‘രാഹുൽ മാങ്കൂട്ടത്തിലിനെ ഒരു പരിപാടിയിലും കയറ്റരുതെന്ന് പറഞ്ഞിട്ടുണ്ട്; പ്രചാരണത്തിന് ഇറങ്ങേണ്ട’; കെ മുരളീധരൻ

ലൈംഗിക പീഡനക്കേസിൽ പ്രതിയായ രാഹുൽ മാങ്കൂട്ടത്തിൽ എംഎൽഎയെ ഇനി ഒരു പരിപാടിയിലും കയറ്റരുതെന്ന് പറഞ്ഞിട്ടുണ്ടെന്ന് കോൺഗ്രസ് നേതാവ് കെ മുരളീധരൻ. രാഹുൽ മാങ്കൂട്ടത്തിൽ കോൺഗ്രസ് സ്ഥാനാർഥികൾക്ക് വേണ്ടി പ്രചാരണത്തിന് ഇറങ്ങേണ്ട. ഉദിച്ച് ഉയരേണ്ട താരങ്ങൾ ഉദിച്ചു ഉയരുക തന്നെ ചെയ്യും, അല്ലാത്തവ അസ്തമിക്കുമെന്നും കെ മുരളീധരൻ തിരുവനന്തപുരത്ത് പറഞ്ഞു.

കോൺഗ്രസിൽ നിലവിലുള്ള എംഎൽഎമാർ ആരും ഒളിവിൽ അല്ല. മാറ്റി നിർത്തിയവരാരെങ്കിലും ഒളിവിൽ പോയിട്ടുണ്ടെങ്കിൽ കണ്ടുപിടിക്കേണ്ടത് പൊലീസ് ആണെന്ന് കെ മുരളീധരൻ പറഞ്ഞു. സസ്പെൻഷനിലുള്ള ആൾ പരിപാടികളിൽ പങ്കെടുത്താൽ പാർട്ടിക്ക് ഉത്തരവാദിത്തം ഇല്ലെന്നും അത് വ്യക്തിപരമാണെന്നും അദേഹം പറഞ്ഞു. സസ്പെൻഷൻ പുറത്താക്കലിന് തുല്യമാണ്. അതെന്നും പറഞ്ഞിരിക്കേണ്ട കാര്യമില്ല. കോൺഗ്രസ് ആ അധ്യായം അടച്ചെന്ന് കെ മുരളീധരൻ വ്യക്തമാക്കി.
തദ്ദേശ തെരഞ്ഞെടുപ്പിൽ കോൺഗ്രസിന് അനുകൂലമായ സാഹചര്യമാണ് നിലവിലുള്ളത്. സെമിഫൈനൽ വിജയം ഫൈനലിന് ശക്തികൂട്ടം. തിരുവനന്തപുരം കോർപ്പറേഷനിൽ 55 വാർഡുകൾ പിടിച്ച് അധികാരത്തിൽ വരും.കവടിയാറും ശാസ്തമംഗലവും പേട്ടയുൾപ്പെടെ കോൺഗ്രസ് ജയിക്കുമെന്ന് കെ മുരളീധരൻ പറഞ്ഞു. വിമതവർക്കെതിരെ എല്ലാം നടപടി സ്വീകരിച്ചിട്ടുണ്ട്. ആരും തങ്ങൾക്കൊപ്പമില്ല. പുകഞ്ഞ കൊള്ളി പുറത്താണെന്ന് അദേഹം കൂട്ടിച്ചേർത്തു.

Read More

പാലക്കാട് സജീവമാകാൻ രാഹുൽ മാങ്കൂട്ടത്തിൽ; കോൺഗ്രസിന്റെ പൊതുപരിപാടികളിൽ പങ്കെടുത്തു പാലക്കാട് രാഹുൽ മാങ്കൂട്ടത്തിലിനെ തടഞ്ഞ് ഡിവൈഎഫ്‌ഐയും ബിജെപിയും; ഒടുവിൽ നടന്നെത്തി റോഡ് ഉദ്ഘടാനം ചെയ്‌ത്‌ എംഎൽഎ പ്രഭാത വാർത്തകൾ ‘പാർട്ടിയെ ധിക്കരിച്ചിട്ടില്ല, എന്നും പാർട്ടിക്ക് വിധേയനായാണ് പ്രവർത്തിച്ചത്’; രാഹുൽ മാങ്കൂട്ടത്തിൽ