ആലപ്പുഴ: ആലപ്പുഴ – കോട്ടയം ജില്ലകളെ ബന്ധിപ്പിക്കുന്ന മാക്കേക്കടവ്- നേരേകടവ് പാലത്തിന്റെ ഉദ്ഘാടന പരിപാടിയിലേക്ക് ക്ഷണിക്കാത്തതിൽ അതൃപ്തിയുമായി ജി സുധാകരൻ എംഎൽഎ. 2017ൽ ജി സുധാകാരനായിരുന്നു പാലത്തിന്റെ നിർമാണോദ്‌ഘാടനം നടത്തിയത്. ഉദ്ഘാടന നോട്ടീസിൽ പേരും ബന്ധപ്പെട്ടവർ ചേർത്തിട്ടില്ല. 2016ൽ തുടങ്ങിയ നിർമാണം പല സാങ്കേതിക തടസ്സങ്ങൾ കൊണ്ടും നീണ്ടുപോയത് വലിയ പ്രതിഷേധങ്ങൾക്ക് ഇടയാക്കിയിരുന്നു. പാലം നിർമാണം പ്രതിസന്ധിയിൽ ആയപ്പോഴും ജി സുധാകരൻ ഇടപെടലുകൾ നടത്തിയിരുന്നു.
ആലപ്പുഴ-കോട്ടയം ജില്ലകളെ ബന്ധിപ്പിക്കുന്ന മാക്കേക്കടവ്- നേരേകടവ് പാലം മുഖ്യമന്ത്രി വി ഡി സതീശൻ ഇന്ന് നാടിന് സമർപ്പിക്കും. 800 മീറ്റർ നീളത്തിൽ നടപ്പാത ഉൾപ്പെടെ 11 മീറ്റർ വീതിയിലാണ് പാലം. 98 കോടി രൂപ ചെലവിൽ പത്തു വർഷം കൊണ്ടാണ് പാലത്തിന്റെ നിർമ്മാണം പൂർത്തിയായത്. നിർദിഷ്ട തുറവൂർ-പമ്പ പാതയുടെ രണ്ടാം ഘട്ടത്തിന്റെ ഭാഗമെന്ന നിലയിൽ ശബരിമല തീർത്ഥാടകർക്കും പാലം ഗുണകരമാകും. മാക്കേക്കടവിൽ രാവിലെ 9ന് നടക്കുന്ന ഉദ്ഘാടന പരിപാടിയിൽ ആഭ്യന്തര മന്ത്രി രമേശ് ചെന്നിത്തല, മന്ത്രിമാരായ പി കെ ബഷീർ, എം ലിജു, സ്ഥലം എംഎൽഎയും നിയമസഭ ഡെപ്യൂട്ടി സ്പീക്കറുമായ ഷാനിമോൾ ഉസ്മാൻ തുടങ്ങിയവർ പങ്കെടുക്കും.
Read More
കപ്പലുകള്‍ വരുമ്പോള്‍ വഴിമാറുന്ന രാമേശ്വരത്തെ പുത്തന്‍ പാമ്പന്‍പാലം
ബീഹാറിൽ 1.42 കോടി ചെലവിൽ നിർമിച്ച പാലം ഉദ്ഘാടനത്തിന് മുമ്പേ ഒലിച്ചുപോയി
കൊയിലാണ്ടിയിൽ നിർമാണത്തിലിരുന്ന പാലം തകർന്നു വീണു; തോരായിക്കടവ് പാലത്തിന്റെ ഒരു ഭാഗമാണ് തകർന്നത്
എന്തുകൊണ്ട് ആ 15 നിർദേശങ്ങൾ പാലിച്ചില്ല? ദിലീപ് ബിൽഡ് കോണിനെ കരിമ്പട്ടികയിൽ പെടുത്തുമോ? അന്വേഷണം നിർണായകം
