February 15, 2021

തിരുവനന്തപുരം: 2021 ഫെബ്രുവരി 15 വൈകുന്നേരം 05:30 മുതല്‍ ഫെബ്രുവരി 17 രാത്രി 11:30 വരെ കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്‍, കാസര്‍ഗോഡ് എന്നീ തീരങ്ങളിലും താഴ്ന്ന പ്രദേശങ്ങളിലും ഉയര്‍ന്ന തിരമാലയ്ക്കും (1.5 മുതല്‍ 2.0 മീറ്റര്‍ വരെ ഉയരത്തില്‍) കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം (INCOIS) അറിയിച്ചു. മല്‍സ്യത്തൊഴിലാളികളും തീരദേശവാസികളും ഈ ദിവസങ്ങളില്‍ ജാഗ്രത പുലര്‍ത്തുക 1. ഈ ദിവസങ്ങളില്‍ തീരപ്രദേശത്തിന്റെ താഴ്ന്ന പ്രദേശങ്ങളില്‍ വേലിയേറ്റ സമയത്ത്…

യുഡിഎഫ് പ്രവേശനത്തിന് പിന്നാലെ മാണി സി കാപ്പനെ എൻ സി പിയിൽ നിന്ന് ഔദ്യോഗികമായി പുറത്താക്കി. ഏകപക്ഷീയമായി മുന്നണി മാറ്റം പ്രഖ്യാപിച്ചതാണ് കാരണം. സംഘടനാവിരുദ്ധ പ്രവർത്തനം ആരോപിച്ചാണ് പുറത്താക്കൽ ശരദ് പവാറിന്റെ നിർദേശത്തെ തുടർന്നാണ് കാപ്പനെ പുറത്താക്കിയതെന്ന് എൻസിപി സെക്രട്ടറി എസ് ആർ കോലി വാർത്താക്കുറിപ്പിൽ അറിയിച്ചു. കഴിഞ്ഞ ദിവസമാണ് കാപ്പൻ ഇടതുമുന്നണി വിട്ട് യുഡിഎഫ് പ്രവേശനം പ്രഖ്യാപിച്ചത്. ഇതിന് പിന്നാലെ പുതിയ പാർട്ടി രൂപീകരിക്കുന്നതിനുള്ള ഒരുക്കങ്ങളിലേക്ക് കാപ്പൻ കടന്നിരുന്നു.

പുതിയ പാർട്ടി രൂപീകരിച്ച് യുഡിഎഫിൽ ഘടകകക്ഷിയാകാനുള്ള മാണി സി കാപ്പന്റെ നീക്കത്തിന് തിരിച്ചടി. മുല്ലപ്പള്ളി രാമചന്ദ്രനാണ് ഇതിൽ തടസ്സവാദമുന്നയിക്കുന്നത്. കാപ്പനെ ഘടകകക്ഷിയാക്കണമെങ്കിൽ ഹൈക്കമാൻഡ് തീരുമാനിക്കണമെന്ന് മുല്ലപ്പള്ളി പറഞ്ഞു മൂന്ന് സീറ്റുകൾ കാപ്പന് വാഗ്ദാനം ചെയ്തുവെന്ന വാർത്തയും മുല്ലപ്പള്ളി നിഷേധിച്ചു. അതേസമയം കാപ്പൻ കൈപ്പത്തി ചിഹ്നത്തിൽ മത്സരിക്കുന്നതിൽ സന്തോഷമേയുള്ളുവെന്ന് മുല്ലപ്പള്ളി പറഞ്ഞു. ഒറ്റയ്ക്ക് തീരുമാനമെടുക്കാൻ സാധിക്കില്ല. ഹൈക്കമാൻഡിന്റെ കൽപ്പനകൾക്കും തീരുമാനങ്ങൾക്കും അനുസരിച്ച് മാത്രമേ മുന്നോട്ടു പോകാനാകൂ. മൂന്ന് സീറ്റ് കാപ്പന് നൽകുമെന്ന് പറഞ്ഞതിൽ കെപിസിസി പ്രസിഡന്റായ തനിക്ക് ഒന്നുമറിയില്ലെന്നും…

സെക്രട്ടേറിയറ്റിന് മുന്നിൽ സമരം നടത്തുന്ന പി എസ് സി റാങ്ക് ഹോൾഡേഴ്‌സുമായി ചർച്ച നടത്താൻ സർക്കാർ തയ്യാറാകണമെന്ന് എഐവൈഎഫ്. ചർച്ച നടത്തി സർക്കാരിന്റെ ഭാഗം അവരെ ബോധ്യപ്പെടുത്തണം. അതിന് വേണ്ടിയുള്ള നടപടികൾ സർക്കാർ സ്വീകരിക്കേണ്ടതുണ്ട്. യുവജനങ്ങൾക്ക് വേണ്ടി സ്വീകരിച്ച നടപടികൾ ബോധ്യപ്പെടുത്തി സമരം അവസാനിപ്പിക്കാൻ മുൻകൈ എടുക്കണമെന്നും എഐവൈഎഫ് സംസ്ഥാന പ്രസിഡന്റ് അഡ്വ. ആർ സജിലാലും സെക്രട്ടറി മഹേഷ് കക്കത്തും ആവശ്യപ്പെട്ടു. നേരത്തെ സിപിഐയും സമരങ്ങളോട് കാണിക്കുന്ന അസഹിഷ്ണുത നിലപാടിനെ വിമർശിച്ചിരുന്നു സമരം ഇന്ന് 21ആം ദിവസത്തിലേക്ക്…

വയനാട് സർക്കാർ കോളജിന്റെ പ്രവർത്തനങ്ങൾക്കായി 140 പുതിയ തസ്തികകൾ സൃഷ്ടിക്കാൻ മന്ത്രിസഭാ യോഗം തീരുമാനിച്ചു. പ്രിൻസിപ്പൽ അടക്കം 115 അധ്യാപക തസ്തികകളും 25 അനധ്യാപിക തസ്തികകളും അടക്കമാണ് 150 തസ്തികകൾ. വയനാട് ബോയ്‌സ് ടൗണിന് സമീപമാണ് പുതിയ മെഡിക്കൽ കോളജ് കെട്ടിടം നിർമിക്കുന്നത്. അതുവരെ മാനന്തവാടി ജില്ലാ ആശുപത്രി മെഡിക്കൽ കോളജ് ആശുപത്രിയാക്കി പ്രവർത്തിക്കുന്നതിന്ന നേരത്തെ അനുമതി ലഭിച്ചിരുന്നു. ജില്ലാ ആശുപത്രിക്ക് സമീപം നിർമിച്ച മൂന്ന് നില കെട്ടിടം അധ്യായന ആവശ്യങ്ങൾക്ക് അനുയോജ്യമാക്കിയാണ് കോളജ് ആരംഭിക്കുന്നത്.