സിഎംആര്-എക്സാലോജ് ഇടപാടുമായി ബന്ധപ്പെട്ട കേസില് സിഎംആര്എല്ലിന് വന് തിരിച്ചടി. സിഎംആര്എല് സമര്പ്പിച്ച അപ്പീല് ഹൈക്കോടതിയുടെ ഡിവിഷന് ബെഞ്ച് തള്ളി. കേസില് എന്ഫോഴ്സ്മെന്റ് ഡയറക്ടറേറ്റിന്റെ അന്വേഷണം തുടരാമെന്നാണ് കോടതി വ്യക്തമാക്കിയിരിക്കുന്നത്. ഈ വിഷയം ഇ ഡിയുടെ അധികാര പരിധിയ്ക്ക് പുറത്താണെന്ന് വാദിച്ചുകൊണ്ട് സമര്പ്പിച്ച അപ്പീലാണ് തള്ളിയിരിക്കുന്നത്. ഹൈക്കോടതിയുടെ സിംഗിള് ബെഞ്ചിന്റെ ഉത്തരവ് ഡിവിഷന് ബെഞ്ച് ശരിവയ്ക്കുകയായിരുന്നു. (Division Bench of the High Court dismissed the appeal filed by CMRL)
എസ്എഫ്ഐഒ റിപ്പോര്ട്ട് കൊണ്ട് മാത്രം ഇഡി അന്വേഷണം മുന്നോട്ടുകൊണ്ടുപോകാന് സാധിക്കുമെന്നാണ് ഡിവിഷന് ബെഞ്ച് വ്യക്തമാക്കിയത്. ഈ തടസം കൂടി നീങ്ങിയതോടെ മുന് മുഖ്യമന്ത്രിയും പ്രതിപക്ഷ നേതാവുമായ പിണറായി വിജയന് മകള് വീണ ടി ഉള്പ്പെടെയുള്ളവര്ക്ക് ഇ ഡി നോട്ടീസ് നല്കും. പിണറായി വിജയന്റെ വീട്ടില് ഉള്പ്പെടെ 12 ഇടങ്ങളില് കഴിഞ്ഞ തവണ ഇ ഡി റെയ്ഡ് നടത്തിയപ്പോള് സിപിഐഎം ശക്തമായ പ്രതിഷേധവും ഇഡി വാഹനങ്ങള്ക്കെതിരെ ആക്രമണവും നടത്തിയിരുന്നു.ജസ്റ്റിസ് രാജ വിജയരാഘവന്റെ ബെഞ്ചാണ് അപ്പീല് തള്ളിയത്. അല്പ സമയത്തിനുള്ളില് ഇ ഡി ആസ്ഥാനത്തേക്ക് ഇഡി ഡയറക്ടര് രാഹുല് നവീന്റെ നേതൃത്വത്തില് നിര്ണായക യോഗം ചേരും. കേസിന്റെ തുടര്നടപടികളും ഉദ്യോഗസ്ഥര് നേരിട്ട അക്രമവും ചര്ച്ച ചെയ്യാനാണ് ഇന്ന് ഇ ഡിയുടെ ഉന്നതതല യോഗം നടക്കുന്നത്.
Read More
സിഎംആര്എല്ലിന് താത്ക്കാലിക ആശ്വാസം; വെള്ളിയാഴ്ച വരെ തുടര്നടപടി എടുക്കരുതെന്ന് ഇ ഡിക്ക് നിര്ദേശം നല്കി ഹൈക്കോടതി
‘ED പരിശോധന കൊണ്ട് ചിലര്ക്ക് വലിയ മനസംതൃപ്തിയുണ്ടാകും, പ്രത്യേകിച്ച് രാഹുല് ഗാന്ധിക്ക്’: പിണറായി വിജയന്
ഇ ഡി അന്വേഷണം തടയണം; സിഎംആര്എല് നല്കിയ അപ്പീല് ഹൈക്കോടതി ഇന്ന് പരിഗണിക്കും
ജനറൽ സീറ്റുകളിലടക്കം വനിതകളെ ഇറക്കി കോൺഗ്രസ്, കൊച്ചി തിരിച്ചുപിടിക്കാൻ ദീപ്തി മേരി വർഗീസും ഷൈനി മാത്യുവുമടക്കം 40 സ്ഥാനാർഥികളെ പ്രഖ്യാപിച്ചു
