സംസ്ഥാനത്ത് ഇന്ന് ആറ് പേര്ക്ക് കൂടി ഷിഗെല്ല സ്ഥിരീകരിച്ചു. ആലപ്പുഴ, കൊല്ലം രണ്ടു വീതം, തിരുവനന്തപുരം, വയനാട് ഒന്ന് വീതം എന്നിങ്ങനെയാണ് സ്ഥിരീകരിച്ചത്. സംസ്ഥാനത്ത് ജൂണ് മാസം 172 പേര്ക്ക് രോഗബാധയും 6 മരണവും റിപ്പോര്ട്ട് ചെയ്തിട്ടുണ്ട്. ഈ വര്ഷം ഇതുവരെ 248 പേര്ക്ക് ഷിഗെല്ല രോഗബാധ സ്ഥിരീകരിച്ചു.
കോഴിക്കോട്, മലപ്പുറം, വയനാട് ജില്ലകളിലാണ് ജൂണ് മാസം ഏറ്റവും കൂടുതല് പേര്ക്ക് രോഗം സ്ഥിരീകരിച്ചത്. നിലവില് കോഴിക്കോട് (58), വയനാട് (23), തൃശൂര് (12) ആലപ്പുഴ (5) എന്നീ നാല് ജില്ലകളിലാണ് ഔട്ബ്രേക്ക് പ്രഖ്യാപിച്ചിട്ടുള്ളത്. മലപ്പുറം (24), തിരുവനന്തപുരം (18), കണ്ണൂര് (11), കൊല്ലം (12), ഇടുക്കി (3), എറണാകുളം (3), പാലക്കാട് (3)എന്നിവിടിങ്ങളിലും ജൂണ് മാസം ഷിഗെല്ല രോഗബാധ റിപ്പോര്ട്ട് ചെയ്തു.
അതേസമയം, നിപയില് ആശ്വാസമാണ്, കോഴിക്കോട് ജില്ലയില് നിപ റിപ്പോര്ട്ട് ചെയ്ത് രണ്ടാഴ്ച പിന്നിടുമ്പോഴും പുതിയ രോഗബാധയൊന്നും റിപ്പോര്ട്ട് ചെയ്തിട്ടില്ല. നിലവിലെ രോഗിയുടെ സമ്പര്ക്കപ്പട്ടികയിലുള്ള 15 പേരെ പരിശോധിച്ചതില് ആര്ക്കും രോഗബാധയില്ലെന്നും സ്ഥിരീകരിച്ചു. രോഗ നിരീക്ഷണത്തിന്റെ ഭാഗമായി നിപ സമാന ലക്ഷണങ്ങള് ഉള്ളവരുടെയിടയില് ജില്ലയില് നടത്തിയ 52 പേരുടെ ഫലവും നെഗറ്റീവാണ്. നിലവില് വളരെ ഉയര്ന്ന റിസ്ക് ഭാഗത്തില്പ്പെട്ട 4 പേരും, ഉയര്ന്ന ഭാഗത്തില് പെട്ട 14 പേരും ക്വാറന്റൈനിലാണ്. കുറഞ്ഞ റിസ്ക് വിഭാഗത്തില്പ്പെട്ട 75 പേര് നിരീക്ഷണത്തിലുണ്ട്. നിപ ബാധിച്ച രോഗി കോഴിക്കോട് മെഡിക്കല് കോളജില് വെന്റിലേറ്ററില് ചികിത്സയില് തുടരുന്നു.
Read More
മലപ്പുറം ജില്ലയില് 55 പേര്ക്ക് കൂടി കൊവിഡ്; 23 പേര്ക്ക് സമ്പര്ക്കംവഴി രോഗബാധ
നിപ ഭീതി അകലുന്നു; സമ്പർക്കപ്പട്ടികയിലെ ഒരാൾ കൂടി ആശുപത്രി വിട്ടു
സംസ്ഥാനത്ത് ഇന്ന് 1983 പേർക്ക് കോവിഡ് സ്ഥിരീകരിച്ചു;1419 പേർക്ക് രോഗമുക്തി
ഇന്ന് 2375 പേർക്ക് കൊവിഡ്, 2142 പേർക്ക് സമ്പർക്കത്തിലൂടെ; 1456 പേർക്ക് രോഗമുക്തി
