ദക്ഷിണാഫ്രിക്കയുമായുള്ള രണ്ടാം ടെസ്റ്റിലും കനത്ത പരാജയമേറ്റുവാങ്ങിയതിനെ തുടര്‍ന്ന് ഗുവാഹത്തിയിലെ ബര്‍സപാറ ക്രിക്കറ്റ് സ്റ്റേഡിയത്തില്‍ ഉടലെടുത്ത സംഘര്‍ഷത്തിനിടെ ഗൗതം ഗംഭീറിനെ അവഹേളിച്ചെന്ന കേസില്‍ ആരാധകന്‍ അറസ്റ്റില്‍. മത്സരത്തിന് ശേഷം താരങ്ങളും ഒഫീഷ്യല്‍സും ആരാധകരെ അഭിസംബോധന ചെയ്യുന്നതിനിടെയായിരുന്നു ‘ഗൗതം ഗംഭീര്‍ തിരികെ പോകൂ’ എന്ന തരത്തില്‍ ചില ആരാധകര്‍ വിളിച്ചു പറഞ്ഞത്. താരങ്ങള്‍ മുദ്രവാക്യം വിളിക്കുന്നവരെ വിലക്കുന്നത് കാണാമായിരുന്നു. എന്നാല്‍ ഇന്ത്യയുടെ മുഖ്യപരിശീലകനായ ഗൗതംഗംഭീറിന്റെ ഭാഗത്തുനിന്നും പ്രത്യേകിച്ച് ഒരു പ്രതികരണവും വരുന്നതായി ദൃശ്യങ്ങളിലില്ല. ഒഫീഷ്യല്‍സും താരങ്ങളും ആരാധകരെ നിയന്ത്രിക്കാന്‍ ശ്രമിക്കുന്നത് കാണാമെങ്കിലും ഇതൊന്നും വകവെക്കാതെ ”ഹേ ഹേ ഗംഭീര്‍ തിരികെ പോകൂ” എന്നുള്ള വിളി വര്‍ധിക്കുകയാണ് ഉണ്ടായത്. തുടര്‍ന്ന് ബിസിസിഐ പ്രതിനിധികള്‍ പോലീസില്‍ പരാതി നല്‍കിയെന്ന് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു.
ജനക്കൂട്ടത്തെ അഭിസംബോധന ചെയ്യാനായി ബൗളര്‍ മുഹമ്മദ് സിറാജ് മുന്നോട്ട് വന്നിരുന്നു. സിറാജും അസിസ്റ്റന്റ് കോച്ച് സിതാന്‍ഷു കൊട്ടക്കും ഗ്യാലറിക്ക് അരികെ വരെ എത്തി മുദ്രവാക്യം വിളി നിര്‍ത്തണമെന്ന് അഭ്യര്‍ഥിച്ചിരുന്നെങ്കിലും ഫലമുണ്ടായില്ല.
Read More
തോൽവിയുടെ ഉത്തരവാദിത്വം എല്ലാവർക്കും, എന്റെ കീഴിൽ ചാമ്പ്യൻസ് ട്രോഫിയും ഏഷ്യാകപ്പും ജയിച്ചു; ഗൗതം ഗംഭീർ
പ്രഭാത വാർത്തകൾ
ഗൗതംഗംഭീര്‍ ടീംഇന്ത്യ ഹെഡ്‌കോച്ച് ആയി തുടരുമോ? ഉടനടി തീരുമാനത്തിനില്ലെന്നുറച്ച് ബിസിസിഐ
വിവാഹാഭ്യര്‍ഥന നിരസിച്ചു; യുവാവിനെതിരെ ക്വട്ടേഷന്‍: കൊല്ലം സ്വദേശിയായ യുവതി ഉള്‍പ്പെടെ മൂന്നുപേര്‍ അറസ്റ്റില്‍
