കോട്ടയം ∙ ആനപ്രേമികളെ കണ്ണീരിലാഴ്ത്തി പല്ലാട്ടെ കുട്ടി വിട പറഞ്ഞു. മിന്നലേറ്റു ചരിഞ്ഞ ഗജവീരൻ പല്ലാട്ട് ബ്രഹ്മദത്തന് (58) ആയിരങ്ങളുടെ അന്ത്യാഞ്ജലി. ഉടമ രാജേഷ് പല്ലാട്ടിന്റെ മേലമ്പാറ പല്ലാട്ടു വീട്ടുവളപ്പിൽ പ്രത്യേക ചിതയിൽ സംസ്കാരം നടത്തി. സതീഷ് പല്ലാട്ട് ചിതയ്ക്കു തീകൊളുത്തി. വീട്ടുകാരും ആനപ്രേമികളും നാട്ടുകാരും നിറകണ്ണുകളോടെ യാത്രാമൊഴിയേകി.
ഞായറാഴ്ച രാത്രി 6.30നാണ് പല്ലാട്ട് ബ്രഹ്മദത്തൻ മിന്നലേറ്റ് ചരിഞ്ഞത്. നീർക്കെട്ടു ചികിത്സയ്ക്കു ശേഷം കുളിപ്പിക്കലും കഴിഞ്ഞു താൽക്കാലിക ആനത്തറയിലാണു ബ്രഹ്മദത്തനെ തളച്ചിരുന്നത്. മരങ്ങൾക്കിടയിലുള്ള തറയിലാണ് അപായം. മുൻകാലുകൾ നിലത്തേക്കു മടക്കി കുമ്പിട്ടിരിക്കുന്ന അവസ്ഥയിലായിരുന്നു ആന. മസ്തക ഭാഗത്താണു മിന്നലേറ്റത്.മദപ്പാടിൽനിന്ന് അഴിച്ചിട്ട് 10 ദിവസമേ ആയിരുന്നുള്ളൂ. പുറത്തേക്കൊന്നും കൊണ്ടുപോയിരുന്നില്ല. ഉച്ചയ്ക്ക് മൂന്നോടെ കുളിപ്പിച്ച ശേഷം ഷെഡിൽ കൊണ്ടുനിർത്തി. പാപ്പാന്മാർ അവരുടെ താമസസ്ഥലത്തേക്കു പോയി. ആറരയോടെയാണു മിന്നലേറ്റത്. ചന്ദനനിറമുണ്ടായിരുന്ന മുഖം ആകെ കരുവാളിച്ചുപോയി. കഴിഞ്ഞ ഉത്സവ സീസണിലും ബ്രഹ്മദത്തൻ സജീവമായിരുന്നു. ഞങ്ങൾ 4 സഹോദരങ്ങൾ വഴി വരുന്ന ഉത്സവങ്ങൾക്കേ വിടാറുള്ളൂ. എജന്റുമാർ ഇല്ല. കൂടൽമാണിക്യം ക്ഷേത്രത്തിലാണ് അവസാനം പോയത്. ജൂൺ ആദ്യയാഴ്ച മുതൽ നീരിന്റെ ലക്ഷണം കാണിച്ചുതുടങ്ങി. തുടർന്ന് ആനത്തറയിൽ കൊണ്ടുകെട്ടി.
വീട്ടുവളപ്പിലാണു സാധാരണ കെട്ടാറുള്ളത്. എന്നാൽ നീരിന്റെ സമയത്ത് ആനത്തറയിലേക്കു കൊണ്ടുവരും. വീട്ടുവളപ്പിൽ കെട്ടിയാൽ വാഹനങ്ങളുടെ ശബ്ദമൊക്കെ ബുദ്ധിമുട്ടുണ്ടാക്കുന്നത് കൊണ്ടാണ് ഇങ്ങനെ ചെയ്തത്.അമ്മയോട് വലിയ അടുപ്പമായിരുന്നു. എവിടെ പോകുമ്പോഴും വരുമ്പോഴും അമ്മയുടെ അടുത്തെത്തി നിൽക്കുമായിരുന്നു. ഒട്ടേറെപ്പേർ ബ്രഹ്മദത്തനെ കാണാൻ എത്തി. ഞങ്ങളൊക്കെ സ്നേഹിക്കുന്നതിന് അപ്പുറമുള്ള സ്നേഹമാണ് അവരെല്ലാം അവനു നൽകിയത്. അഭിമാനത്തോടെ പറയാം, ബ്രഹ്മദത്തൻ ഒരിക്കൽപോലും ഒരാളെയും ആക്രമിച്ചിട്ടില്ല. ഒരു കേസിലും പ്രതിയായിട്ടില്ല. ഞങ്ങളെയും പ്രതിയാക്കിയിട്ടില്ല.
Read More
കണ്ഠരര് ബ്രഹ്മദത്തൻ ശബരിമല തന്ത്രിയാകാൻ യോഗ്യൻ; ദേവസ്വം ബോർഡ് തീരുമാനം അംഗീകരിച്ച് ഹൈക്കോടതി
കണ്ഠരര് ബ്രഹ്മദത്തൻ ശബരിമല തന്ത്രി; ചിങ്ങം ഒന്നിന് ചുമതലയേൽക്കും
വിട പറഞ്ഞത് മികച്ച ഭരണാധികാരിയും പൊതു പ്രവർത്തകനും ഒരു നല്ല മനുഷ്യനുമാണ് പ്രിയപ്പെട്ട ഇക്ക; ഷാഫി പറമ്പിൽ
കുഞ്ഞേ ചെറിയ നേരമെങ്കിലും ജീവിതംകൊണ്ട് മഹത്തരമായൊരു സന്ദേശം നല്‍കിയാണ് നീ മടങ്ങുന്നത്, വിട: കെ കെ ശൈലജ