ന്യൂഡൽഹി ∙ ഇന്ന് സിജെപി രാജ്യതലസ്ഥാനത്ത് ‘ലെഹ്‌രാ ദോ തിരംഗ’ (പാറിപ്പറക്കട്ടെ ത്രിവർണപതാക) റാലി നടത്താൻ തീരുമാനിച്ച പശ്ചാത്തലത്തിൽ കടുത്ത നിയന്ത്രണങ്ങൾ ഏർപ്പെടുത്തി ഡൽഹി പൊലീസ്. കൊണാട്ട് പ്ലേസിലെ സെൻട്രൽ പാർക്കിൽ ഇന്നും നാളെയും പൊതുജനങ്ങൾക്കു പ്രവേശനം ഉണ്ടായിരിക്കില്ല. ഭരണപരമായ കാരണങ്ങളാലാണ് നിയന്ത്രണം എന്നാണ് ന്യൂഡൽഹി മുനിസിപ്പൽ കൗൺസിൽ (എൻ‌ഡി‌എം‌സി) വ്യാഴാഴ്ച അറിയിച്ചത്.വെള്ളിയാഴ്ചയിലെ സിജെപി പ്രതിഷേധം വിലക്കാൻ ഡൽഹി ഹൈക്കോടതി വിസമ്മതിച്ചതിനു പിന്നാലെയാണ് നിയന്ത്രണങ്ങൾ ഏർപ്പെടുത്തിയത്. ക്രമസമാധാനം നിലനിർത്താൻ സാധ്യമായ എല്ലാ നടപടികളും സ്വീകരിക്കുമെന്ന് ഡൽഹി പോലീസ് കോടതിയെ അറിയിച്ചിരുന്നു. വെള്ളിയാഴ്ച വൈകുന്നേരം 5 മണിക്ക് ദേശീയ പതാകയുമായി സെൻട്രൽ പാർക്കിൽ ഒത്തുകൂടാനാണ് സിജെപി നേതാവ് അഭ്യർഥിച്ചിരുന്നത്. സിജെപി നേതാക്കളായ സൗരവ് ദാസ്, അശുതോഷ് റാങ്ക എന്നിവരെ അറസ്റ്റ് ചെയ്തതിൽ പ്രതിഷേധിച്ചാണ് ‘ലെഹ്‌രാ ദോ തിരംഗ’ മാർച്ചിന് സിജെപി ആഹ്വാനം ചെയ്തത്.ചൊവ്വാഴ്ച രാവിലെ ജന്തർ മന്തറിൽ അതിക്രമിച്ചു കയറിയതിനാണ് സൗരവ് ദാസ്, അശുതോഷ് റാങ്ക എന്നിവർ അറസ്റ്റിലായത്. ഇവരെ തിഹാർ ജയിലിലടച്ചിരിക്കുകയാണ് ഇപ്പോൾ. ജന്തർമന്തറിൽ പ്രതിഷേധങ്ങൾ പാടില്ലെന്നും പകരം രാംലീല മൈതാനം, ബുരാരി മൈതാനം, സിബിഡി മൈതാനം എന്നിവിടങ്ങളി‍ൽ പ്രകടനങ്ങൾക്ക് വിലക്കില്ലെന്ന് ഡൽഹി പോലീസ് വിജ്ഞാപനം ചെയ്തതിനു പിന്നാലെയാണ് സിജെപി നേതാക്കൾ ജന്തർ മന്തറിൽ അതിക്രമിച്ച് കയറിയത്.അതേസമയം വ്യാഴാഴ്ച രാത്രി ഡൽഹിയിൽ നടത്തിയ പത്രസമ്മേളനത്തിൽ കേന്ദ്രസർക്കാരിനെതിരെയും പ്രധാനമന്ത്രി നരേന്ദ്ര മോദിക്കെതിരെയും നിശിത വിമർശനമാണ് അഭിജിത് ദിപ്കെ നടത്തിയത്. ദേശീയ പതാകയുമായി പ്രകടനം നടത്താൻ ഡൽഹി പൊലീസ് നിയന്ത്രണം ഏർപ്പെടുത്തിയതിനെയും ദിപ്കെ ചോദ്യം ചെയ്തു. ദേശീയ പതാക ഇന്ത്യയിലെ എല്ലാവർക്കും തുല്യ അവകാശമുള്ളതാണെന്നും അദ്ദേഹം പറഞ്ഞു.
Read More
നാളത്തെ സിജെപി പ്രതിഷേധം തടയാൻ വിസമ്മതിച്ച് ഡൽഹി ഹൈക്കോടതി; നിയന്ത്രിക്കാൻ എല്ലാ മാർഗങ്ങളും ഉപയോഗിക്കുമെന്ന് പൊലീസ്
പ്രധാനമന്ത്രി നരേന്ദ്ര മോദിക്ക് വില്ല് സമർപ്പിച്ച് രാം ചരൺ
ചെറുപ്പകാലത്ത് ക്രോക്കോഡിലിനെ പേടിച്ചിട്ടില്ലെന്ന് പറഞ്ഞ നേതാവിന് കൊക്രോച്ചുകളെ പേടി; മോദി ഉടൻ ഗ്യാനേഷിനെ തുറന്നുവിടണമെന്ന് പ്രകാശ് രാജ്
വീണ്ടും മുട്ടുമടക്കി പൊലീസ്, സിജെപി ആവശ്യങ്ങൾ അംഗീകരിച്ചു; പ്രതികളെ 72 മണിക്കൂറിനുള്ളിൽ കസ്റ്റഡിയിൽ എടുക്കും
