വേളാങ്കണ്ണി തിരുനാൾ: നാഗർകോവിൽ വഴി തിരുവനന്തപുരം- വേളാങ്കണ്ണി ട്രെയിൻ വേണമെന്ന് ആവശ്യം

നാഗർകോവിൽ ∙ പ്രസിദ്ധ തീർഥാടന കേന്ദ്രമായ വേളാങ്കണ്ണിയിലേക്ക് തിരുവനന്തപുരത്തു നിന്ന് നാഗർകോവിൽ ടൗൺ വഴി പ്രത്യേക ട്രെയിൻ സർവീസ് നടത്തണമെന്ന് ആവശ്യമുയരുന്നു. ഓഗസ്റ്റ് അവസാന ആഴ്ച തുടങ്ങി സെപ്റ്റംബർ ആദ്യ ആഴ്ചയിൽ അവസാനിക്കുന്ന വേളാങ്കണ്ണി ദേവാലയത്തിലെ തിരുനാൾ ആഘോഷത്തിൽ പങ്കെടുക്കുന്നതിനു തിരുവനന്തപുരം, കന്യാകുമാരി, തിരുനെൽവേലി ജില്ലകളിൽ നിന്ന് ഒട്ടേറെ വിശ്വാസികളാണ് വേളാങ്കണ്ണിയിലേക്ക് പോകുന്നത്.നിലവിൽ എറണാകുളത്തിനും വേളാങ്കണ്ണിക്കുമിടയിൽ തിങ്കൾ, ശനി ദിവസങ്ങളിലും ബുധനാഴ്ചയുമുള്ള 2 ട്രെയിനുകൾ കോട്ടയം, കായംകുളം, കൊല്ലം, കൊട്ടാരക്കര, പുനലൂർ, തെന്മല, ചെങ്കോട്ട, തെങ്കാശി, കടയനല്ലൂർ, ശങ്കരൻകോവിൽ, രാജപാളയം, ശിവകാശി, വിരുദുനഗർ, അറുപ്പുക്കോട്ട, മാനാമധുര, ശിവഗംഗൈ, കാരൈക്കുടി, പട്ടുക്കോട്ട, തിരുവാരൂർ, നാഗപ്പട്ടണം വഴിയാണ് പോകുന്നത്.ഇൗ രണ്ടു ട്രെയിനുകൾ കൊണ്ടും തിരുവനന്തപുരം, കന്യാകുമാരി, തിരുനെൽവേലി, തൂത്തുക്കുടി, മധുര, ദിണ്ഡിഗൽ ജില്ലകളിൽ നിന്നുള്ള യാത്രക്കാർക്ക് പ്രയോജനം ഇല്ല. തിരുവനന്തപുരം, കന്യാകുമാരി ജില്ലകളിൽ നിന്നുള്ള യാത്രക്കാർക്കായി തിരുവനന്തപുരത്തു നിന്നോ കൊച്ചുവേളിയിൽ നിന്നോ വേളാങ്കണ്ണിയിലേക്കു നാഗർകോവിൽ ടൗൺ വഴി പ്രത്യേക ട്രെയിൻ സർവീസ് നടത്തണമെന്നതാണ് ആവശ്യം.

Read More

കനത്ത മഴ: തിരുവനന്തപുരം-കന്യാകുമാരി റൂട്ടിൽ രണ്ട് ട്രെയിനുകൾ റദ്ദാക്കി, 10 ട്രെയിനുകൾ ഭാഗികമായി റദ്ദാക്കി ഗജരാജ സ്ലീപ്പർ ബസ് വീണ്ടും ദിവസേന സർവീസ് തുടങ്ങി; തലസ്ഥാനത്ത് നിന്നും നാഗർകോവിൽ വഴി ബെംഗളൂരുവിൽ എത്താം പരശുറാം, ഏറനാട് എക്‌സ്പ്രസുകളിൽ നവംബർ 25 മുതൽ ജനറൽ കോച്ചുകൾ പുനഃസ്ഥാപിക്കും പരശുറാം, ഏറനാട് എക്‌സ്പ്രസുകളിൽ നവംബർ 25 മുതൽ ജനറൽ കോച്ചുകൾ പുനഃസ്ഥാപിക്കും