍ കാര്‍ട്ടിലേക്ക് ചേര്‍ത്ത് ഒരുമിച്ച് ഒരു സന്ദേശമായി കമ്പനിക്ക് അയച്ചു നല്‍കുകയും പേയ്‌മെന്റ് നടത്തുകയും ചെയ്യാം. നേരത്തെയുള്ളത് പോലെ ഓരോ പ്രൊഡക്ടും വെവ്വേറെ തെരഞ്ഞെടുക്കേണ്ടതില്ല എന്നതാണ് ഇതിന്റെ ഗുണം.
Read More
പുതിയ നിബന്ധനകള്‍ ഫേസ്ബുക്കിന് തിരിച്ചടി; വാട്സ്ആപ്പ് ഒഴിവാക്കി നിരവധി പേര്‍ സിഗ്നലിലേക്ക്; ഒടുവില്‍ തിരുത്തുമായി കമ്പനി
വാട്‌സ്ആപ്പിന് പകരമായി സൗദി അറേബ്യ പുതിയ ആപ്പ് വികസിപ്പിക്കുന്നു; അടുത്തവര്‍ഷം എത്തും
ഓണ്‍ലൈൻ പഠനം; വിദ്യാര്‍ത്ഥികള്‍ ഏറ്റവും കൂടുതല്‍ ഉപയോഗിച്ചത് വാട്സ് ആപ്പ്
വാട്സ്ആപ്പ് മെസേജുകളിലെ വിവരങ്ങൾ വ്യാജമാണോ; ഫാക്ട് ചെക്കിങ് ഫീച്ചർ പുറത്തിറങ്ങി
