പ്രധാനമന്ത്രി നരേന്ദ്രമോദി ഇന്ന് ബിഹാറില്‍. 13,000 കോടി രൂപയുടെ വികസന പദ്ധതികള്‍ ബിഹാറിലെ ഗയയില്‍ ഉദ്ഘാടനം ചെയ്യും. ഗംഗാനദിക്ക് മുകളിലൂടെ പാട്‌നയെ ബെഗുസാരായിയുമായി ബന്ധിപ്പിക്കുന്ന പാലം ഉള്‍പ്പെടെയാണ് പദ്ധതികള്‍. രാഹുല്‍ ഗാന്ധിയുടെ വോട്ടര്‍ അധികാര്‍ യാത്ര തുടരുന്നതിനിടെയാണ് പ്രധാനമന്ത്രിയുടെ സന്ദര്‍ശനം. രാഹുല്‍ഗാന്ധി നയിക്കുന്ന വോട്ടര്‍ അധികാര്‍ യാത്ര ഇന്ന് രാവിലെ എട്ടുമണിക്ക് ബിഹാറിലെ മുങ്കീറില്‍ നിന്ന് ആരംഭിക്കും.
പ്രതിപക്ഷമുയര്‍ത്തുന്ന ആരോപണങ്ങള്‍ക്ക് പ്രധാനമന്ത്രി ബിഹാറില്‍ മറുപടിയും നല്‍കിയേക്കും.
അതേസമയം, ബിഹാര്‍ വോട്ടര്‍പട്ടിക പരിഷ്‌കരണത്തിനെതിരായ ഹര്‍ജികള്‍ സുപ്രീംകോടതി ഇന്ന് വീണ്ടും പരിഗണിക്കും. ഒഴിവാക്കിയ 65 ലക്ഷം പേരുടെ പേര് വിവരങ്ങള്‍ പ്രസിദ്ധീകരിക്കാന്‍ തിരഞ്ഞെടുപ്പ് കമ്മിഷനോട് സുപ്രീംകോടതി നിര്‍ദ്ദേശിച്ചിരുന്നു. ഇതിനായി തിരഞ്ഞെടുപ്പ് കമ്മീഷന്‍ കൈകൊണ്ട നടപടികളുടെ വിശദാംശങ്ങള്‍ കോടതിയില്‍ ഇന്നേക്കകം സമര്‍പ്പിക്കാനും സുപ്രീംകോടതി ആവശ്യപ്പെട്ടു. കമ്മിഷന്‍ ഒഴിവാക്കിയവരില്‍ പരാതിയുള്ളവര്‍ക്ക് ആധാറിന്റെ പകര്‍പ്പ് സഹിതം പരാതി നല്‍കാമെന്നും കോടതി പറഞ്ഞിരുന്നു. കേസിലെ തല്‍സ്ഥിതി സുപ്രീംകോടതി ഇന്ന് പരിശോധിക്കും.
Read More
വോട്ട് കൊള്ളയ്‌ക്കെതിരെ രാഹുല്‍ ഗാന്ധി നയിക്കുന്ന 16 ദിവസത്തെ യാത്ര; വോട്ടര്‍ അധികാര്‍ യാത്രയ്ക്ക് ബിഹാറില്‍ തുടക്കമായി
വോട്ട് കൊള്ളയ്ക്ക് എതിരായി രാഹുല്‍ ഗാന്ധി നയിക്കുന്ന പോരാട്ടം; ‘വോട്ടര്‍ അധികാര്‍’ യാത്രയ്ക്ക് നാളെ തുടക്കം
‘ഏഴ് ദിവസത്തിനകം സത്യവാങ്മൂലം ലഭിച്ചില്ലെങ്കില്‍ ആരോപണങ്ങള്‍ അടിസ്ഥാനരഹിതം; രാഹുല്‍ ഗാന്ധി മാപ്പ് പറയണം’; തിരഞ്ഞെടുപ്പ് കമ്മീഷന്‍
പ്രധാനമന്ത്രി നരേന്ദ്ര മോദിയോട് വീണ്ടും ചോദ്യങ്ങൾ ഉന്നയിച്ച് കോണ്‍ഗ്രസ് നേതാവ് രാഹുല്‍ ഗാന്ധി
