പാലക്കാട്ടെ കരോൾ സംഘത്തിൽ പെട്ട കുട്ടികളെ അധിക്ഷേപിച്ച് ബിജെപി നേതാവ് സി കൃഷ്ണകുമാർ. കള്ളുകുടിച്ചാണ് കരോൾ നടത്തിയതെന്ന് കൃഷ്ണകുമാർ ആരോപിച്ചു. ചോദ്യങ്ങൾ ഉയർന്നത്തോടെ കൃഷ്ണകുമാർ മലക്കം മറിഞ്ഞു. പൊതുവായി പറഞ്ഞതാണെന്നാണ് കൃഷ്ണകുമാറിന്റെ വിശദീകരണം. സംഭവത്തിൽ അറസ്റ്റിലായ അശ്വിൻ രാജിന് ബിജെപിയുമായി യാതൊരു ബന്ധവും ഇല്ലെന്നും കൃഷ്ണകുമാർ പ്രതികരിച്ചു.
പാലക്കാട് കരോള് സംഘത്തെ ആക്രമിച്ച സംഭവത്തില് ആര്എസ്എസ് പ്രവര്ത്തകന് അശ്വിന്രാജ് കുട്ടികളെ മര്ദ്ദിച്ചെന്നും പരാതിയുണ്ട്.പ്രതിയെ ഇന്നലെ കോടതിയില് ഹാജരാക്കി റിമാന്ഡ് ചെയ്തിരുന്നു.
കഴിഞ്ഞ ദിവസമാണ് പുതുശ്ശേരി സുരഭി നഗറില് വച്ച് കരോള് സംഘത്തെ അശ്വിന് രാജ് ആക്രമിച്ചത്. കുട്ടികള് അടങ്ങുന്ന കരോള് സംഘത്തെ പ്രതി ആക്രമിക്കുകയായിരുന്നു. കരോളിന് ഉപയോഗിച്ച ഡ്രമ്മില് സിപിഐഎം എന്നെഴുതിയത് ചോദ്യം ചെയ്തായിരുന്നു ആക്രമണം. സുരഭിനഗര് എന്ന സ്ഥലത്തെത്തിയപ്പോഴായിരുന്നു സംഭവം.പ്രതി ചോദ്യം ചെയ്തതോടെ കുട്ടികള് ഡ്രം ഉപേക്ഷിച്ച് ഓടിരക്ഷപ്പെട്ടു. തിരിച്ചെത്തിയപ്പോള് അവ തകര്ത്ത നിലയിലായിരുന്നു. തുടര്ന്ന് കസബ പൊലീസിലെത്തി പരാതി നല്കുകയായിരുന്നു. പിന്നാലെ പൊലീസ് അശ്വിന്രാജിനെ അറസ്റ്റ് ചെയ്യുകയായിരുന്നു.
Read More
കുട്ടികൾ കള്ളുകുടിച്ചാണ് കരോൾ നടത്തിയത്’; പരാമർശത്തിൽ മലക്കം മറിഞ്ഞ് സി കൃഷ്ണകുമാർ
‘ഇത് പൊട്ടാതെ പോയ പടക്കം; സ്വത്ത് തർക്കത്തിന്റെ പേരിലുണ്ടായ പരാതി’; സി കൃഷ്ണകുമാർ
പാലക്കാട് കരോൾ സംഘത്തിന് നേരെ ആക്രമണം; ബിജെപി പ്രവർത്തകൻ അറസ്റ്റിൽ
പൊതുവിദ്യാലയങ്ങളില് കുട്ടികള് കുറഞ്ഞുവെന്ന പ്രചാരണത്തിനെതിരെ രൂക്ഷവിമര്ശനവുമായി വിദ്യാഭ്യാസമന്ത്രി സി രവീന്ദ്രനാഥ്
