കോഴിക്കോട്: കൊയിലാണ്ടി കൊടക്കാട്ടുമുറിയില്‍ മൂന്നു വയസ്സുകാരനെ അങ്കണവാടി ടീച്ചർ തല്ലിയ സംഭവത്തിൽ സംസ്ഥാന ബാലാവകാശ സംരക്ഷണ കമ്മിഷൻ സ്വമേധയാ കേസെടുത്തു. മാധ്യമ വാർത്തകളുടെ അടിസ്ഥാനത്തിലാണ് കേസ്. മലവിസർജ്ജനം നടത്തിയതിന് അടിച്ചുവെന്നാണ് പരാതി. ജില്ലാ പൊലീസ് മേധാവി, ജില്ലാ ശിശു സംരക്ഷണ ഓഫീസർ, ഐസിഡിഎസ് ജില്ലാ പ്രോഗ്രാം മാനേജർ എന്നിവരോട് കമ്മിഷൻ വിശദീകരണം ആവശ്യപ്പെട്ടു.
ക്ലാസിൽ വിസർജിച്ചു എന്നാരോപിച്ച് മൂന്ന് വയസ്സുകാരനെ അധ്യാപിക തല്ലി എന്നാണ് പരാതി. വ്യാഴാഴ്ച വീട്ടിൽ തിരിച്ചെത്തിയ കുട്ടിയെ കുളിപ്പിക്കുന്നതിനിടെയാണ് ദേഹത്ത് പാട് കണ്ടത്. തുടർന്ന് കുട്ടിയോട് അന്വേഷിച്ചപ്പോഴാണ് ടീച്ചർ അടിച്ചതാണ് എന്ന് അറിയുന്നത്. തുടർന്ന് കുട്ടിയുടെ അച്ഛൻ പൊലീസിലും ചൈൽഡ് ലൈനിലും പരാതി നൽകി. പരാതി വന്നതിന് പിന്നാലെയാണ് അധ്യാപികയെ ഐസിഡിഎസ് സസ്പെൻഡ് ചെയ്തു.അധ്യാപിക അടിച്ചെന്ന് മറ്റുകുട്ടികളും പറഞ്ഞെന്നും വാർഡ് മെമ്പർ ഉൾപ്പെടെ പരാതി ഒത്തുതീർക്കാനാണ് ശ്രമിച്ചതെന്നും അച്ഛൻ ആരോപിച്ചു.
Read More
എല്ലാം സ്വയം നേരിടണം എന്ന പക്ഷക്കാരനായിരുന്നു അച്ഛൻ, RSSന് കീഴ്‌പ്പെട്ടുകൊണ്ടുളള സമാധാനമോ സഹവർത്തിത്തമോ ആഗ്രിച്ചിരുന്നയാളല്ല: ഒളിയമ്പുമായി ബിനീഷ് കോടിയേരി
അങ്കണവാടി പെൻഷൻകാർക്ക് ഓണത്തോടനുബന്ധിച്ച് പ്രത്യേക ധനസഹായം നൽകും: കെ കെ ഷൈലജ ടീച്ചർ
കോഴിക്കോട് ജില്ലയില്‍ 149 പേര്‍ക്ക് കോവിഡ് സ്ഥിരീകരിച്ചു;സമ്പര്‍ക്കം വഴി 113 പേര്‍ക്ക് രോഗം
കൊടുങ്ങല്ലൂരിൽ പ്രായപൂർത്തിയാവാത്ത കുട്ടി ആത്മഹത്യ ചെയ്ത സംഭവം; ബാലാവകാശ കമ്മിഷൻ കേസെടുത്തു
