ന്യൂയോര്ക്ക്: അമേരിക്ക യുദ്ധം പുനരാരംഭിച്ചാല് നേരിടാന് ഇറാന് പൂര്ണ സജ്ജമെന്ന് ഇറാന് വിദേശകാര്യ മന്ത്രി അബ്ബാസ് അരഗ്ചി. ഏതൊരു പുതിയ ആക്രമണത്തെയും നേരിടാന് തങ്ങള് ഉറച്ചുനില്ക്കുന്നുവെന്നും അത് ഒരു സര്വനാശകരമായ യുദ്ധത്തിലേക്ക് നയിച്ചാല് പോലുമെന്നും അരഗ്ചി പറഞ്ഞു. അമേരിക്കയുമായുള്ള സമാധാന ശ്രമങ്ങള്ക്കായാണ് താനും ഇറാന് പ്രസിഡന്റും ന്യൂയോര്ക്കിലെത്തിയതെന്നും അരഗ്ചി വ്യക്തമാക്കി.
യുദ്ധം അവസാനിക്കുന്നതു വരെ ഹോര്മുസ് കടലിടുക്ക് അടച്ചിടുമെന്നാണ് ഇറാന് ഇപ്പോള് വ്യക്തമാക്കുന്നത്. യുദ്ധത്തില് ഇറാന് വിജയിച്ചെങ്കിലും ആ വിജയം ഉറപ്പിക്കണമെന്ന് ഇറാന് സൈനിക ജനറല് പറഞ്ഞു.
അതിനിടെ, ഇറാനുമായി ഈ ആഴ്ച കൂടുതല് ചര്ച്ചകള് പ്രതീക്ഷിക്കുന്നതായി അമേരിക്കന് പ്രസിഡന്റ് ഡോണള്ഡ് ട്രംപ് വ്യക്തമാക്കി. യുദ്ധത്തില് അമേരിക്ക ഉടന് വിജയിക്കുമെന്നും ട്രംപ് പറഞ്ഞു.
അതേസമയം, അമേരിക്കയുടെ അണ്ടര് വാട്ടര് ഡ്രോണ് പിടിച്ചെടുത്തെന്ന ഇറാന്റെ അവകാശവാദം തെറ്റെന്ന് ഇന്ന് അമേരിക്ക വ്യക്തമാക്കി. അമേരിക്കയുടെ എല്ലാ ഡ്രോണുകളും സുരക്ഷിതമാണെന്ന് അമേരിക്കന് സൈന്യം വ്യക്തമാക്കി. എന്നാല്, അമേരിക്കയുടെ അണ്ടര് വാട്ടര് ഡ്രോണ് പിടിച്ചെടുത്തുവെന്ന് ഇസ്ലാമിക് റവല്യൂഷണറി ഗാര്ഡ് ആവര്ത്തിച്ചു. പിടിച്ചെടുത്ത ഡ്രോണിന്റെ ചിത്രം ഇറാന് സൈനിക ഉദ്യോഗസ്ഥന് പങ്കുവച്ചു.
Read More
ഹോര്മുസ് ഉപരോധം ചര്ച്ച ചെയ്ത് ഇന്ത്യയും ഇറാനും; സമാധാന ചര്ച്ചകള് വഴിമുട്ടുന്നത് അമേരിക്കയുടെ നിലപാട് മാറ്റം കാരണമെന്ന് അബ്ബാസ് അരഗ്ചി
ട്രംപിന് വീണ്ടും തിരിച്ചടി: ജന്മാവകാശ പൗരത്വം അവസാനിപ്പിക്കാനുള്ള ഉത്തരവ് റദ്ദാക്കി അമേരിക്കൻ സുപ്രീം കോടതി
ട്രംപിനെയും നെതന്യാഹുവിനെയും ബ്രാഡ് കൂപ്പറേയും വധിക്കുന്നവര്ക്ക് പാരിതോഷികം; ബില് അവതരിപ്പിക്കാന് ഒരുങ്ങി ഇറാന്
‘കരയുദ്ധത്തിന് വന്നാല് ശത്രുസേനയില് ആരും ശേഷിക്കില്ല’; അമേരിക്കയ്ക്ക് മുന്നറിയിപ്പുമായി ഇറാന്
