തിരുവനന്തപുരം ∙ സംസ്ഥാനത്തെ വൈദ്യുതി പ്രതിസന്ധി പരിഹരിക്കാനുള്ള ശ്രമങ്ങളിൽ നേരിട്ട് ഇടപെട്ട് മുഖ്യമന്ത്രി വി.ഡി.സതീശൻ. പവർ എക്സ്ചേഞ്ചിലൂടെ കൂടുതൽ സ്ഥലങ്ങളിൽനിന്ന് വൈദ്യുതി എത്തിക്കാനാണു ശ്രമം. ഇതിനായുള്ള ചർച്ചകൾ അന്തിമഘട്ടത്തിലാണെന്നു സർക്കാർ കേന്ദ്രങ്ങൾ അറിയിച്ചു. ഇന്നു രാത്രിയോടെ വൈദ്യുതിക്ഷാമത്തിനു പരിഹാരമുണ്ടാക്കാനാണു ശ്രമം. ഇതിനിടെ, ഇന്നലെ 1024 മെഗാവാട്ട് വൈദ്യുതി ലഭിച്ചതോടെ ഭൂരിഭാഗം ഇടങ്ങളിലും വൈദ്യുതി നിയന്ത്രണം ഒഴിവായി.വൈദ്യുതി മന്ത്രി സണ്ണി ജോസഫുമായി ചർച്ച നടത്തിയ ശേഷമായിരുന്നു മുഖ്യമന്ത്രിയുടെ ഇടപെടൽ.
ഉദ്യോഗസ്ഥരുമായി ചർച്ച നടത്തിയ മുഖ്യമന്ത്രി, അടിയന്തര നടപടികൾ സ്വീകരിക്കാൻ നിർദേശിച്ചു. പ്രതിദിനം ഏകദേശം 500 – 700 മെഗാവാട്ടിന്റെ കുറവാണു നേരിടുന്നതെന്ന് ഉദ്യോഗസ്ഥർ അറിയിച്ചു. ഉത്തരേന്ത്യയിൽ നിന്നടക്കം വൈദ്യുതി വാങ്ങാനാണു ശ്രമം.
Read More
വൈദ്യുതി ഉപഭോഗം കൂടി; ഉൽപാദനം കുറഞ്ഞു: പ്രതിസന്ധി രൂക്ഷമെന്ന് കെഎസ്ഇബി; ഇക്കാര്യങ്ങള് ശ്രദ്ധിക്കാം
സംസ്ഥാനത്ത് ഇന്ന് വൈദ്യുതി മുടങ്ങും; വൈകിട്ട് 6നും 12:45നുമിടയില് വൈദ്യുതി മുടങ്ങാന് സാധ്യത
സംസ്ഥാനത്ത് വൈദ്യുതി പ്രതിസന്ധി രൂക്ഷം: ഇന്ന് നിയന്ത്രണം ഉണ്ടാകില്ല, ആശങ്ക അറിയിച്ച് വൈദ്യുതി റെഗുലേറ്ററി കമ്മീഷൻ
പ്രതിസന്ധി രൂക്ഷം: സംസ്ഥാനത്ത് വൈദ്യുതി നിയന്ത്രണം തുടരും
