ഇന്നലെ നമ്മുക്കെല്ലാം ആ മാന്ത്രികത അനുഭവിക്കാന്‍ ഒരു രാത്രി കൂടി ബാക്കിയുണ്ടെന്ന പ്രതീക്ഷയുണ്ടായിരുന്നു. ഇന്നിതാ അതും കെട്ടടങ്ങിയിരിക്കുന്നു. വിസ്മയിപ്പിച്ചതിന് മെസിയോട് ആയിരം തവണ നന്ദി പറയുന്ന ആരാധക ഹൃദയങ്ങള്‍ ആ നീലക്കുപ്പായത്തോടും ഫുട്‌ബോളിനോടും നന്ദി പറഞ്ഞുകൊണ്ടുള്ള ആ മെസിയുടെ പ്രസംഗം ഒപ്പിയെടുക്കുകയായിരുന്നു. ഫിഫ വേള്‍ഡ് കപ്പ് മത്സരങ്ങളേയും അര്‍ജന്റീനയേയും ചേര്‍ത്ത് ഉയരുന്ന ഗൂഢാലോചന സിദ്ധാന്തങ്ങളെക്കൂടി പാടേ തള്ളിക്കൊണ്ടായിരുന്നു മെസിയുടെ വിടവാങ്ങല്‍ പ്രസംഗം. (Messi’s farewell speech ‘I don’t want to leave)
അര്‍ജന്റീനയുടെ കളിക്കാരനായി എന്നത് തന്റെ ജീവിതത്തില്‍ സംഭവിച്ച ഏറ്റവും മനോഹരമായ കാര്യമാണെന്ന് വൈകാരിക പ്രസംഗത്തില്‍ മെസി പറഞ്ഞു. ‘ജീവിതകാലം മുഴുവന്‍ ഇവിടെത്തന്നെ തുടരാന്‍ ഞാന്‍ ആഗ്രഹിക്കുന്നുണ്ടെങ്കിലും ഇപ്പോള്‍ അത് കഴിഞ്ഞിരിക്കുന്നു. ഞാന്‍ ഇവിടെതന്നെ കാണും. കഴിഞ്ഞ ലോകകപ്പ് മത്സരം തീവ്രമായ അനുഭവമായിരുന്നു. എന്റെ രാജ്യത്തിന്റെ സ്വപ്‌നം വീണ്ടും സാക്ഷാത്കരിക്കുന്നതിന്റെ അത്രയേറെ അടുത്ത് ഞങ്ങള്‍ എത്തിയിരുന്നു. ഇംഗ്ലണ്ടിനെതിരായ മത്സരം ഞങ്ങള്‍ക്ക് വലിയൊരു സമ്മര്‍ദ്ദമാണ് ഉണ്ടാക്കിയത്. ലോകകപ്പിനുശേഷം പലതരം സിദ്ധാന്തങ്ങളും വ്യത്യസ്തമായ വ്യാഖ്യാനങ്ങളും ഉയര്‍ന്നുവന്നു. മാനസികമായും ശാരീരികമായും ഞങ്ങള്‍ക്ക് സഹിക്കാവുന്നതിന്റെ പരമാവധിയായിരുന്നു അത്. എന്നിട്ടും ഞങ്ങളുടെ സര്‍വ്വ ശക്തിയുമെടുത്ത് ഞങ്ങള്‍ പോരാടി. ഈ ലോകകപ്പില്‍ ഞങ്ങള്‍ നന്നായി പോരാടി. എല്ലാ സഹതാരങ്ങള്‍ക്കും കൂടെ കളിച്ച എല്ലാവര്‍ക്കും നന്ദി’. മെസി പറഞ്ഞു.വികാര തള്ളിച്ചതില്‍ പറയാനുള്ളത് മുഴുവന്‍ പറയാനാകാതെ കുഴങ്ങുകയാണ് ഞാന്‍. നിങ്ങളെ ഓരോരുത്തരേയും ഞാന്‍ മിസ് ചെയ്യും. ഇതെന്റെ ജീവിതത്തിലെ ദുഖഭരിതമായ ദിവസമാണ്. ദേശീയ ടീമിന്റെ ജേഴ്‌സി അണിയുന്നത് ഞാന്‍ തീര്‍ച്ചയായും മിസ് ചെയ്യും. എന്നാല്‍ ഈ കുട്ടികള്‍ക്കും യുവതാരങ്ങള്‍ക്കും, അതുപോലെ ഇനി വരുന്നവര്‍ക്കും പിന്തുണയുമായി ഞാന്‍ നിങ്ങള്‍ക്ക് ഒപ്പമുണ്ടാകും. നമ്മള്‍ എപ്പോഴും ഒറ്റക്കെട്ടായിരിക്കും.’ മെസി പറഞ്ഞു.
Read More
ഇന്ത്യയിലുള്ളത് മികച്ച ആരാധകർ, അവരെകാണാൻ കാത്തിരിക്കുന്നു, ഡിസംബറിൽ എത്തും’; വരവ് സ്ഥിരീകരിച്ച് മെസി
‘മെസിയുടെ പേരിൽ കേരളത്തിലെ ജനങ്ങളെ കബളിപ്പിച്ചു, അർജന്റീനയിൽ പോയി ഫോട്ടോ എടുത്തു പറ്റിച്ചു, മുട്ടിൽ കേസ് ഇപ്പോൾ എന്തായി’: പി കെ ഫിറോസ്
‘മിസ് യൂണിവേഴ്സ് മത്സരത്തിൽ കിരീടം ചൂടി മലയാളി പെൺകുട്ടി’; പത്തൊൻപതാം വയസിൽ ഇന്ത്യയുടെ സൗന്ദര്യറാണി, കേരളത്തിന്റെ കെസിയ ലിസ് മെജോ
‘ഒട്ടും അർഹിച്ച കളിയായിരുന്നില്ല തങ്ങളുടേതെന്ന് മറ്റാരേക്കാളും മെസി തിരിച്ചറിഞ്ഞു, ഇനി 10 -ാം നമ്പർ കുപ്പായം അണിയാനിടയില്ലെന്ന് ഓർത്തായിരിക്കും കവിളുകൾ കണ്ണീരിൽ കുതിർന്നത്’; എം ബി രാജേഷ്
