February 6, 2021

അധികാരത്തിലെത്തിയാൽ ശബരിമലയിൽ യുവതി പ്രവേശിപ്പിക്കാതിരിക്കാൻ നിയമനിർമാണം നടത്തുമെന്ന് യുഡിഎഫ്. നടപ്പാക്കാനുദ്ദേശിക്കുന്ന നിയമത്തിന്റെ കരട് യുഡിഎഫ് പുറത്തുവിട്ടു. ശബരിമലയിൽ ആചാരം ലംഘിച്ച് കടന്നാൽ രണ്ട് വർഷം തടവ് ലഭിക്കുമെന്നും ക്ഷേത്രത്തിന്റെ പരമാധികാരി തന്ത്രിയായിരിക്കുമെന്നും തിരുവഞ്ചൂർ രാധാകൃഷ്ണൻ പുറത്തുവിട്ട കരടിൽ പറയുന്നു ശബരിമല വിഷയം പരമാവധി ആളിക്കത്തിച്ച് അതിൽ വോട്ട് ചൂഷണം നടത്താനുള്ള ശ്രമമാണ് സംസ്ഥാനത്ത് യുഡിഎഫ് നടത്തുന്നത്. ബിജെപിയും സമാന ആശയം തന്നെയാണ് സംസ്ഥാനത്ത് നടപ്പാക്കുന്നതും. നേരത്തെ നടപ്പാക്കാനുദ്ദേശിക്കുന്ന നിയമത്തിന്റെ കരട് പുറത്തുവിടാൻ യുഡിഎഫിനെ മന്ത്രി എ കെ…

ഈ വർഷത്തെ തൃശ്ശൂർ പൂരം കൊവിഡ് പ്രോട്ടോക്കോൾ പാലിച്ച് നടത്താൻ തീരുമാനം. ജനങ്ങളെത്തുന്നത് പരമാവധി നിയന്ത്രിക്കും. രോഗവ്യാപനത്തിന്റെ തോത് കണക്കിലെടുത്താകും പൂരം എത്ര വിപുലമായി നടത്തണമെന്നും എത്രയാളുകളെ പങ്കെടുപ്പിക്കാമെന്നും തീരുമാനിക്കുക ഇതിനായി പ്രത്യേക സമിതി രൂപീകരിക്കും. രണ്ടാഴ്ച കൂടുമ്പോൾ സമിതി യോഗം ചേർന്ന് സാഹചര്യങ്ങൾ പരിശോധിച്ച് വ്യക്തത വരുത്തും. മാർച്ചിൽ അന്തിമ തീരുമാനമെടുക്കാനാണ് ഇന്ന് ചേർന്ന യോഗത്തിൽ തീരുമാനമായത്. ഏപ്രിൽ 23നാണ് പൂരം. സർക്കാരിന്റെ നിയന്ത്രണങ്ങൾക്ക് വിധേയമായി തീരുമാനമെടുക്കാമെന്ന് പാറമേക്കാവ്, തിരുവമ്പാടി വിഭാഗങ്ങൾ സമ്മതിച്ചിട്ടുണ്ട്.

കർഷക പ്രക്ഷോഭത്തെ കുറിച്ച് പ്രതികരിക്കാനില്ലെന്ന് നടൻ മോഹൻലാൽ. താരസംഘടനയായ അമ്മയുടെ കൊച്ചിയിലെ ആസ്ഥാന മന്ദിരം ഉദ്ഘാടനം ചെയ്ത ശേഷം മാധ്യമപ്രവർത്തകരോട് സംസാരിക്കുകയായിരുന്നു പ്രസിഡന്റ് കൂടിയായ മോഹൻലാൽ കർഷക പ്രക്ഷോഭം ആഗോള ശ്രദ്ധയാകർഷിക്കുകയും വിദേശ സെലിബ്രിറ്റികൾ പിന്തുണ അർപ്പിക്കുകയും ചെയ്തിരുന്നു. ഇതിനെ ചെറുക്കാൻ കേന്ദ്രസർക്കാർ പ്രൊപഗാൻഡ ഏറ്റെടുത്ത് അക്ഷയ്കുമാർ, വിരാട് കോഹ്ലി, സച്ചിൻ തെൻഡുൽക്കർ എന്നിവർ പ്രതികരിച്ചിരുന്നു. ഈ സാഹചര്യത്തിലാണ് മാധ്യമപ്രവർത്തകർ മോഹൻലാലിന്റെ പ്രതികരണം തേടിയത്. നേരത്തെ നോട്ട് നിരോധനത്തെ പിന്തുണച്ച് മോഹൻലാൽ ബ്ലോഗ് എഴുതിയിരുന്നു.

സാമൂഹിക മാധ്യമങ്ങളിലൂടെയും മറ്റും സ്ത്രീകള്‍ക്കെതിരെ നടക്കുന്ന അതിക്രമങ്ങള്‍ ശക്തമായി നേരിടണമെന്ന് പോലിസിന് കര്‍ശനനിര്‍ദ്ദേശം നല്‍കിയതായി മുഖ്യമന്ത്രി അറിയിച്ചു. ഇത്തരം മാര്‍ഗ്ഗങ്ങളിലൂടെ സ്ത്രീകളെ അവഹേളിക്കുന്നത് കണ്ടെത്താന്‍ പോലീസിലെ ശാസ്ത്രീയ കുറ്റാന്വേഷണവിഭാഗങ്ങള്‍ ശക്തിപ്പെടുത്തുമെന്നും മുഖ്യമന്ത്രി അറിയിച്ചു. സ്ത്രീസുരക്ഷയ്ക്കായി പോലീസ് തയ്യാറാക്കിയ നിര്‍ഭയം എന്ന മൊബൈല്‍ ആപ്പിന്റെ പ്രകാശനം ഓണ്‍ലൈനില്‍ നിര്‍വഹിക്കുകയായിരുന്നു അദ്ദേഹം. സ്ത്രീ സുരക്ഷ ഉറപ്പുവരുത്താനായി 50 ശതമാനം വനിതാപ്രാതിനിധ്യത്തോടെ കേരള ആംഡ് പോലീസിന്റെ ആറാമത് ബറ്റാലിയനും ഇന്ത്യാ റിസര്‍വ്വ് ബറ്റാലിയന്റെ രണ്ടാം ബറ്റാലിയനും രൂപീകരിക്കാനുള്ള ശുപാര്‍ശ സര്‍ക്കാരിന്റെ പരിഗണനയിലാണെന്ന്…