കശുവണ്ടി കോർപറേഷൻ അഴിമതി കേസിൽ അപ്പീലുമായി വ്യവാസായ പ്രിൻസിപ്പൽ സെക്രട്ടറി മുഹമ്മദ് ഹനീഷ്. പ്രോസിക്യൂഷൻ അനുമതി നിഷേധിച്ച സർക്കാർ ഉത്തരവ് റദ്ദ് ചെയ്ത സിംഗിൾ ബെഞ്ച് ഉത്തരവും, കോടതിയലക്ഷ്യം നിലനിൽക്കുമെന്ന ഉത്തരവും ചോദ്യം ചെയ്താണ് അപ്പീൽ നൽകിയിരിക്കുന്നത്. ഹൈക്കോടതി ഡിവിഷൻ ബെഞ്ചിലാണ് അപ്പീൽ ഫയൽ ചെയ്തിരിക്കുന്നത്.
ഐഎൻടിയുസി പ്രസിഡന്റ് ആർ.ചന്ദ്രശേഖരൻ അടക്കമുള്ള പ്രതികളെ പ്രോസിക്യൂട്ട് ചെയ്യാനാണ് സിബിഐ അനുമതി തേടിയത്. അഴിമതി നിരോധന നിയമം കൂടെ ചേർത്താൽ മാത്രമേ പ്രോസിക്യൂഷൻ നടപടിയിലേക്ക് കടക്കാൻ കഴിയുകയുള്ളൂ. കശുവണ്ടി കോർപ്പറേഷൻ അഴിമതി കേസിൽ ഇടത് സർക്കാർ അഴിമതിക്കാരെ സംരക്ഷിക്കുന്നതായി ആക്ഷേപം ഉയർന്നിരുന്നു.500 കോടി രൂപയുടെ അഴിമതി നടന്നതായാണ് സിബിഐയുടെ കണ്ടെത്തൽ. കാഷ്യൂ ഡെവലപ്മെന്റ് കോർപറേഷൻ (സിഡിസി) മുൻ എം.ഡി. കെ.എ. രതീഷിനും മുൻ ചെയർമാനും ഐഎൻടിയുസി സംസ്ഥാന അധ്യക്ഷനുമായ എ. ചന്ദ്രശേഖരനും എതിരെയാണ് സിബിഐ കുറ്റപത്രം സമർപ്പിച്ചത്. 10 വർഷത്തെ അന്വേഷണത്തിനൊടുവിൽ 2020-ലാണ് കേസിൽ കുറ്റപത്രം സമർപ്പിച്ചത്
Read More
കശുവണ്ടി ഇങ്ങനെ തേച്ചാല് മുഖം വെളുവെളുക്കും; വീട്ടില് തന്നെ ഉപയോഗിക്കാം
കശുവണ്ടി കോർപ്പറേഷൻ അഴിമതി കേസ്; ‘അഴിമതിക്കാരെ സർക്കാർ സംരക്ഷിക്കുന്നു’; രൂക്ഷവിമർശനവുമായി ഹൈക്കോടതി
കശുവണ്ടി വികസന കോർപ്പറേഷൻ അഴിമതി; കോടതിയലക്ഷ്യ ഹർജി ഇന്ന് വീണ്ടും പരിഗണിക്കും
സിബിഐയ്ക്ക് വാളയാർ പെൺകുട്ടികളുടെ അമ്മ കത്തയച്ചു
