പുണെ ∙ മഹാരാഷ്ട്രയിലെ പുണെ യശ്വന്ത്റാവു ചവാൻ മെമ്മോറിയൽ ആശുപത്രിയിലെ (വൈസിഎംഎച്ച്) ഡോക്ടറെ ഡ്യൂട്ടി സമയത്ത് മദ്യപിച്ചതിന് സസ്പെൻഡ് ചെയ്തു. പോസ്റ്റ്‌മോർട്ടം വിഭാഗത്തിൽ മദ്യപിച്ച് ബോധമില്ലാതെ ഡോ. വൈഭവ് മാസ്‌കെ കിടക്കുന്നതും സമീപത്തെ മേശയിൽ മദ്യക്കുപ്പികൾ നിരത്തി വച്ചിരിക്കുന്നതിന്റെയും വിഡിയോ പുറത്തുവന്നിരുന്നു. ഇതിനെ തുടർന്ന് അന്വേഷണം നടത്തിയ ശേഷമാണ് പിംപ്രി ചിഞ്ച്‌വാഡ് മുനിസിപ്പൽ കമ്മിഷണർ ഡോക്ടറെ സസ്പെൻഡ് ചെയ്തത്. ഡ്യൂട്ടിയിലായിരിക്കുമ്പോൾ ഡോക്ടർ മദ്യപിച്ചെന്നും ആശുപത്രിയുടെ പ്രവർത്തനം തടസ്സപ്പെടുത്തി എന്നുമാണ് സസ്പെൻഷൻ ഉത്തരവിലുള്ളത്.യശ്വന്ത്റാവു ചവാൻ മെമ്മോറിയൽ ആശുപത്രിയിലെ വീഴ്ചകളെ കുറിച്ച് മുൻപും ഒട്ടേറെ റിപ്പോർട്ടുകൾ പുറത്തുവന്നിരുന്നു. ഓടുന്ന ആംബുലൻസിൽനിന്നും രോഗി സ്ട്രക്ചറോടെ പുറത്തേക്ക് വീഴുന്ന വിഡിയോ അടുത്തിടെ പുറത്തുവന്നിരുന്നു. ഒക്ടോബർ മൂന്നിന് മരിച്ച തൊഴിലാളിയുടെ മൃതദേഹം വിട്ടുകൊടുക്കാൻ കൈക്കൂലി ആവശ്യപ്പെട്ടെന്നും ആശുപത്രിക്കെതിരെ ആരോപണം ഉയർന്നിരുന്നു. ഡോ. വൈഭവ് മാസ്‌കെയോടു മൃതദേഹം കൊണ്ടുപോകാൻ ആവശ്യമായ രേഖകൾ നൽകാൻ കുടുംബം ആവശ്യപ്പെട്ടെങ്കിലും ഡോക്ടർ തയാറായില്ല. ഈ സമയം ഡോക്ടറുടെ മേശപ്പുറത്ത് മദ്യക്കുപ്പികൾ നിരത്തി വച്ച ദൃശ്യങ്ങളും പുറത്തുവന്നിരുന്നു. മൃതദേഹം ഉടൻ വിട്ടുകിട്ടണമെങ്കിൽ പണം വേണമെന്നാണ് ആശുപത്രി ജീവനക്കാർ ബന്ധുക്കളോട് ആവശ്യപ്പെട്ടത്.
Read More
വണ്ടര്‍ വൈഭവ്; ഒരു ഐപിഎല്‍ സീസണില്‍ ഏറ്റവും കൂടുതല്‍ സിക്‌സറുകള്‍ എന്ന നേട്ടം; തിരുത്തിക്കുറിച്ചത് ക്രിസ് ഗെയ്‌ലിന്റെ റെക്കോര്‍ഡ്
സംസ്ഥാനത്ത് ഇ സഞ്ജീവനി വഴി ഡോക്ടർ ടു ഡോക്ടർ സേവനം ആരംഭിച്ചതായി ആരോഗ്യമന്ത്രി
അനസ്തേഷ്യ നൽകിയതിന് പിന്നാലെ ഒന്നരവയസ്സുകാരൻ മരിച്ച സംഭവം; കൂടുതൽ ഡോക്ടർമാരെക്കൂടി പ്രതി ചേർക്കും
‘ഡോക്ടർ നൂറിലധികം സ്ത്രീകളെ പീഡിപ്പിച്ചു, എന്നെ കള്ളക്കേസിൽ കുടുക്കി’; വിഡിയോയുമായി നഴ്സ്
